Alaikumussalam warrahmatullahi wa barrakatuh. Sanak sapalanta, Apo nan tabasuik dari adinda Ridha tu, mungkin partanyaan banyak urang awak juo. Baa sampai namo propinsi awaktu banamo Sumatera Barat, manga Aceh indak masuak ka awak, padahal disinan ado bagian baratnyo juo (sarupo daerah sakita Meulaboh), lataknyo tatap di Pulau Sumatera. Baitu pulo kalau awak uruik dari ateh Sumatera tu nan lataknyo di barat pulau Sumatera (makasuik ambo mulai dari utara), nan tadi dari Aceh (kini NAD), Sumatera Utara, padahal NAD barado di utaronyo (sarupo daerah sakita Sibolga, Barus atau Tapanuli bagian salatan lainnyo), Jambi (daerah Kurinci), Bengkulu, sampai ka Lampung. Wah, bana juo kecek sanak Noviadie edwar kt sati, awak tuka seh jo Minangkabau namo propinsi awaktu. Untuak itu awak cubo badiskusi jo niniak awak nan lain dulu, baa kalau baitu mak Sutan? Satantangan namo barat tu, kalau ambo cubo-cubo manjaweknyo....ikopun bakiro-kiro adinda. Daulu sabalun namo propinsi awak manjadi Sumatera Barat, konon namo propinsi awaktu banamo Sumatera Tengah, manyatu jo Propinsi Riau jo Jambi. Takana wakatu ketek (ambo wakatu tu masih tingga di Kapulauan Riau), di Akta Kelahiran tatulih Sumatera Tengah. Mungkin, dek ingin bapisah, dek sabab propinsi awak labiah ka barat mako kato tangah tu di bagi bagi, ado Propinsi Sumatera Barat nan baibu kota di Padang, Propinsi Riau baibu kota di Pakanbaru, jo Jambi baibu kota di kota Jambi. Tapi, kini muncua pertanyaan, bukankah Sumatera Utara tu daulu banamo Sumatera Timur? dan baa pulo panyababnyo? Yo, mungkin dek talalu ka timua mangko banamo Sumatera Timur, sadang nan di awak nan tadorong dek talalu ka barat, disabuik Sumatera Barat. Kiro-kiro baitu bukan sanak? Tapi walaupun baitu, ambo samupakaik bilo propinsi awak diarahkan ka sabutan Minangkabau. Tapi, ambopun ka batanyo ka katua LKAAM Sumatera Barat, bisa indak kalau baitu? sabab awak harus mancaliak pulo nan dimakasuik Minangkabautu dimaa wilayahnyo. Ado wilayah inti, dan ado nan wilayah rantau. Silahkan awak diskusikan. Cocok ndak bilo Propinsi Minangkabau baibukota di kota Padang? Jaan jaan beko sado namo propinsi diganti jo namo-namo baru dek ulah awak juo. Bisa-bisa namo nagara awak kabatuka juo jo namo lain.....he....he...he.......... Oh yo, takana dek ambo, ado kawan di palantako batanyo, baa namo kota atau nagari, kampuang, dsb di propinsi awak indak disasuaikan jo bibia urang awak, bantuak Bukik tinggi indak Bukittinggi doh, Payo Kumbuah nan indak Paya Kumbuh, Piaman nan indak Pariaman, Batusangka indak Batu Sangkar, Sijunjuang indak Sijunjung, Lubuak Sikapiang nan indak Lubuk Sikaping, sarupo jo di Jawa Barat, Ciranjang indak disabuik Air Ranjang atau Sungai Ranjang, atau Cijengkol indak disabuik Air Jengkol atau Sungai Jengkol, jo nan lain-lainnyo. Atau Banyuwangi di Jawa Timur indak basabuik Air Wangi. Atau Wonogiri di Jawa Tengah manjadi Hutan di Gunung, ha....ha...ha... Nah, ikopun bapulang ka mawenanginyo. Bilo kabatuka tantu akan banyak nan dirombak. Yo, bapulang baliak ka sapangka. Wallahualam. Wassalam, Tan Lembang (52) Lembang-Bandung.
--- On Thu, 6/19/08, Noviadi Edwar <[EMAIL PROTECTED]> wrote: From: Noviadi Edwar <[EMAIL PROTECTED]> Subject: [EMAIL PROTECTED] Re: Tanyo Sumatera Barat To: "RantauNet@googlegroups.com" <RantauNet@googlegroups.com> Date: Thursday, June 19, 2008, 3:48 AM Rancak juo tu kalau namomyo manjadi Propinsi Minangkabau, jadi nampak ciri khasnyo. 1. Dulu ado Propinsi Daerah Istimewa Aceh, kini lah barubah manjadi Propinsi Nangro Aceh Darussalam. 2. Dulu ado Propinsi Irian Jaya, kini lah barubah manjadi Propinsi Papua (balakangan tapacah manjadi Papua Barat) 2. Kemudian ado lagi propinsi nan manunjuakan kadaerahannyo yaitu Propinsi Banten, Propinsi Gorontalo, Propinsi Bengkulu, Propinsi Jambi, Propinsi Lampung, Propinsi Bali, Propinsi Daerah Istimewa Yogyakarta dan Propinsi Bangka Belitung. Salam, Noviadie kt sati (30) From: RantauNet@googlegroups.com [mailto: RantauNet@googlegroups.com ] On Behalf Of [EMAIL PROTECTED] Sent: Thursday, June 19, 2008 9:58 AM To: RantauNet@googlegroups.com Subject: [EMAIL PROTECTED] Tanyo Sumatera Barat Assalamu'alaykum Ambo nio batanyo ka sado dunsanak di milis awakko....baa dek propinsi awak banamo sumatera barat. Kalau lokasinyo di sabalah barat sumatera, iyo tingga caliak sajo di peta. Tapi Aceh tetap Aceh dan Sumatera Utara lataknyo indak lo di paliang utara :-) Baa dek namo sumatera barat nan bapiliah....?? Kama akarnyo? Iko ambo tanyokan, supayo ndak disalahan urang lai kalau ambo mangaku urang Padang :-) padahal asa payokumbuah VII koto talago. Baa dek ngaku urang padang ? karena padang tu labiah dikenal daripado limbonang, ado di peta, ibukota sumatera barat. Kok disabuik payokumbuah kok makin panjang se tanyo urang sasudah itu, dima tu? bara jarak dari padang ?. Jadi rancak ngaku: Padang !...abih pakaro. Kalau ado nan batanyo, dima padang da?..naah itu berarti nyo tau sumatera barat, ota bisa balanjuik kama-kama. Baa dek indak ngaku sajo...urang maa? Minang. Di minang sendiri awak jarang manyabuik suku minang, karena lazimnyo lebih spesifik : chaniago, dll. Seandainyo minang ko tidak hanya suku bangsa dan (dulunyo) namo kerajaan, mungkin urang2 bantuak ambo labiah tabantu. Seandainyo Minangkabau tidak hanya jadi namo bandara.... Seandainyo Minangkabau ko bisa jadi namo propinsi.... salam ridha/male/30-jkt <br --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---