Waalaikumsalam Mak Ban, jadi "roh" nan bisa mampasatukan urang Minangkabau tu adolah keminangkabauan itu sendiri. Kesimpulan nan sapanjang iko ambo raso paliang konklusif untuak manjawek tanyo ambo sabalunnyo. tapi walaupun baitu kito tunggu pulolah pandapek Uda Suryadi, Pak Saaf dan dunsanak lainnyo. karano kesimpulan ko biasonyo hanyolah jeda samantaro dari debaik nan panjang..haha.
tapi ambo supakaik juo mengenai fakta dibaliak kelemahan itu ado kekuatan. sajalan jo prinsip Ying dan Yang bahwa iduik ko adolah keseimbangan. disuatu hal satu etnis tertentu mempunyai kelemahan namun disi lain etnis tersebut memiliki kelebihan sehingga mencapai apa yang dinamakan keseimbangan (equilibrium). Ketakutan adonyo ekstrim kiri atau kanan didalam masyarakat atau mungkin bisa digambarkan sarupo adonyo kaum adat dan kaum ugamo manuruik ambo indak bisa disalasaikan jo ekstrim tangah. Karano hal itu sarupo mamatok badan kito sarupo beton nan kaku. nan dibutuhkan adolah sifat lentur nan apabilo mandapekkan tekanan mako inyo akan baliak katampek samulo sahinggo satiok masukan atau kritikan nan kito tarimo bisa manjadi masukan nan akan manambah dan mampakayo pemahaman iduik kito. salam Ben --- In [EMAIL PROTECTED], "Bandaro Labiah" <[EMAIL PROTECTED]> wrote: > > > > > > > > Assalamu'alaykum w.w. > > Bennny Inayatullah sarato sidang palanta > > antah dek caro bapikia balain dan caro mamandang babeda pulo, sungguahpun > ujuk mukasuk ka sinan juo > > apo nan disampaikan Benny dibawah ko, ambo satuju pulo, iyo awak lai punyo > sadonyo, lah langkok > namun nan agak babeda pandang adolah apo nan benny katokan kalau awak indak > punyo semen(parakek), kalau manuruk ambo sabananno awak alah punyo pulo > parakek nantun, indak lain indak bukan adolah ke-Minangkabau-an awak tu > sandiri, ( kacintoan awak kapado Miangkabau dalam arti luas, nan tamasuak > sebagi urang Minangkabau, adat budaya dan lainnyo) > > Ingek wakatu awak samo-samo mancari namo untuak lapangan kapa tabang di RN, > mayoritas awak mamiliah dan mausuakan namo lapangan kapatang tu jo namo > Minangkabau, itu pulo nan dipakai jadino > > Banyak kajadian atau karajo nan mambuek awak bagaduru kalau alah disabuk > Minangkabau > baitu pulo, banyak pulo oraganisai urang awak, nan tumbuah dan babuek > sarato mambari manfaat bagi kampuang awak (Minangkabau), itu manandokan > parakek (lem) tu sabanayo alah ado > > ado ciek perbedaan makna nan takanduang didalam kosa kata *Persatuan* jo * > Ikatan*, > dalam hal iko saindakno manuruk pandapek dari ambo, dimano kata > *Persatuan*bamakna basatunyo sagalo elemen / unsur / bagian, sahinggo > elemen / unsur / > bagian nan tadi tu manjadi mabaua dan batuka bantuak manjadi bantuak nan > lai, dan dek karano batuak lah barubah, sahinggo elemen / unsur / bagian > samulo indak tampak lai, diibaratkan sarupo mambuek Kalamai / Galamai, nan > ma nan tapuang, nan ma nan tangguli (saka) nan ma nan santan sarato durian > (kalau diagian durian supayo babaun durian) indak bisa dibedakan lai doh. > > dilain pihak, kalau nan namono *Ikatan, * satiok elemen / unsur / bagian nan > samulo tagak surang surang, kini tagak basamo, namun nan elemen / unsur / > bagian tadi tu masih tatap ado, walapun inyo alah bagabuang dalam satu > ikatan. diibaratkan sarupo awak mambuek sapu, nan tiok lidi cako lah dikabek > jo tali, namun ciek ciek lidi tadi tatap juo masih utuh sebagai lidi nan > ciek, walaupun ado dan barado dalam satu ikatan. > > disiko ambo mancaliak dan maambiak pandangan bahwasono, disikolah latak jati > diri urang Minangkabau, sapanjang lai sasuai alua jo patuik sarato kabanaran > (raso jo pareso) , mako inyo akan sato didalam, tapi kalau alah manyimpang > dari ujuk mukasuk samulo, nan inyo bisa dan berhak untuak indak sato didalam > tu lai > > Kadang urang sasek maaratikan 'kok santiang, santiang sen lah surang, nan > aden indak ka batanyo, Kok kayo kayo sen lah surang nan aden indak ka > mamintek, diaratikan sabagai urang bansaik nan ongeh, atau diaratikan urang > bodoh nan sok tau, padohal dibaliak daripado itu indak dicaliaknyo, baa > mangko urang sampai mangecekkan sarupo itu ?? yakin ambo kalau urang nan > kayo tu nan suko mamanggakkan kakayoan inyo atau manyakik-i hati urang nan > bansaik tu, bisa pulo uang nan santiang tu mangkacadiak-i nan bodoh cako. > Dibuekno organisasi, tapi kauntuak padati supayo dapek jabatan atau > kadudukan, dima pulo urang ka namuah sato. Kalau urang indak namuah > mandukuang dikatokan indak namuah basatu, kan bisa bak nantun ndak ? > > lah banyak oganisasi nan dibuek nan sabanano adolah kapanjangntanganan (ka > kudo baban) bagi oraganisasi atau urang -2 tertentu guno mampangaruahi urang > banyak supayo dapek mancapai tjujuan, nan sabanano indak bamanafaat bagi > masyarakat itu sandiri, kok lai bana manfaatno, tapi labiah banyak > mudharatno. wallahu'alam bishawab > > nan jaleh kini, dari apo nan kito punyo dan nan kito katahui satantangan > urang Minangkabau (tantunyo punyo karateristik nan babeda pulo jo suku > bangsa lain), baa carono bisa babuek, babuek dan babuek, sasungguahnyo di > dalam dan di *kekurangan * itu sandiri terdapat *kelebihan* . > ( cubo awak kana-kana : bagian kapalo awak nan paliang rawan adolah > ubun-ubun, tapi ubun -ubunt itu pulo jarang atau buliah dikatokan indak ado > nan talakak, tasudak, nan acok bangkak tu bagian kaniang, atau *pelipis*, > bagian balakang, sudah tu, dibagian tapak kaki awak, nan paliang rawan tu > adolah tampaik nan malangkuang sabalah ka dalam, tapi disinan pulo nan > jarang kanai cucuak di duri atau tainjak paku) > > mungkin sakitu dulu benny ! untuang kok lai paguno, kok tibo di nan ukan, > tolong pulo dialiah ka nan elok > > Wassalamu'alaykum w.w. > > Bandaro labiah > > > > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
