Ondeeeh Angku Taufiq, iyo macam-macam karajo urang jaek-jaek untuak mamanuahi rakuangan ko yo. Sabana takaucahak awak mambaco atau mandanganyo.
Jadi, nan Ayam Tiren ko iyo bana sabana-bananyo "AYAM MATI, badabiah" mah yo, indak "AYAM mati badabiah" doh. Alaa ado-ado sin nan kadiotaan hari akaik ko. Angku Taufik ka mairik saha manulih ko, MakNgah baru baliak sumbayang subuah dari musajik. Salimbado! Takana sisuak, katu pulang tarawiah di surau, jalan pimatang sawah, rumpuik agak lambok lo, indak lanyah mek doh, awak indak pakai sipatu indak basenter gai doh. Tibo-tibo kaki dipantak salimbado! Iyo bana takalinjang awak! Saroman ka tapanca karaia dibueknyo. sarantak kalua pakiak jo kecek nan indak elok didanga nan mungkin mambatakan ibadah tarawiah nan dikarajokan diamakan di surau cako ... :) NASI GORENG SALAIMBADO? Kok salimbadonyo digoreng dulu mungkin indak baa doh. Saroman goreng bilalang. Salimbado kan indak haram doh kioh? [Atau mungkin haram karano binatang buas manggigik awak?]. Latakanlah ndak haram, mungkin lamak duh padehnyo, tapi jan tambah lado, agiah sin garam stek sudah tu seraki jo macam-macam bumubu nasi goreng tu, jan lupo bawang goreng nan agak badaruak. Nan ka mintak ampun awak, kok salimbado tu disebakan iduik-iduik mangurayok dalam piriang wakatu mahidangkan. Sudah tu makan indak basendok bagarapu pulo. Jan sampai ka rakuangan lih, jari sajo lah dipantaknyo. Mungkin sabalun makan lah ka batuka bismillah jo kato- kato sumpah ... :) Tobat. Jan dikarajoan nan ukan-ukan tu! Salam, --MakNgah --- In [EMAIL PROTECTED], "Rasyid, Taufiq (taufiqr)" <[EMAIL PROTECTED]> wrote: > > Tampaknyo yo sabana langang umat dipalanta ko kini makNgah. Hanyo kito > sajo nan ma akuak akuak. > Antah kalatiahan dek karano sadang puaso atau lah mulai bajalan mairik > SAHA sambia mancaliak parsiapan manyambuik rirayo. > > Kalau ukatu macam kini banyak umat nan sadang cuci mato diberbagai > plaza nan ado di Indonesia sambia mandinginkan badan. Sabab kalau dilua > umumnyo paneh sadang tagak tali. > > Beko manjalang atau lah lapeh sumbayang ASA baru jalanan mulai macet dek > urang lah bacarigik sambia pai mairik SAHA atau mancari pabukoan. > > Soal makanan nan ganjia-ganjia ko salain dagiang bantiang nan dinamokan > GALONGONGGAN itu, ado pulo nan disabuik Ayam TIREN. > Mukasuiknyo ayam nan lah mati kemaren. Jadi ayam nan dijua itu mungkin > lah mati kapatang dek kanai panyakik dikandang peternakan. > Kini banyak ayam mati iko indak dibanamkan kadalam tanah macam di kito > dulu. > Tapi alah ado pulo nan manampuangnyo dan mambao kapasa. > > Ayam nan mati indak babantai ko, biasonyo warnanyo tantu lah kulabu > bangkai. Supayo Nampak agak segeh dicolok pulo saketek seakan ayam itu > lai badarah-i > > Kalau ayam nan biaso haragonyo diateh Rp 20.000 sa ikua. > Si ayam Tiren bisa dibao pulang jo pitih sekitar 5000 sajo. Rami juo > urang mambalinyo tu he...he.. indak tau panyakik katibo > > Itu mungkin dek karano hiduik sabana sulik kini, nan salero iko nak > mancari nan anyia juo. > > Apo boleh buat nan model lain tapaso dibali. Pokoknyo lai makan ayam jo > dagiang. > Kondisi iko dipermudah karano kini kan lah banyak pulo urang manjua > dagiang ayam iko sa-irih sa-irih. Jadi kalau lah ba irih tantu lah susah > mancaliak baa asa bantuak usali ayam itu. Indak samo jo dinagari makNgah > walau bairih tapi jaleh porsinyo special paho atau dado jo wingnyo > > Serba susah kini makNgah, kok Kue-kue/snack banyak pulo nan lah > tatangkok dek karano dibuek jo bahan nan lah expired. Bahkan ado pulo > nan dari bakeh roti lamo nan didaur ulang. > > Nan sabana sero pulo kabanyo lah ado pulo Kripik Setan samo jo Karupuak > lado di awak. > Cuma dek lado maha, tapaso diagiah menthol sarato bahan ubek- gosok > Tarason lain. Tantu diagiah pulo pewarna merah lado itu. > > Cuma nan alun jaleh apokoh memang bahannyo semacam menthol nan juo acok > untuak permen atau rokok atau bahan lain. Yang penting rasonyo sabana > manggigik sampai kalua air-mato dek manahan padehnyo. Dan abih duo liter > aia untuak mandinginkan muncuang > > Ambo indak tau apo penamaan kripik setan iko mengikuti penamaan makanan > nan aneh-aneh kini terutama di tanah Jao. > > Ado nasi goreng MAWUT mungkin mukasuiknyo MAUT, Nasi goreng SEMUT > MERAH, baitu juo berbagai Mie nan banyak dijua ditapi jalan macam macam > namonyo yang kadang tadanga seram. > > MakNgah mungkin ka mambuek pulo resep nasi goreng SALIMBADO ?? > > Bialah diansua pulo mairik SAHA tu lai makNgah pado lamo bana taraso > puaso itu.. > > > Wass > St. RA 53+ --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
