Assalaamu'alaikum wa rahmatullahi wa barakaatuhu Perkenalan ambo sacaro pribadi iyo alun panah batamu muko. Namun, sajak mulo baliau masuak Lapau lah taraso hubuangan silaturrahim nan arek. Dengan postiang ka Lapau, email ka jalua paribadi, talipon, sms, dan surek manyurek malalui pos, kirim mangirim buku, rasonyo gesitlah komunikasi kami. Panjang carito; flashback kenangan sering menjelma ka kapalo ambo sajak komunikasi Yahoo Messenger dari Rangkayo Nismah pada jam partamu kepergian baliau.
Tarimo kasih banyak Angku Lembang lah sampai manjanguak dan manyampaikan salam dukacita ambo ka kaluarga lah sampai pulo. Angku Bandaro lah pai dengan selamat diiringi Doa Kito nan Basamo baik untuak baliau maupun untuak keluarga nan ditinggakan. Mudah- mudahan Kito nan Basamo nan tingga di Lapau ko dapek pulo manaruihkan tradisi saliang maingekkan ka jalan tatatertib komunikasi Rantaunet nan lah samo kito panuahi salamo ko. Salam, --Nyiak Sunguik --- In [EMAIL PROTECTED], Muhammad Dafiq Saib <[EMAIL PROTECTED]> wrote: > > Assalaamu'alaikum wa rahmatullahi wa barakaatuhu > > Ambo mangenal Amzar Bandaro di Rantau Net, sajak ambo manokok pintu Palanta di tahun 1999. Baliau mambasoan ambo naiak, sato duduak jo maota di Palanta Mayako, jo bahaso baliau nan hangek, panuah parsahabatan. Sajak itu kami manjadi kawan nan cukuik akrab. Ambo diundang dan datang ka rumah baliau di Bogor Baru mahadiri partamuan Rantaunetter di akhir tahun 2000. Partamuan nan sangat akrab maso itu. Ambo hadir ka alek anak padusi baliau di Balai Perwira di Saharjo, hadir baliak ka rumah baliau katiko baliau mandoa sudah dapek cucu, katiko itu datang Rantaunetter dari tampek nan jauah, Ajo Duta nan samo-samo jadi tamu disinan. > > Kami babarapo kali rapek dalam mancubo managak-an Rantaunet Palanta Usaha, nan sayang indak atau alun barhasia. > > Umua ambo jo Bandaro basalisiah saketek, mungkin indak sampai sataun. Ambo tatap manyapo baliau sajak ambo kenal jo gala adat baliau, Bandaro. Bandaro kadang-kadang maimbau ambo Lembang, kadang- kadang maimbau Dave. Kami sabana cukuik akrab. > > Katiko Bandaro masuak rumah sakik nan partamu bana di RSCM, ambo pai manyilau kian. Panyakik baliau katiko itu nampak agak barek, (sasudah kadatangan ambo malah masuak ICU), namun sumangaik jo kakakrabanno baitu juo. Sangaik hangek. Ambo pai pulo manyilau ka RSCikini katiko baliau dirawat disinan. Katiko itu alah ado nampak angsuran, alah baransua sehaik. Katiko alah kalua dari sinan, baliau mangirim sms, mangecek-an bahso alhamdulillah baliau alah puliah dan alah buliah pulang dek dotor. > > Takajuik ambo katiko manarimo sms tanggal 15 Agustus 2008, mangecek-an bahaso baliau alah masuak rumah sakik Cikini lo baliak. Katiko itu ambo sadang sakik, asam urat, indak taleso langsuang mancaliak baliau. Babarapo hari sasudah itu, baru sempat ambo datang. Kaadaan Bandaro katiko itu masih elok manuruik pangamatan mabo. Ota masih kareh. Hanyo baliau mangecek-an paneh kalau alah patang ari tinggi, sampai 39 derajaik. > > Itulah, tarakhir ambo basuo jo Bandaro. Urang ka puaso kapatang, kami masih babalehan sms, saliang minta maaf. > > Tadi malam, katiko ka makan sahur ambo dapek talepon dari Tasril Moeis Tan Ameh, maagiah kaba bahaso Bandaro indak ado lai. Taparangah ambo. Inna lillahi wa inna ilaihi raaji'uun. Pagi cako ambo pai manjanguak karumah duka. Basuo jo Istri baliau Taty, jo anak baliau Nando. Lai ambo sampai-an salam duka cita nyiak Sunguik (nan ma sms ambo), jo mak Sati di Padang dek ambo mambaco pasan baliau di posting pagi tadi. Dek ambo indak bisa balamo-lamo, samantaro rencana baliau ka dimakamkan sasudah luhua, ambo mintak izin ka anak baliau mandaului manyumbayangkan Bandaro, ambo surang sajo. > > Allahumaghfirlahu, warhamhu, wa 'afihi, wa' fu'anhu. > > Ado amanat baliau nan ditinggaan kaambo. Kacio Rantau Net. Ambo bajanji kamamacik-an kacio, Dana Abadi rantau Net ko malakik dapek urang nan labiah tapek mauruihno. > > Wassalamu'alaikum, > > Lembang Alam --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---