Sanak Jupardi dan para sanak lainnyo sa palanta, Ambo raso Bung Fahmy Rasyad memang malakukan tarobosan untuak Minangkabau maso kini, yaitu sasudah manjadi pejabat negara amuah basaiang sacaro tabuka jo calon lain untuak jabatan walinagari, dan hebatnyo: manang. Ambo yakin motif baliau adolah untuak mamajukan nagari, bukan untuak mancari kayo. Dari segi pangatahuan dan pangalaman dalam bidang pamarentahan baliau jaleh cukuik mantap untuak jabatan tu. Ambo doakan mudah-mudahan baliau sehat-sehat sajo. [Dari umua kami hampia samo]. Ambo kurang tahu baa kaadaan Nagari Talang Maua sacaro khusus -- mudah-mudahan subur dan makmur -- tapi sacaro umum kaadaan nagari di Sumatera Barat adolah menyedihkan. Dari babagai data nan dapek ambo kumpuakan, lahan untuak pertanian per keluarga di Ranah adolah yang paliang sampik di seluruh Sumatera, sahingga sacaro sosial ekonomi agak susah untuk jadi sumber mato pancarian dalam bidang pertanian tu. Mungkin bisa kalau dalam bidang peternakan, misalnyo penggemukan sapi. Itulah sababnyo sasakali muncul barito tantang anak-anak nan kurang gizi jo busuang lapa, dan tingkek kamatian ibu melahirkan nan tinggi. Tingkek pandidikan rato-rato penduduk lumayan randah. Dari segi demografi, panduduak labiah banyak padusi, urang tuo, dan anak-anak, karano nan bujang-bujang bi pai ka kota di Ranah dan di Rantau, sabagian jadi panganggur pulo. Rumah-rumah bi kosong, kadang-kadang diupahkan ka urang untuak manungguinyo. Tapi pamandangan alamnyo rato-rato Allahu Rabbi rancaknyo. Itu makonyo ambo jo kawan-kawan ambo di MPKAS dan MAPPAS -- antaro lain pak Nofrins jo nan mudo-mudo lainnyo -- bana-bana mandorong supayo pariwisata alam jo pariwisata budaya dimajukan, nak banyak pitih urang Rantau ko dialirkan ka Ranah. Kamiskinan anak nagari itu juo nan diingekkan dek Sanak kito Ali Akbar Navis almarhum tahun 1989 dek sari, nan manjadikan banyak urang Rantau tagalenjek dan capek-capek mambantuak Gebu Minang, nan kini alah berhasil mendirikan 40 [ampek puluah] bank perkreditan rakyat (BPR) dari kiro-kiro 100 buah nan jadi sasaran. Jujur harus kito akui, bahaso -- salain masih ado kakurangannyo -- banyak saketeknyo BPR Gebu Minang iko alah mempunyai peranan dalam mamajukan daerah perdesaan, berkat kegigihan dan dedikasi sarato profesionalisme dari para pengurusnyo, nan digembleng dek Sanak ambo Azwan Hamir [mantan pejabat Bank Bumi Daya] dan Syafaruddin Sabar [mantan Direktur Utama PT Petro Kimia Gresik]. Manuruik Bank Indonesia cabang Padang nan manjadi pembina saluruah BPR ko manajemen BPR Gebu Minang ko rato-rato sehat. Karano hampia 70 % penduduk Sumatera Barat tingga di nagari dan hiduik dari bidang pertanian, mako mau indak mau, kalau memang ingin memajukan Sumatera Barat dalam bidang sosial ekonomi, mako indak ado caro lain salain mamajukan nagari Kalau nan iduik di kota, umumnyo labiah makmur dari nan tingga di nagari. Kalau dapek tantu sabaiknyo mamajukan nagari jo caro mangambangkan industri rumah, saparati kerajinan di Pandai Sikek atau di Ampek Angkek. Kalau indak, dan rasonyo labiah mudah, adolah di bidang jasa, saparati jasa pariwisata, manarimo tamu mancaliak-caliak pamandangan, bakodak-kodak, atau pai makan-makan. Untuak bidang partanian, ado masalah lain, yaitu salain lahan sampik, juo panuah silang sangketo soal tanah. Saparati diteliti dek Prof Dr Keebet von Benda-Beckmann, silang sangketo soal tanah tu bisa bakapanjangan sampai-sampai