Ambo indak bacarito kanai lampang, tapi nan indaknyo. Ambo wakatu tu sadang
tagak di halaman kadai. Tibo-tibo oto Bupati baranti, turun Pak Anaih ko
diiringi ajudannyo manunjuak sampah. “Iko baa indak dibarasiahan ko?” keceknyo
ka punyo kadai.
Nan punyo kadai ko alah tahu garik, lansuang inyo ambiak sampah ko, inyo ambiak
pulo sapu.
Pak Bupati indak malampang doh, inyo elok sajo mangecek ka punyo kadai
kabarasiahan itu paralu dipaliharo. Ambo iyo indak ditagua karano ketek, wakatu
tu SMP, mungkin tahun 1986.
Nan ambo saluik iyo staminanyo mangontrol warga. Wakatu baranti, inyo sadang
kancang liwaik Sungai Sariak dari Piaman arah ka Sicincin. Kalau kini, iyo
pajabat awak indak pernah mancaliak suok-kida doh.
Urang iyo cameh kalau ada Pak Anaih ko, karano tasabuik suko malampang. Ambo
pernah pulo mancaliak inyo malampang di pasa sungai sariak, tapi subananyo
lampang sayang. “Indak taraso bana doh, kecek nan kanai lampang.”
Di Piaman ambo pernah pulo mancaliak Pak Anaih ko tibo pagi di kantuanyo jo
sepeda reli (agak ketek dari sepeda unto). Inyo kuliliang piaman, utamonya
maninjau pantai nan dulu terkenal jo gala “WC Tapanjang di Dunia”.
Nah, bahubuang jo lampang malampang, konon Pak Anaih sabalun maningga sadang
sakik kulik nan indak cegak-cegak karano ‘dikanaian’ urang nan pernah
dilapangnyo. Pak Anaih indak namuah barubek ka dukun karano alasan itu aratinyo
indak picayo ka Tuhan. Nan terakhir ko, maaf, ambo hanyo dapek curito dari
kawan nan dakek jo inyo pulo, persisnyo bana ambo indak tahu, mungkin ado sanak
nan labiah tahu dari ambo.
Hal lain nan ambo saluik jo Pak Anaih ko gayanyo nan indak suko jo mohon
patunjuak. Wakatu ado peringatan hari kesehatan di Puskesmas Sungai Sariak ambo
kalaih satu SMA, alah patenteang jadi wartawan pamulo pulo. Inyo bacoan
sambutan tatulih presiden. Sasudah salasai, inyo tutuik jo tangan di podium.
“Alah tu pidato dari pusat ko, kini pidato dari ambo.....” keceknyo. Baru inyo
nan ambo caliak zaman Orde Baru pajabaik nan barani bantuak itu, mampalakuan
pidato dari pusat indak ado arati bana.
Takaik lampang jo lampang ambo iyo indak satuju doh. Ka anak sikola SD nan
paliang karengkang pun indak paralu dilampang atau dilacuik. Sabab kekerasan
akan menimbulkan kekerasan baru. Ambo pribadi alah manutuik buku jo lampang,
jantiak, lacuik. Cukik sampai generasi ayah ambo sajo ka ambo jo adiak-adiak.
Salanjuiknyo harus distop. Insya Allah anak ambo iyo indak sakarengkang ambo,
mesti ajanyo jo muluik atau sanksi (misalnya indak buliah main game 3 hari).
Nan kurang dek awak ko ketegasan ka aturan jo hukum, bukan kekerasan
hukumannyo. Nan marusak mestinyo dihukum mangganti kerusakan. Kalau itu
diterapkan, indak paralu lampang, tapi mambuek inyo tautang. Nah bisuak pasti
inyo jago kasadonyo aset publik tu.
Salam dari ambo,
Syof (38+)
--- On Mon, 10/6/08, Dr.Saafroedin BAHAR <[EMAIL PROTECTED]> wrote:
From: Dr.Saafroedin BAHAR <[EMAIL PROTECTED]>
Subject: [EMAIL PROTECTED] Re: Balasan: [EMAIL PROTECTED] Re: Dephub: Rp.70
milyar utk KA Sumbar ---> Terapi Kejut Anas Malik.
