Angku Don di Liberia, Memang, daerah bukik-bukik dan rimbo-rimbo antaro Gantuang Ciri jo Saniang Baka - Panyinggahan tu adolah daerah nan rancak strategis untuak main kuciang-kuciangan, untuak "tagak maninjau jarak, duduak marauik ranjau." Dengan penguasaan tampek strategis tu, pamandangan Solok jaleh kama-kama. Di sabalah Timur tampak jaleh Kota Solok di bawahnyo. Pandangan ke timur jauah lapeh ka daerah Supayang jo Sirukam. Ke arah Utara, Danau Singkarak jo Daerah X Koto Di Ateh jaleh tampak dan tabayang. Pandangan jauah lapeh jo skop ka arah pandangan Singgalang - Marapi - Sago sabagai latar bulakang. Ka arah Selatan, jaleh tampak daerah lereng Utara Gunuang Talang nan Subur dan Indah, dari Aia Angek, Batu Kuali, Talang, Cupak taruih ka Gantuang Ciri tu.
Dalam pajalanan tu, sasudah manamui Pak Bupati di Markas baliau di Rimbo Sirukam, ambo marancah rimbo malinteh malam ka Aia Angek (nan sangat dingin uradronyo) di rimbo ateh lutuik Gunuang Talang. Di sinan Markas Kecamatan Talang. Ambo basuo jo PakCamat, dan pejabat-pejabat setempat. Sempat berkenalan jo Pak Datuak Gamuak dari Cupak. Bisuak malamnnyo MakNgah sadang maagiah Panarangan di Musajik Cupak nan tapaso dibubarkan dengan aman (walapupun dalam kaadaan gelisah mengerikan) karano tantara Sukarno sadang manunju ka arah tu. Dalam pajalanan ijok malam tu kami sampai di Batu Kuali di lereng Gunuang Talang di Barat Aia angek. Bisuaknyo, dari Batu Kulai MakNgah mayaksikan sandiri Suasana Penghadangan dari Pasukan PRRI dengan sasaran Kompoi Tantara Pusek di jalan Padang Solok dakek-dakek ka Aia Sirah di ateh Cupak. MakNgah mandanga aletusan-letusan dan manyaksikan sendiri gejolak Asok dan Api Sirah nan mangerikan hati karano kampuang nan barisi Rumah-Rumah Gadang dibaka habih dek Tantara Pusek. Kalau indak salah namo kampuang nan tabaka tu Kubu, indak jauah di ateh Cupak. Jaleh tampak dek MakNgah nan sadang mandok di Dangau Santo dari Batu Kuali tu. MakNgah caliak sandiri pulo kawan-kawan nan luko digendong, dipangku, dan ditandu darurat untuak diungsikan. Salasai parang tu, lah taraso aman bisuaknyo Makngah turun dari Batu Kuali, malinteh jalan gadang Solok-Padang di Cupak, taruih ka Utara ka Gantuang Ciri. Di Gantuang Ciri manjadi tamu Pak Camat dan staf Markas Kecamatan. Di sinan pulo MakAngah briefing, maagiah kaba, bakenalan jo baliau Angku Rivai Marlaut, Redaksi Haluan nan terkenal di tahun 50an tu. Jadi, walaupun ambo indak bakanalan jo Ayahanda Angku Don, MakNgah tantunyo malalui jalan-jalan mancik persembunyian nan samo ditampuah dek "Rang Rimbo" Wakatu Bersejarah tu. Sakitulah dahulu. Salam, --MakNgah Santa Cruz, California, USA --- In [EMAIL PROTECTED], donasion don <[EMAIL PROTECTED]> wrote: > > Mak Ngah, > > Manuruik carito Bapak ambo,,beliau ikuik masuak rimbo wakatu itu. Jadi wakatu Mak Angah manjalajahi Gantung Ciri jo Saningbaka, tantu malewati daerah tampek Bapak ambo beroperasi. Wakatu itu tantara pusek bakaliaran di dalam kampuang. Ibuk ambo jo kawan kawan acok maantakan baka ka ateh bukik untuk rombongan apak apak yang diateh bukik tu. > Manuruik carito urang gaek ambo, ambo lahia wakatu urang alah turun dari gunuang. > > Wassalam > Don Liberia. > > ________________________________ > From: hambociek <[EMAIL PROTECTED]> > To: RantauNet@googlegroups.com > Sent: Tuesday, December 2, 2008 10:16:42 PM > Subject: Re: Bls: [EMAIL PROTECTED] Tanah Garam > > > Aha, Tanjuang Bingkuang! Dek tacongang-congang mandanganyo tapaso lo > sato salangkah mancogok ka Lapau, takana pulo maso dahulu. > > Dalam pajalanan ambo marancah Kabupaten Solok 50 tahun nan lalu > (1958)ambo masuak rimbuo mandaki manurun bukik dari Gantuang Ciri ka > Saniang Baka. Dalam pajalanan sahari tu dari ateh bukik ambo manikmati > Dataran Sumani nan mamdado dulang di bawahnyo, ambo baraja pantun dari > Urang Rundo nan maantakan kami: > > Singkarak jo Saniang Baka, > katigo jo Tanjuang Bingkuang. > Lah sarak mangko manyasa, > binyi cadiak disangko binguang ... > > Dalam pajalanan kama pai ambo salalu dianta dek Urang Rundo nan salalu > setia dan batangguang jawab ateh kasalamatan kami. Ambo batarimo kasih > banyak. Mudahan amalan mereka dikurniai pahalo dari Allah nan Maha > Kuaso. Namo Urang-urang rundo nan salalu manolong ambo lah lupo. > Namun, pantun-pantun lokal sapanjang jalan takona juo... > > Salam, > MakNgah > Di Tapi Riak nan Badabua > Di Santa Kuruih, Kalipornia --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