ka Mahkamah Agung. Sakadar tambahan untuak pangatahuan kito, dalam alinea terakhir disertasi baliau "Runtuhnya Tangga Manuju Mufakat", baliau taheran-heran mancaliak kanyataan bahaso kaum ibu, para Bundo Kanduang -- indak panah dibao sato dalam manyalasaikan silang sangketo. Untuak iko baiak kito danga baa penjelasan dan baa pulo gagasan panyalasaiannyo dari para tokoh adat kito Pak Amir M..S, Dt Endang jo Angku Azmi Dt Bagindo, bukan tantang nagari baliau masing-masing, tapi tantang Minangkabau sacaro kasaluruhan. Limo tahun nan lalu, ambo ikuik maliek dan mandanga kagiatan Angku Drs Firdaus Oemar Dt Maradjo, Bp Mayjen Drs Marwan Paris dan pak Muchlis Hamid, dalam manyusun apo nan baliau namokan 'manajemen suku' khusus untuak Kabupaten Solok, tapi antah baa ko lah kalanjutannyo kini. Kalau sakadar konsep alah yahud, hanyo tibo ka mambuek kaputusan jo malaksanakan, yo agak --maaf -- bapetai-petai, sarupo nan biaso di kito salamo ko. [Mungkin iko juo nan manyababkan urang manjalehkan kapanjangan SUMBAR sabagai Semua Urusan Mulanya Baik, Akhirnya Ricuh, he he]. Jadi kok ambo ditanyo, yo rintisan Sanak Fahmy Rasyad ko rancaknyo ditiru dek nan lain-lain. Jan hanyo mantan pejabat negara, tapi juo mantan pedagang dan mantan pengusaha, mantan BUMN, [mantan] ilmuwan, mantan diplomat, dan sagalo mantan-mantan lainnyo, bagadurulah pulang jadi wali nagari. Balombalah dalam amal ibadat dan maamalkan ilmu. Tantu ado nan kabatanyo : baa pulo ambo sandiri ? Jan pandai manyuruah urang pulang, inyo surang lamak-lamak di Jakarta. Ha, dalam buku ambo "Masih Ada Harapan' (2004) alah ambo jalehkan, sacaro administratif dan sacaro pribadi karano lahia dan gadang di Padang Panjang, ambo maraso urang Padang Panjang, nagari Bukit Surungan; tapi ruponyo sacaro adat tanyato ambo indak masuak hetongan di Padang Panjang doh. Apolagi Ayah ambo maraso baliau 'punah' karano indak punyo kamanakan padusi, walau ambo badunsanak 'sagarobak tundo'. [Konsep 'punah' ko nan ambo gugat habis-habisan]. Karano Anduang ambo baasa dari Kampuang Dalam, Pariaman, ambo tantunyo jadi urang Pariaman, walau ambo indak panah manatap di sinan, hanyo tiok bulan puaso sajo ambo dianjak Anduang ambo pulang ka sinan.Jadi ambo sarupo urang Cino di Indonesia: maraso urang Indonesia tapi dipandang urang Cino juo. Lagi pulo ambo alun panah jadi walikota atau bupati di Ranah, sahinggo kalaupun ambo mancalonkan diri jadi wali nagari, akan timbua soal: wali nagari ma? Urang kan indak banyak nan tahu jo ambo. Jadi jan khawatir, ambo indak ka basaiangan doh jo para calon walinagari di Ranah. Bialah ambo bakiprah dalam bidang nan ambo piliah kini, yaitu sabagai Ketua Dewan Pakar Sekretariat Nasonal Masyarakat Hukum Adat (Seknas MHA) basamo jo babarapo kawan-kawan ambo mantan komisioner Komnas HAM. Ambo mambantu Ranah sacaro indak langsuang sajo. Ringkasnyo, ambo haragoi dedikasi Sanak Fahmy Rasyad. Kito paralu labiah banyak lai Fahmy Rasyad-Fahmy Rasyad nan lain, supayo labiah capek majunyo Ranah nan kito cintoi. Tantang rumusan ABS SBK ko ambo alun dapek kaba lai dari para dunsanak nan duduak dalam Tim Perumus. Sabalun barangkek ka Amrik tanggal 12 Mei nan lalu draft awal alah salasai. Tarakhir ambo danga akan masuak ka tahap sosialisasi, tapi anggaran alun turun. Jadi kito danga molah sasudah ko. Ambo sangaik mamparatikan soal ABS ~SBK nan alah kito sapakati sebagai 'jati diri Minangkabau' tu, saroman jo Pancasila di tingkek nasional.
