Assalaamu'alaikum wa rahmatullaahi wa barakaatuhu
Re: [RantauNet] [surau] Re: 1500 Tahun Yang Lalu - Racun (1)
Muhammad Dafiq Saib
Tue, 12 Mar 2002 17:07:27 -0800
Assalamu'alaikum wr.wb.,
Si Urupaih lah tibo
Komah lah tibo no baliak
Sia garan kapatang nan alah taragak bana jo si Urupaih
Ko no hah lah tibo
Salamoko no talalok
Antah di dangau dima indak tau wak
Antah di lapau sia antahlah
Antah di pos rundo mungkin
Sadang bakaruah gadang tu
Sadang barasian
Sadang maigau
Sadang manarajang ka suok kida
Babunyi patuih tungga
Si Urupaih takajuik gadang
Manarajang jago
Mahambua
Langsuang bangih
Banyak bana nan kadibangihan si Urupaih
Manga si Panggugek di ambek
Manga si Azwar Anaih indak di bangihi sarupo
mambangih-ino saisuak
Katiko Azwar Anaih mangecekan Syariat Islam di Ranah
Minang barati langkah mundur
Baa mangko indak dibangihi Azwar Anaih
Baa mangko ano dulu dibangihi
Si Urupaih manggaretang-garetang
Dek alun samparono jago bana dari rasian
Bangih pulo ka Allah SWT (Ya Allah ampuni lah si
Urupaih, ano barasian tumah)
Baa mangko paraturan 1500 taun nan lapeh tu juo nan
kadipakai lai kini
Mukasuikno paraturan nan 1422 + 13 taun nan lapeh tu
Manga itu juo nan kadipakai (Masya Allah tobaik lah
Paih)
Manga urang manciluik musti ka di karek juo tanganno
lai
Manga urang bazina ka dirajam juo sarupo 1422+ taun
nan lapeh lai
Manga urang minum tuak kadihukum juo lai
Astaghfirullah Paih
Sudah tu tantu ang (den pa 'ang' ang lai, kan umua ang
baru 26 tahun, aden alah 50 taun) ka mangecekan:
Manga sumbayang juo jo bahaso Arab sarupo 1422+ taun
na lapeh tu lai
Manga puaso juo sarupo 1422+ taun nan lapeh tu lai
Manga musti manikah juo jo aqad nikah sarupo 1422+
taun nan lapeh tu lai
Indak manga gai doh Paih
kok ang kamanciluik tapi indak di pontong urang tangan
ang (memang iyo indak kok kini)
kok ang ka bazina tapi indak di rajam urang badan ang
(memang iyo indak kok kini)
kok ang ka mambunuah tapi indak bagai awak ang ka
dibunuah urang baliak doh
Tapi haqqul yakin Paih
Kok iyo disinan tatagak ang
Indak balaku doh hukum kadiri ang....kini
Indak jatuah doh hukum ka diri ang...kini
Haqqul yakin
Allah Subhanahu wata'ala kamarajam ang isuak di narako
Kalau ang kini bebas dari hukum pontong tangan isuak
dinarako tangan ang tu ka dipontong dan dirasokan bana
sajadi-jadi atzab ka diri ang, dalam wakatu nan lamo
Kalau ang kini bebas dari hukum rajam, isuak di narako
awak ang ka dirajam malaikat Malik di dalam narako
Allah dalam wakatu nan lamo
Bara lamo?
Antahlah, cubolah etong surang
Tapi saari di akhiraik tu sarupo jo saribu taun di
dunia kiniko
Lai kalanteh angan ang?
Lai agakno yo?
Mako dari itu Paih
Urupaih, Urpas, anak mudo nan jombang nan alah gadang
Ooi Urpas rambahlah paku
nak tarang jalan ka parak
Ooi Urpas rubahlah laku
nak sayang Tuhan kaawak
Jagolah
Basuah muko
Ambiak aia sumbayang
Pakodek kain saruang
Lakek-an kupiah
Kambangan lapiak sumbayang
Madok ka baraik serong ka utara saketek
Angkek tangan
Takbir
Sarupo nan diparentahan Allah Taala 1422+ taun nan
lapeh
Shalat Pas,
Sudah tu, sasudah salam, jaan capek tagak
Sasudah salam tu bao bamanuang
Bao bazikir
Mintak ampun banyak-banyak ka Allah
Lai jaleh tu Pas?
Lai sabana jaleh tu?
Wassalamu'alaikum wr.wb.,
Lembang Alam
manjawab katubah si "Urpas" <[EMAIL PROTECTED]>
<dikuduang>
1500 tahun yang lampau,
1500 tahun yang lampau;
1500 tahun yang lampau?
sultan agung menyerbu batavia pada jaman 'dulu kala'
itu abad 17,
400 tahun yang lampau,
adityawarman or gajah mada hidup 800 tahun yang lalu,
majapahit itu 800 tahun yang lalu;
lalu kapan 1500 tahun yang lalu?
tidak banyak bukti sejarah di indonesia,
tolong yang sejarahwan;
tapi kerajaan kutai dan tarumanegara mungkin pada
kisaran itu;
jadi,
aturan yang diturunkan tuhan untuk mengatur umat
manusia jaman itu,
yang akan bersikeras kita terapkan?
menerapkan jam malam untuk wanita?
memaksa wanita untuk memakai jilbab?
memotong tangan orang yang terbukti mencuri?
melempari orang yang melakukan seks di luar nikah
dengan batu di depan umum
sampai mati?
<dikuduang>
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
