Sanak Anton, email ko tasangkuik di Dapua ... seharusnyo dikirim ka [EMAIL PROTECTED] >MIKO
-----Original Message----- From: anthon [mailto:[EMAIL PROTECTED] Sent: 19 Nopember 2008 00:25 To: [EMAIL PROTECTED] Subject: tentang hubungan Imam Bonjol ke Pagaruyung Untuak sanak Syafruddin All. Takajuik ambo, katiko mancaliak namo ambo di tulis dalam komentar sanak. Tapi ancak tu, nak jaleh bana duduak tagaknyo. Batua bana kecek sanak tu, Bayanuddin, indak sakaligus datang ka Sulawesi jo Datuak Mahkota doh. Jauah tahunnyo babeda. Urang partamo nan pai ka kuburan Datuak Mahkota tu ambo, jadi tahun nan tatulis di kuburan tu dibuek urang kudian tu mah. Di kuburan Lolo Bayo tatulis 1610. Urang tu datang indaj sakali jalan. Tapi ambo tacangang bahwa rombongan Datuak Mahkota tu 40 urang pai ka Bugis? Dalam buku ambo nan baru, "Memelusuri Silsilah Keturunan Tuanku Imam Bonjol" lai di uraikan, sia bana nan bakaik ka Pagaruyung tu. Kakek Buya Nuddin tu namonyo Kyatuddin, dan keluarga bini kedua Imam Bonjol tu, namonyo Kumalo Ameh, ado ciek lai namonyo Tinoko Ameh, iko nan niniak moyang Harri Ichlas tu. Jadi urang tu baradiak kakak.Untuak jalehnyo, baco buku ambo nan baru, ado di sinan. Tantang Datuak Mangkuto, ambo bisa maanta ka lokasi dan pasuokan jo katurunan nan ado di Pagaruyuang tu, katurunan nan di Batusangka lai ado juo nan majawek gala tu turun-tamurun, jadi indak di kaikkan- nan indak buliah di agiahkan iyolah Silsilah keluarga jo ranji urang, jadi kalau nak jaleh bana, tanyo ka Bapak Muchdan, salah seorang cucu / keturunan langsung dari Sultan Alam Bagagarsyah, beliau katiko pertemuan jo pak Syafruddin Bahar di Hotel Acasia Jakarta,lah ambo pasuokan. Pak Mucdan tu, beliau adolah cucu Sultan Mangun Tuah, tanyo jo baliau, sabab Ranji dan silsilah keturunan keluarga nan ado tu baliau nan tahu. Nah, kalau ado nan mengecek Harri Ichlas lah salapan tahun mancari silsilahnyo, yo batua bana tu ma, bak mancancang baju salai, mayuruak di lalang ciek, pailah ka Sungai Rimbang, atau ka Baruah Andiang, di sinan tamui Datuak Rajo nan Panjang, atau datuak ka ampek sukunyo, di jalan ka Maek, pai ka tanjuang bungo, tanyo di sinan baa bana nan Imam Bonjol, lai banyak juo urang tuo-tuo awak nan tahu.Kabanyo, dulu pak Al jo ambo ka pai ka Manado, kito telusuri bana dima tasakeknyo Buya Nuddin, sabab ambo dapek Ranji nan labiah jaleh tentang buya ko, indak bakubua di Sulawesi doh, nan awak tamukan di Takalar tu, Nurudin bin Ismail, ismail adolah guru buya nuddin tu. Baa caritonyo sampai ka Makasar, telusuri sejarah Banten, fatahillah, di sinan ado. Datuak Mahkota tibo lebih dulu, sudah tu datuak Ri Bandang, sudah tu Datuak Leang baru Buya Nuddin jo gurunyo, ismail. Di kampuang awak, buya Ismail ko, di imbau Syech Simabua, inyo pindah ka kumpulan, di kumpulan namonyo Syech Kumpulan, iko salah surang guru Peto Syarif. Itu nan ambo tahu. Nan ambo indak mangarati, untuak apo panalusuran jauah-jauah ko? apo bana nan di cari? Sia nan bakepentingan dalam penelusuran ranji Imam Bonjol ko? Ambo lah mambuktikan Silsilah pak Harri tu jo penelusuran panjang 3 tahun terakhir, iyo batua, ado kaitan ka Batusangka. Tapi kok ado bana, dan pak Harri Ichlas tu kan alah ado data dan bukti otentik Sejarah nan di copykan dari Lembaga Arsip Nasional jo baliau, kan cukuik jaleh. ? Ambo raso itu hal nan biaso sajo, kaitan sejarah nan lah takubua labiah 170 tahun di bangkik baliak, basuo anak cucunyo. Itu indak ado nan istimewa. Kalaulah ado, katurunan Datuak Mahkota di Takkalar,Sulawesi Selatan, indak lansuang dari Pagaruyuang tu, urang-urangtu barangkek dari Pariaman, ka Bengkulu dulu, taruih ka Banten, jadi panjang caritonyo baru tacampak ka Makasar. Dan kalau nan manaliti juo, caliaklah rombongan Syech Ismail, jo Idris Majolelo, sebab baliau nan bagala Mahkota Alam nan pertamo di Minangkabau. Awal caritonyo masalah di Sulawesi ko tabukak, ambo nan datang pertamo ka rumah bapak Arsyad di Kab.Takkalar tu, ambo potret,ambo kumpua sado info di sinan, lalu rombongan berikutnya pak Al, ambo, jo Pak Lubuak Sati sarato Pak Harri Ichlas, rombongan berikutnya lagi kawan-kawan dari Gebu MInang. Terakhir ambo danga ado rombongan dari Pagaruyuang pai pulo mambuktikan ka kuburan tu. Nah, kan alah jaleh tu. Sayangnya- urang dari Sulawesi tu alun ado nan datang ka Pagaruyuang mambuktikan nyo lai, dari ma bana keluarga tu takaik? itu nan paralu di karajokan. Kalau batua inyo takaik ka MInangkabau, jo keluarga sia? Cubo tanyokan ka Ketua KAN Pagaruyuang, bapak Datuak Sy.Mojo Indo, beliau tau tu mah.Jadi indak sakadar marosok-rosok sajo awak, pai lah ka lapangan, basuo jo para pemilik ranji, pasti dapek jalur-jalurnya. Iyo lai takaik ka Pagaruyuang, jan salah! indak Berasal dari Pagaruyung, tapi babako ka Pagaruyuang, itu nan bana. Kalau mam bao namo Sultan Muningsyah, tanyokan kan bana ka Pak M.Taufik Thaib SH, jo baliau ado juo silsilah tu, tapi indak ado hubungannyo ka keluarga Imam bonjol tu di keturunan Rajo Muningsyah. Jan salah pulo. Tantang Lembaga Kajian Imam Bonjol nan dibuek tu, kabanyo namo ambo lai masuak dalam lembaga tu, tapi antah baa, ambo indak dapek kaba kelanjutannyo lai. Ambo raso, cukuik sakian sanak. Kok ado nan taraso, tanyo kan ka pak Harri Ichlas tu, jo keluarga sia inyi takaik ka Pagaruyuang tu, tantu inyo nan tau bana, karano inyo nan cicit Imam Bonjol, he...he., --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
