Manjalang rayo tibo, basalingkik urang babalanjo dipasa Bukittinggi jo AuaKuniang. Banyak urang basasak mancari baju jo sirawa anak untuak ka barirayo, anak gadih jo amaknyo lah basugiro lo mambuek kue rayo, tantunyo kacangtujin, kalamai dan gulogulotare indak katinggalan.
Sapakan lai tabuah ka di gugua, jalan batambah sampik, karano oto batambah rami, banyak sanak kito dari rantau nan pulang kampuang malapeh taragak ka kiktinggi, untuak mambali pabukoan dan marasoan suasana kiktinggi nan lah gak lamo di tingga-an, indak banyak nan barubah, gunuang marapi jo singgalang masih tagak disinan, jam gadang masih manjulang tinggi, mungkin nyiak palopasa lah banyak kali ganti agaknyo. sarana angkutan penumpang salain oto tambangan, oto pribadi, bemo, dan tantunyo ado “Bendi” marupokan angkutan nan unik di kiktinggi, karano bendi punyo ‘keistimewaan’ jiko kito paratian bana bendi ko buliah malalui jalan nan talarang/proboden untuak oto, acok manarobos jalan nan sa-arah, jarang/indak ado rambu-rambu jalan nan tapasang di kiktinggi nan ma-atur bendi. katiko ditanyo kusia bendi, ‘buliah lalu kajalan tun Mak, mako jawabnyo: Buliah sajo, maa nan katuju, aso ado jalan lapang, kito masuak saketek sakatek.. T: Baa kalau talantak oto urang Mak J: Kalau talantak! ka baa lai….... ..biasanyo tantu basiarak... kasa...kasa... apo ado perda nan maatur bendi di kiktinggi?! tapi napaknyo supir supir oto pribadi jo oto tambangan acok mainda sajo bilo lah basarobok jo bendi ko,..kadang kito di dalam oto manggaritih juo..acok na ujuang kayu pasangan kudo bendi ko ampia mambae kaco reben oto. Karano jalan sampik di daerah pasa banto jo pasa bawah.. seo bendi manjalang rayo ko agak naik lo, lah tabiaso kusia bendi dibaia jo dollar mambao turih raun raun kaliliang kiktinggi, yo..banyak lo turih nan suko naiak bendi daripado bajalan kaki. kini dari simpang landbaw taruih ka pasa ateh bawah jam gadang kiro kiro lah tigopuluah ribu cater, samantaro biaya bali sagu jo rumpuik indak banyank naiaknyo, iyo kayo kayo mak kusia bendi kiniko, arago bendi baru tambah jo kudo gadang tu lah ampia samo lo jo arago angkot lamo, dulu acok na ambo mancater bendi dari pasa ateh ka pasabaso mambao galeh, banyak kusia bendi langganan keluarga sajak lamo, kini tiok pulang kampuang salalu mancater bendi basamo samo keluarga, pai raun naiak bendi yo lain lo seronyo, taojak onjak sanang karano per nyo kajang, jadi yo taonjak onjak sasuai jo arah kudo balari…Jiko dibandiang jo seo cater oto taxi, tantu bendi labiah murah , kini bendi agak kancang juo, karano kudonyo gadang gadang , agaknyo kudo hasia pasilangan jo kudo kudo pacuan dari lua, salain dikiktinggi kota lain saroman jogja,pikumbuah, banduang, garut, london, vienna, dan kota lain masih manyadiokan sarana angkutan bakudo ko, tantunyo namonyo balain lain sasuai jo daerah tempatan ado sado, andong, delman, etc. manuruik nyiak google kato “bendi” adolah sarana angkutan barang/ forklift truck/translift bendi. nan diproduksi di UK/inggirih muloi taun 1964, tapi manuruik inyiakgaek ambo di bonjo bahwasanyo bendi di kampuang awak lah ado sajak saisuak, mungkin rang inggirih lah ta inspirasi mambuek namo ‘bendi’ sajak mancaliak bendi di ranah, atau sabaliaknyo..antahlah wallahualam.. salamaik barirayo dikampuang, jan lupo naik bendi di kiktinggi, titip pasan stek: untuak nyiak palo di kiktinggi mohon didanga lo carito kusia bendi, karano bendi adolah asset wisata untuak kiktinggi, untuak palapeh taragak rang rantau dan keunikan untuak turih, tantunyo pancari bareh jo sagu bagi mak kusia wassallam, AZDRA /37+ diBaliakpapan --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
