BK (7) : Tasapik.........(tigo) Buyuang Koboy sadang malengggang tanang pas dimuko gerbang janjang gudang, tibo-tibo dari jauah Upiak Leba manyorak-i Upiak Leba Tuan Buyuaangggg... Manoleh Buyuang Koboy ka bulakang, tasirok darah pulo si Buyuang maraso diimbau Upiak Banun nan sadang diinca dek Buyuang, kanai ati kicek urang. Dek maliek Buyuang Leba nan maimbau langsuang bakurunyuik kaniangnyo manandokan ati nan kurang sanang. Dalam pado itu si Buyuang tatok mangetek-mampalambek langkah manunggu si Upiak Leba, sambia barangok sasak si Upiak Leba malanjuik kato. Upiak Leba.. Tuan...Baa Kaba Tuan. Kama se Tuan, keren bana nampak, alah sabulan indak basuo, Ambo tunggu-tunggu Tuan liwaik, indak ado mancogok doh. Buyuang Koboy.. Baa lupo Kau Piak, orang kan puaso, nan Uaden, iyo mainda dulu dari urang rami, mancari tampek saisuak nan alah pernah Uaden lalui, yaitu tampek mananangkan diri. Oi yo.., dek urang baru rayo ko eh, salamaik Hari Rayo yo Piak. Uaden Maafkan sagalo kasalahan Kau Piak. Upiak Leba 'Aaa....., salah Tuan nan sagunuang ka Ambo tu, ndak maminta maaf gai Tuan Buyuang Koboy. Salah Uaden, Kau nan mambari maaf, cieklai manuruik'kicek' Nabi, sasamo muslim itu disuruah memberi maaf urang lain, bukan minta maaf, apolai mamohon, mamohon tu ka ateh langik, ka Nan Satu, indak ka manusia ko doh, maagiah pangajian lo Uaden ka Kau jadinya, aa tu tasasak bana Kau Piak Upiak Leba Indak Tuan.., Ambo ingin mandanga kalanjuikkan carito si Ujang Ladiang dulu, a nan dikicekkannyo ukatu ano bapidato di tangah urang ebaik pasa tu. Buyuang Koboy Takana jo di Kau yo, tapi dek urang alah abih puaso, indak baa doh Den kicekan saketek, kicek Ujang Ladiang coiko: 'Tuan-Puan nan Tinggi-Randah, Gadang-Ketek indak disabuik namo, indak tasabuik Gala, baribu maaf Ambo kirin, nan maaf dari Tuan-Puan iyo paralu bana Denai nantikan. Mukasuik Denai maambiak saketek wukatu Tuan-Puan iyolah ka maagaiah tahu basonyo Denai mulai datiak minik tanggal tahun iko manyatokan mangunduakan diri dari Tukang Sorak Pasa, basinyo.." Ujang Sati langsuang mamotong: "A tu Ladiang.., banyak men di Ladiang mah..langsuang se lah", Ujang Satiko urangnyo langsuang tembak men, indak ado baso-basi ge dinyo noh. Upiak Leba Ujang Sati, nan Pasilek tu Tuan (timpa si Upiak Leba) Buyuang Koboy Iyo-iyo, Agak takajuik urang rami... tapi dek namonyo urang pasa nan dibalakang manyorak abih., langsuang dipotong dek Buyuang Ladiang, sauiknyo: "Basinyo...Tuan-Puan Ambo ikuik mandaftarkan diri manjadi calon wakia pasa untuak ka Tuan-Puan piliah". Urang rami basorak baliak, "oih...., untuak mangicekan itu Angku kumpuakan kami. Iyo alah singkek angku mah Ladiang, alah pulang kito lai, lah tahu kito tumah" kicek Ujang Sati, dek Anyo urang bagak, mambaok anak buah pulo langsuang bubar rapek ukatu tu, maindek-indek kalua pintu sampik, ado nan tajatuah, ado nan tasidorong kurusi bagai. Urang agak angek dek galeh batinggakan karano ka mandangankan si Ujang Ladiang bapadito tuh. Upaik Leba Nan sabanyo nyo, baa ko angek bana urang, tarutamo si Ujang Sati tu Tuan Buyuang Koboy Pas Ujang Sati kalua, Uaden cubo tanyokan ka Ujang Sati, baa ko angek urang, jawabnyo singkek menno. "Ualaii", Uaden tanyo baa ko coitu Tuan, jawabnyo, "kok indak tapiliahnyo, kajadih anyo lai, ka mangaleeh belek di janjang Gudang tu co Angku tu, Aden dulu tau di Angku kamanjadi wakia tu indak den umumkan kan pulo doh Uaden baranti jadi pasilek" tutuik Ujang Sati Upiak Leba Itu kan kicek Ujang Sati, kicek Ujang Ladiang tantu balain pulo yo Tuan. Takana di Ambo, Tuan kan indak diundang ge doh, dima tagak Tuan Buyuang Koboy Oi iyo, Uaden tagak di dake pintu kalua, dakek Toa, subaliah tadanga a nan dipakicekan. Upiak Leba Kalau co itu, baa ko 'coga' bana Tuan ukatu tu tampak dek Ambo, bapakai bagai tarompa Indian tu, pulang baganti jo tarompa japang ge lai. Aaa..... baru tahu Ambo, 'marede' Tuan..yo... Buyuang Koboy Oi Alai.... Dedi Yusmen Bukitinggi-280909
--~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---