Sanak sapalanta,
Tagarik lo ambo mangomentari postingan sanak Nofrins ko. Baa kok co itu, nan diambiak gambar e adolah tondeh alias tandas alias kakuih alias wc di Paris. Ambo kiro awalnyo sanak awak ko bagarah ka ambiak gambar tondeh ko, tapi malah masuak postingan lo.
Tondeh ko adolah tondeh kimia dan otomatis. Baa kok kimia jo otomatis? Karano ndak ado urang nan mambarasiahn doh tondeh ko. Abih pakai, baik urusan ketek jo gadang, langsuang disiram dan diantiseptik kan. Jadi lai ndak babaun do! Ciek lai didalamnyo ado aie pancuran untuk cuci tangan. Kalau musim dingin, kakuih ko lumayan hangat( bukan angek, gerah). Tp ndak ado AC klo musim paneh.
Awalnyo masuak tondeh ko dikenakan bayaran 50 sen eur, setelah euro, atau awalnyo 2 Fr (inflasi snek). Tapi dek alah pulang pokok jo mungkin juo balabo pihak Balai kotanyo, kini nyo gratisan. Buliah di tiok suduik kota Paris ado tondeh cando iko. Apo lai dakek Eiffel. Iko suatu sumbangan bagi pengunjung ataupun masyaraaik kota Paris nan tagageh ka balakang. Maso pakai tondeh ko 15 menit tiok kali masuak. Jadi cukuik ukatu bagi nan ado masalah ka balakang. Kecuali klo talalok di musim dingin, dek di dalamnyo lumayan hangat. Sudah tu tabukak surang.
Kok dicaliak soal harago, ambo raso ndak sampai ge 200jt do, tp bia lah beko ambo cubo cari tau. Kok di awak ndak usah lah saharago 200 jt lo ciek wc ko. Maha bana mah. Labiah maha lo lai dari RSS 35.
Kok ka dibuek juo WC umum nan barasiah, iyo mungkin paralu nan ado nan mambarasiahan. Di Paris pun ado WC umum nan ditariak bayaran 50 sen. Ado urang itam nan manjago jo mambarasiahan e. Kok di awak, apo lai ado nan ka namuah bakarajo mambarasiahan wc ko? Apo lai di tampek umum. Di awak banyak gengsi. Tapi klo di pakai sistem otomatis, di awak capek rusak , sudah tu tabangkalai se. Abiah lah pitieh rakyat badarai dek nyo.
Ado ciek lai, dulu, di dalam Paris ado wc umum tabuka, cuman untuk karajo ketek di apak apak. Sambia tagak se, tp kini alah hilang, klo ndak salah hanyo tingga ciek. Tapi apo iyo iko ka dibuek?
Ciek lai, kok ka dibuek juo WC umum tu, supayo ndak marusak lingkungan, bisa ditanam di bawah tanah, satinggi wc tu dibuek lubangnyo. cuman tando wc umum se nan nampak. Di atehnyo dibuek taman. Jadi sia nan ka karajo sinan, indak nampak bana dek urang umum ( kok ka malu juo he).
Kok ka iyo ingin barubah, iyo sikap awal pejabaik nan paralu kito ubah. Jaan lah sagalo karajo diproyekkan, jadi malah korupsi jatuahnyo. Gadang dipakuak jadinyo. Ambo masih ndak mangarati kok jadi 200jt harago ciek wc. Apo sadonyo diagiah marmer?
Kalau di Paris, ado pameo sabalun makan di restaurant : Caliak dulu wc nyo, kok baun jo ndak barasiah, jaan makan di sinan.
Sakitu se komentar ambo, beko ambo sambuang baliak.
Salam
Heri Tanjuang(44, sabanta lai 45)
Rang Tabiang
Paris, Perancis
HP : +33627532880
Fax :+33140598958
HP Indo : 0811885627 (hanyo utk SMS)
--- En date de : Mer 21.5.08, Yulnofrins Napilus <[EMAIL PROTECTED]> a écrit :
De: Yulnofrins Napilus <[EMAIL PROTECTED]>
Objet: [EMAIL PROTECTED] Re: ......... dan Salam dari Praha
À: RantauNet@googlegroups.com
Date: Mercredi 21 Mai 2008, 10h43
Mak Ngah, Ambo kadang agak rajin juo mangodak tondeh2 iko kalau sadang pai batugeh. Bia nak lamak ota wak setek, iko ado 2 contoh sajo ambo lampirkan, ciek di restoran di Sydney, nan ciek lai Toilet Umum di Paris. Tapi kalau nan toilet umum iko, alun barani ambo cubo lai. Krn isunyo, kalau awak sadang "talamak", lupo jo wakatu dan coin nyo indak cukuik, bisa2 tabuka surang pintu toilet iko beko...:) Baa tu Sanak Heri Tanjuang, iyo sarupo itu...? Mungkin nan sarupo iko contoh WC 200jt di Sumbar itu kali yo...? Nanang, sempatkanlah mangodaknyo kok lai basuo contoh WC iko di Padang. Nan rancak iko paralu awak tularkan kemana-mana, kan iyo baitu ndak Mak Ngah...? Trims. Salam, Nofrins
----- Original Message ---- From: hambociek <[EMAIL PROTECTED]> To: RantauNet@googlegroups.com Sent: Wednesday, May 21, 2008 1:45:32 PM Subject: [EMAIL PROTECTED] Re: ......... dan Salam dari Praha
Soal tondeh-manondeh ko kalau indak ditangani sacaro integral, barangkali salangkah demi salangkah rancak kito usulkan ka para Pengusaha Restoran Urang Awak untuk mangutamakan perhatian pembersihan tondeh tu. Bukan sajo supayo urang masaso lamak makan sinan, tapi supayo urang pun maraso lamak c... sinan. ![:)]()
Kalau ka mambangun restoran baru, rancak dipikiakan sungguah-sungguah pambangunan tondeh nan barasiah. Kalau ingin labiah mamajukan restoran rancak pulo dimajukan kabarasiahan tondeh.
Kok indak banyak nan elok-elok nan dapek kito contoh dari mancaliak nagari urang, soal kabarasiahan tondeh-manondeh ko sajo kok dapek ditiru mungkin lah bidaso tu.
Salam,
--Nyiak Sunguik
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim melalui jalur pribadi
- Dilarang posting email besar dari >200KB. Jika melanggar akan dimoderasi atau dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di: https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
=============================================================== -~----------~----~----~----~------~----~------~--~---
|
