Assalamu'alaikum wr.wb. Kito ucapkan selamat ka Angku Junaidi nan lah marancang dan akan melakukan perjalanan dari Tumasik ka Ranah Bundo. Salamat manikmati Kampuang halaman.
Barek karajo dan tangguang jawab moril Angku Junaidi dalam hal iko. Mancaliak tuah ka nan manang, mancaliak contoh ka nan sudah, iyo kok buliah ambo manyarankan ka angku Junaidi untuak menakankan kehati- hatian dan kewaspadaan dalam perjalanan. Saalun barangkek, ditekankan ka pengikut supayo ingek sabalun kanai. Security paralu diketatkan, baiak untuak paribadi maupun untuak rombongan. Iko mintak disampaikan juo ka pamaciak kaamanan di palabuahan, daerah, dan hotel-hotel. Kok lupo samo maingekkan kok takalok samo manjagokan. Jan sampai Minyak abih samba tak lamak... Salam, --MakNgah --- In [EMAIL PROTECTED], jun aidi <[EMAIL PROTECTED]> wrote: > > > Assalamu'alaikum wr.wb. > > Kabakeh niniak mamak, alim ulama, cadiak pandai nan duduak di palanta ko, ketek indak dipanggia namo kok gadang indak diimbau gala > > Naiak gunuang rimbo kalibuik > ka rimbo bakayu jati > kayu gadang banyak babuah > bacampua dengan kayu kamaik > gagok ganta ambo manyabuik > pangulu banyak nan sati > tuangku banyak nan batuah > alim ulama banyak nan kiramaik > > Dek barakaik do'a dunsanak kasadono, alhamdulillah acara pulang basamo nan kito rancang nnan diagiah namo dek kanda Nofrins "Lion City Pulang Basamo 2008" insya Allah jadi kito lakukan. Alek ko akan kami laksanakan dari tanggal 29 November - 4 December 2008. Balain dengan pulang basamo kadaerahan dimano dunsanak nan pulang labih banyak tingga di rumah dan kampuang masiang2, pulang basamo ko labiah di fokuskan untuak Tour de Minangkabau dengan mengunjungi objek2 wisata di Sumatra Barat. Acara ko kami bukak untuak umum dan tidak terbatas bagi urang Minang dan katurunan Minang sajo. Iko adolah langkah ketek dari kami untuak mampromosikan Sumatra Barat sebagai daerah tujuan wisata bagi masyarakaik singapur khususno dan dunia umumno. > Daerah kito Sumatra Barat sangaik kayo dengan keindahan alam dan keunikan budaya no dan bahkan kawan ambo nan barasa dari Bali, setelah mereka mangunjungi ranah bundo mangato-an bahwa pemandangan alam Sumatra Barat jauah labih rancak dari Bali. Tapi manuruik baliau potensi ko tidak digarap secara maksimal dan masyarakaikno (pamarintahno) alun siap untuak manjadikan ranah Minangkabau manjadi tujuan wisata unggulan. Masih banyak hal2 yang paralu diperbaiki terutama palayanan dan fasilitas umum. > Kami ba-arok Pulang Basamo kami ko bisa manjadi momentum bagi pamarintah dan masyarakaik kito untuak berusaha kok kurang ditambah, kok singkek dibila-i. Return dari industri pariwisata ko sangaik tinggi dibandiangkan investasi nan ditanam dan suadah manjdi industri unggulan untuak negara2 maju dna bahkan negara2 berkembang pun sangaik giat menggerakkan industri ko. Tenaga kerja yang diserapno sangaik gadang dan kalau industri ko iduik mungkin kito bisa mangurangi tingkek pangangguran dan meningkek-an lapangan kerja. Tapi karajo nan sungguah2 paralu dilakukan oleh semua pihak baik pamarinta, masyarakaik, penggiant wisata, swasta dan semua stockholder. > Kami mohon do'a dunsanak kasadono supaya acarako bisa terlaksana dengan sukses dan semoga masyarakaik kito siap. > Banyak Ma'af dan wassalam > > Junaidi bin Muhamad Zen Malin Basa suku Jambak(42), kandang Singo --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---