Wassalam, Saafroedin Bahar (L, 71 th, Jakarta) Alternate e-mail address: [EMAIL PROTECTED] --- On Sat, 7/5/08, jupardi andi <[EMAIL PROTECTED]> wrote: From: jupardi andi <[EMAIL PROTECTED]> Subject: [EMAIL PROTECTED] Re: Berita dari Kampuang Bundo (Pak Syaaf) To: RantauNet@googlegroups.com Date: Saturday, July 5, 2008, 9:15 PM Bundo dan Pak Syaaf Iko yo menarik dan fenomenal seorang mantan Walikota manjadi Walinagari, memang salamoko jiko ambo paratian di kampuang2 nagari awak ado juo mantan PNS dan Militer jadi walinagari dikampuangnyo, tapi yo pejabat menengahnyo kok PNS mungkin eselon III (satingkek Kasubdin atau Kabag), kok militer perwira manangah (Kapten atau Bintara Senior). Nampaknyo jabatan Walinagari cukuik bergengsi jiko diliek dari segi Adat dan Budaya Minang Kabau. Tantunyo pengalaman2 Mantan Birokrat nan jadi Walinagai ko sangaik baguno dalam membangun kampuang halaman. Wilayah kanagarian ko labiah lueh dibandiangkan Desa. Kok Desa batas-batas wilayahnyo (territorial) kan ditantukan dek Pemerintah, samantaro Kanagarian wilayahnyo berdasarkan …? (Mohon penjelasan dari Pak Syaaf sakatek..tentang sistim pemerintahan Nagari ko dari suduik sejarah adat dan Budaya). Nah Pak Syaaf, nampaknyo metoda induksi ide Pak Syaaf bisa jalan ko dalam merumuskan Kompilasi ABS SBK, tingga mangontak Pak Wali (Mantan Wako) nan konco Pak Syaaf, tentunya lebih memudahkan karajo Pak Syaaf sebagai Tim Perumus artinyo dari segi “Intelektual/Ilmu” tantunyo apo2 ide Pak Syaaf labiah mudah beliau pahami. Jadi ASAP lah Bundo maagiah no hape Pak Wali tu. Baa kiro2 Pak Syaaf… Salam-Jupardi (43+, Pku) http://jupardi.multiply.com --- On Sat, 7/5/08, Dr.Saafroedin BAHAR <[EMAIL PROTECTED]> wrote: From: Dr.Saafroedin BAHAR <[EMAIL PROTECTED]> Subject: [EMAIL PROTECTED] Re: Berita dari Kampuang Bundo To: RantauNet@googlegroups.com Date: Saturday, July 5, 2008, 11:36 AM Wah hebat, Bundo. Tolong sampaikan salam ambo ka baliau. Alah lamo bana ambo indak basuo jo baliau. Wakatu ambo ka Pikumbuah sawakatu manilai kota-kota nan hebat Pembangunan Manusianyo ambo batanyo suok kida ingin basuo, tapi karano ambo indak lamo di sinan, indak sampai basuo. Bara nomor HP baliau, Bundo ? Wassalam, Saafroedin Bahar (L, 71 th, Jakarta) Alternate e-mail address: [EMAIL PROTECTED] --- On Sat, 7/5/08, Hayatun Nismah Rumzy <[EMAIL PROTECTED]> wrote: From: Hayatun Nismah Rumzy <[EMAIL PROTECTED]> Subject: [EMAIL PROTECTED] Berita dari Kampuang Bundo To: RantauNet@googlegroups.com Date: Saturday, July 5, 2008, 4:30 PM Kalau Yang Berkuasa ingin mengorbitkan seseorang bisa saja. Katanya ada disebuah BUMN yang kayak DanRem bisa diorbitkan menjadi KSAD. Tapi ini lain lagi ado adiak Ayah Rumzy Mantan Assitant I Gubernur, Mantan WaliKota, Fahmy Rasjad manjadi Wali Nagari Talang Maua (kampuang bundo). Fahmy ko kawan pak Saaf katiko di GAMA Jogya. Ikonyo beritanyo dari Padang Ekspress. Sedangkan di Kecamatan Mungka, tepatnya di Nagari Talang Maua, mantan Walikota Payakumbuh Fahmi Rasyad, dipastikan terpilih sebagai wali nagari setelah berhasil ‘menundukkan’ kompetitornya M Datuk Majo Bungsu. Kemenangan Fahmi Rasyad ini sekaligus menjadi sejarah pertama di Sumatera Barat, bahkan mungkin juga di Indonesia, seorang mantan Walikota ikut lalu menang dalam pemilihan wali nagari yang setingkat dengan Lurah/Kepala Desa. Wassalam Hayatun Nismah Rumzy (69++++) --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---