Ralat: Dalam postiang sabalunnyo salah ketik, tatulih "Sidang nan ka-
50 Guguak Sikanga". seharusnyo "Sidang nan ka-30 Guguak Sikanga".
Namo Angku Suryadi tatulih huruf ketek pulo, tambah pulo sakalimat
lai. Postiang di bawah ko lah dipeloki. Kok ka mangutip sabagai
referensi pakai postiang nan iko.
Salam,
--MakNgah
[EMAIL PROTECTED] MARI KITO ---> NAMO ----> Agam
Takana di ambo, sanada jo gala Dt. Mahoyak Bumi jo Dt. Mangguncang
Dunie ko, dahulu 50 tahun nan lalu, ambo panah basuo jo Pak Dt.
Gampo di Cupak, Kacamatan Talang, Solok.
Satantangan Dt. Rajo Agam, ruponyo ado duo pulo. Nan ambo tahu Dt.
Rajo Agam di Lambah. Sawah-sawah Dt. Rajo Agam ko ado sakitar rumah
pondok Amak ambo sakitar "Sicamin" jo "Gaduang Batu". Bahkan takana
di ambo ado pulo Pincuran nan banamo "Sungai [Pincuran] Agam" dakek
Gaduang Batu tu. Indak tahu urang kini lai adonyo Pincuran Agam tu.
Kok diagak-agaki, latak Rumah Pondok Amak ambo iyo di tangah-tangah
Ampek Angkek tu Bana, [bahkan di tangah-tangah Agam Tuo], samo jarak
ka bateh-bateh Ampek Angkek: Ka Ilia ka Kubu jo Surau Labuah di
Panampuang (bateh jo Salo Kotobaru, Tilatang Kamang). Ka Mudiak ka
Cangkiang jo Kubu Apa, bukik Batabuah. Ka Ujuang ka Kubu (bateh
Canduang). Ka puun ka Kubu Tapi jo Kubu Tangah (Bateh Banuampu jo
Tigobaleh) jo Talao (bateh jo Kurai jo Tilatang Kamang).
Interestingly, bakaik-kaik jo Parang Paderi, ado duo Benteng Bulando
maapik dakek Rumah Amak ambo. Sabalah ka Ilia, benteng "Gaduang
Batu" (Biaro) nan ado pulo "Sawah 'Ntata" sabalajh ka ujuangnyo
tampek Saradadu Bulando manata-nataan badia. Sabalah ka Mudiak
ado "Gaduang Balai Barambai" (di Kototuo).
Labiah pantiang lai ado Tampek Bersejarah untuak Urang Ampek Angkek
banamo "Guguak Sikanga". Indak banyak urang kini nan tahu. Di
Sinanlah pado pado Maso Bulando awal abad ka-20 Urang Ampek Angkek
Baralek Gadang, baSumpah Satia, SaAnak SaKamanakan, SaIlia SaMudiak,
SaDantiang Bak Basi, SaCiyok Bak Ayam. "Guguak Sikanga" ko ado di
Parak di Bungin. Jan kaliru, Guguak Sikanga ko indak samo jo Guguak
Gadang nan tampak antaro Kototuo jo Ampanggadang-Pasia jo Cangkiang.
Dalam acara Urang Ampek Angkek Baralek Gadang tu, kabanyo Tuan Luak
dan/atau Tuan Kumandua, pokoknyo Urang Pamarentah Bulando Luhak Agam
di Bukiktinggi lai pulo hadir dalam Baralek Gadang di Guguak Sikanga
tu.
Samantaro Angku Suryadi di Leiden, panah ambo maminta kok baliau ado
mancaliak-caliak dokumen-dokumen Tuah Luak Agam pado maso awal abad
20 ko.Kok ado sabana lah batambah khazanah tertulis Sejarah Agam
untuak Kito nan Basamo. Rasonyo ingin ambo malayok mangakeh-ngakeh
pai ka Library di Leiden tu.
Wakatu Revolusi 1947, wakatu Ampek Angkek diresmikan manjadi "Daerah
Otonomi Ampek Angkek" {istilah "daerah otonomi" nan partamu kali
tadanga di Indonesia), dikapaloi oleh "Wali Otonomi Ampek Angkek"
Pak Basjaruddin, nan dibagi "30 Sidang", Guguak Sikanga
manjadi "Sidang nan ka-50 Guguak Sikanga". Uda Ambo Sjamsuddin
Sjarif Kari Maradjo manjadi Ketua Sidang, ambo manjadi Juru Tulihno.
DEek wakaktu tu maso Padang, mako istilah Ketua sidang ditambah pulo
manjadi "Ketua Sidang Perang". Sidang Guguak Sikanga manjadi tampek
mandok-mandok Tantara Pejuang Revolusi wakatu itu.
Tahun 1985`wakatu Baralek Datuak Batagak Pangulu (sacaro massal, 40
Panghulu sakali ditagakkan) di Ampang Gadang diumumkan dan
diparagoan adonyo Dokumen Markas Pemuda Sumatra di Padang Panjang.
Ambo kabatulan hadir pulo di sinan, incognito, jo Rombongan Gubernur
("Tuan Basa Padang") dan Bupati ("Tuan Luhak") jo iriang-iriangan
oto lampu merah jo sarine.
Istilah-istilah Maso Bulando ko, "Tuan Basa Padang" jo "Tuan Luhak"
ko tadanga dek ambo wakatu baliau-baliau sandiri manyabuikkan
panggilan/imbauan sambia bagarah satu samo lain. Di sinan pulo ambo
mancaliak partamu kali baa "Tari Galaombang" dipasambahkan
manyambuik Rombongan "Tuan Basa Padang" ko. Kapalo Anak-anak Tari
(Silek) Galombang jo jari nan sapuluah {sabana "sabaleh jo kapalo")
iyo bana mandakok ka tanah ka padang nan baspaneh, mandakek ka Kaki
Tuan Basa Padang ko...
Sakitulah dahulu sabagai sabingkah sejarah kenangan lamo.
Salam,
--MakNgah
Sjamsir Sjarif Saidi Maradjo
--- In [EMAIL PROTECTED], "Zulidamel" <[EMAIL PROTECTED]> wrote:
>
> Dt.Mahoyak Bumi ko kan sepupuhnyo Dt. Mangguncang Dunie ?..
> Yo kan Mak Darul?.. he.. he.. hee.
>
> Kalau ambo yo kurang setuju, satiok ambo memperkenalkan
suku "Mandahiliang"
> kaurang alah disangko urang batak sajo awak.
> Jadi ado nan kurang tampaknyo, tarutamo kurang aja bana urangtu
mangecekaan
> awak urang batak!....
>
> Salam,
> Sutan Malin Maradjo
>
> ----- Original Message -----
> From: "Datuak Arifz" <[EMAIL PROTECTED]>
> To: "RantauNet" <RantauNet@googlegroups.com>
> Sent: Tuesday, September 09, 2008 3:45 PM
> Subject: [EMAIL PROTECTED] Re: MARI KITO PASANG NAMO SUKU DI BALAKANG
NAMO
> KITO ---> NAMO ABS SBK
>
>
> > Dt.Goyang Bumi dan Dt. Barbanso dari Sikumbang Gadang barumah
gadang
> > di simpang bonjo pnp (baadok-adok an)
> > adolah panungkek Dt.Rajo Agam di limo suku Panampuang
> > jadi agaknyo indak ado gala Dt.Mahoyak Bumi di limo suku
panampuang
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