To: RantauNet@googlegroups.com
Date: Monday, October 6, 2008, 4:21 PM
Untuang Sanak Suryadi lai indak kanai lampang dek Ajo kito tu, dek lah cigin
lari dahulu.
Sia sanak netters nan alah panah 'manikmati' lampang Ajo kito tu ? Tolonglah
dicuritokan saketek. Jan malu-malu.
Wassalam,
Saafroedin Bahar
(L, masuk 72 th, Jakarta)
Alternate e-mail address: [EMAIL PROTECTED];
[EMAIL PROTECTED]
----- Original Message ----
From: Lies Suryadi <[EMAIL PROTECTED]>
To: RantauNet@googlegroups.com
Sent: Monday, October 6, 2008 3:44:24 PM
Subject: [EMAIL PROTECTED] Balasan: [EMAIL PROTECTED] Re: Dephub: Rp.70 milyar
utk KA Sumbar ---> Terapi Kejut Anas Malik.
Ha ha...Pak Saaf, takana dek ambo jo Ajo Anas ko. Ukatu tu kami di SMA 2
Piaman, main domino di lapau, urang lah masuak sikola. Tibo2 maongkok2 Ajo Anas
pakai pakaian sarupo urang pulang di sawah. Nyo mancogok di muko lapau. Kami
asyik juo malambuik'an batu domino.Lah dakek nyo ucapkan salam, kami maliek.
baru tagagau kami: rupo e wee bana. Lansuang kami basilambuihan lari...ado nan
masuak ka dalam pandan bagai di balakang lapau tu....
Salam,
Suryadi
"Dr.Saafroedin BAHAR" <[EMAIL PROTECTED]> wrote:
Riri, Ajo Anas Malik dulu memang malampang sakadar untuk mandidik sajo. Sasudah
elok kalakuan urang Piaman tu, indak ado lai baliau malampang urang. Jadi
'lampang terukur'. Dapek kito namokan sabagai 'terapi kejut Anas Malik'.
Iko ado latar belakang sejarahnyo sasuai jo watak urang awak. Dalam rangka
Parang Paderi dahulu, prajurit urang Minang sabana bagak, sampai bateh
tertentu, yaitu sampai kalah. Sasudah kalah, kalakuannyo bantuak karupuak
disiram aia. Hal itu juo tajadi wakatu parang PRRI. [Indak samo jo urang Aceh,
walau kalah malawan baliak kalau ado kesempatan.] Jadi: lampang sajolah,
dijamin taratik sudah tu. Cari polisi khusus tukang lampang. Dalam adat, iko
tugas dubalang.
Sekedar catatan: Dalam UU Kepolisian, polisi memang diagiah 'kewenangan
diskresi' untuak malakukan kekerasan kalau memang diparalukan, bahkan untuak
manembak urang. Tantu haruih dipertanggungjawabkan sacaro hukum.
Wassalam,
Saafroedin Bahar
(L, masuk 72 th, Jakarta)
Alternate e-mail address: [EMAIL PROTECTED];
[EMAIL PROTECTED]
----- Original Message ----
From: Riri Chaidir <[EMAIL PROTECTED]>
To: RantauNet@googlegroups.com
Sent: Monday, October 6, 2008 7:30:12 AM
Subject: [EMAIL PROTECTED] Re: Dephub: Rp.70 milyar utk KA Sumbar
Pak Saaf,
Ambo satuju bana jo lampang malampang - atau berbagai bentuk lain hukuman fisik
secara langsung lainnya. Satuju ambo pak, kalau wacana ka wacana, diskusi ka
diskusi, abih ari.
Cuma ado duo syaratnyo. Partamo harus konsisten. Konsisten nan ambo
mukasuik baik mengenai "obyek palampangan" maupun mengenai "rentang waktu".
Tentang obyek, jan ado piliah2, kok anak si anu jan dilampang, kok nan bisa
manyogok dilampang tapi indak kareh2. Konsisten mengenai rentang waktu,
mukasuik ambo jan cuma "warm warm chiken shit".
Nan kaduo, pendidikan nan agak aluih tetap dilakukan - iko dalam bentuk
sosialisasi tentang bagaimana seharusnya anak2 bersikap, kerugian jika mereka
terus menerus merusak dsb.
Riri
L 46 Bekasi
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
