Oh, Angku Sawir Probadi tu nan manulih sabagai Sutan Pamenan tu? Rancak bana tu mukasuik manabikkan Buku dalam Bahaso Minangkabau. Kok dapek diarahkan ide untuak maadokan penerbitan nan maso datangnyo banyak manabikkan buku-buku dalam Caro Awak.
Sayangnyo, memang sarik kini. Buku-buku nanpanah ditabikkan dalam Bahaso Minangkabau saroman Tambo-tambo dan Carito-carito daerah alah diubah di"gaya-indonesiakan". Ambo panah pai ka Pustaka Indonesia di Bukittinggi nan manabikkan buku-buku Tambo dan Carito-carito lamo untuak mandapekkan nan Bahaso Minangkabaunyo. Tapi aa nan tajadi, indak ado lai. Saroman parasaian ambo jo mancari Dauun Kawa di Pasa Lasi; kecek Uni manjua lapiak sari, "Indak ado lai Urang minun kawa kini, Urang kini lah minun kopi jo susu..." Ambo pakai istilah di"gaya-indonesia"kan tu karano mambaco gaya Indonesianyo tu agak kurang sabaun lai jo menghayati Bahaso Minang nan aslinyo. Caronyo agak saroman baajan-ajan, agak patah salero ambo mambaconyo. Karano itu ambo lari ka pepustakaan-perpustakaan dilua nagari nan manyimppan buku-buku lamo tu. Bilokoh Bahaso Minangnyo ka dicetak baliak? Mudah-mudahan suatu maso ado nan baliak bergerak di bidang itu nanti ... Salam, --MakNgah Sjamsir Sjarif --- In [EMAIL PROTECTED], sawir pribadi <[EMAIL PROTECTED]> wrote: > > > Angku-angku sarato dunsanak nan ado di siko. Maafkan ambo, kalau talonsong bakato. Maklum, ambo anak mudo. Umua alun kapalo limo, kok anak baru duo. Sungguahpun baitu, gadang bana mukasuik ambo sakali ko. > Ambo satiok hari manulih bahaso Minang di surek kaba 'Singgalang'. Namo rubriknyo adolah PALANTA MINANG. Isinyo adolah barupo sindiran dan kritik-kritik mambangun sarato pujian (kalau nan patuik dipuji) dan taklupo jalan kalua dari masalah-masalah nan sadang diadoki nagari awak. Tulisan bahaso Minang tu ditulih manggalitik, lucu dan lugu, indak katinggalan cimeeh. > Kalau dikumpuakan, ndak taetong lai. Karano lah tigo taun ambo manulih.Kini ambo baranbcana ka manjadikannyo buku dan lah salasai lo diedit. tapi indak kasadonyo, ambo piliah. Masalahnyo kini, biaya pancetak tu alun ado. Lai ko ado di antaro dunsanak nan nio manolong ambo, demi mamasyarakatkan bahaso Minang ka anak-cucu awak. Karano, kini lah payah bana anak mudo babahaso Minang. Jankan di rantau, ri Minang pun anak-anak kini mangecek lah basidongkak dan ba lu gue bagai. > Kok ado nan bakenan, buliah kontak langsung ka ambo. Maaf sakali lai. > Wassalam > > Sawir Pribadi St. Soeleman > 085274499007 --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
