Assalamu'alaikum warahmatullahi wabarakaatuhu, Takajuik ambo Angku Lembang. Inna lillahi wa inna ilaihi raajiuun. Tuan Nadjin (baitu imbauan kami waktu ketek-ketek wakatu mangaji jo baliau di Talang tahun 1945) lah pai mandahului kito manghadap Allah Subhanahua Ta'ala. Lah kahilangan suluah bendang kito di Kototuo Balaigurah dan Ampek Angkek dan sekitarno. Semoga arwah baliau diterima Ilahia Rabbi di temat nan alah disediakan Allah untuak baliau di Kampuang Akhirat. Bagi kito nan tingga iyo samo mandokan dari dakek ataupun jauah. Baitu juo keruarga, ahli waris, dan Rang Kampuang Kito nan ditinggakan baliau dapek sabar dan tawaakkal. Amiin ya Rabil aalamiin.
Kenang-kenangan Mangaji jo baliau wakatu itu indak dapek ambo pisahkan jo suasana kehidupan di awal Maso Revolusi Kemerdekaan di daerah kito tahun 1945. Terlalu banyak kenangan... Mangaji di Surau baliau, (Rumah Amak Baliau sandiri, Etek Ilah, di Talang) bukanlah sakadar mangaji Al-Qur'an tiok malam, tapi marupokan panarangan dan pendidikan masyarakat dengan variasi nan dapek diterapkan saumua hidup. Kami dilatiah batandiang bapidato (muhadharah), bagotong-royong ka musajik, balari-lari pagi basamo-samo kuliliang kampuang dari Kototuo -> ka puun ka Ampanggadang -> ka ilia ka Tanajuang Alam -> ka ujuang ka Biaro -> baliak ka mudaiak ka Koto tuo. Hubuangankami anak sasian Baliau jo Rang Kampuang sangat arek. Tanopa mangaji di Surau Baliau ambo indak ka dapek kawan-kawan nan samo gadang dan tahu saluak baliuak Kampuang kito. Tiok Tanggal 17 tiok bulan sasudah proklamasi 17 Agustus 1945, kami dari Surau baarak-arak ka Pasa (Bukittinggi) untuak marayokan kemerdekaan. Salamo satu tahun waktu itu tanggal 17 dirayokan dengan upacara dan arakan-arakan meriah di Bukiittinggi. Bagi ambo, tiok pulang dari Rantau, taruih basuo mancari baliau. Bagi baliau kok ado apo-apo di antaro keluarga baliau lah datang ka rumah Amak Ambo. Ayah Balaiu, AyahKaji, Ulama pulo, (Nurdin St. Sipado Basa, kawan dakek Ayah jo Amak Ambo). Rencana ambo kok pulang nanti ingin mandalami Sejarah Islam di Kampuang Awak di Koto Tuo. Baliau marupokan sumber Sejarah (Oral Tradition) nan jaleh sajak maso Tuanku Kototuo di awal Parang Paderi taruih ka Ssyekh Mohammad Khatib sampai-sampai ka pangalaman Ustaz Nazir sabagai Guru dan Ulama. Sayang, lah kahilangan suluah kito, ambo indak ka dapek lai maota-ota baiyo-batido jo baliau... Salam kito juo ka Rang Kampuang kasadono nan ikuik basadiah balangsuang kawa malapeh baliau basamo-samo. Salam sairiang ka Rang Kampuang. Mudah-mudahan Cahayo Islam tatap basinar di Kampuang Awak untuak salamo-lamono. Amin... Salam, Sjamsir Sjarif Jauah di Subarang Lauik Basa di Tapi Riak nan Badabua Santa Cruz, California, USA --- In rantau...@yahoogroups.com, "Muhammad Dafiq Saib" <stlembang.a...@...> wrote: > > Assalaamu'alaikum wa rahmatullaahi wa barakaatuhu > > > Innaa lillaahi wa innaa ilaihi raaji'uun > > > Ambo hambaukan kaba duka dari kampuang ambo Koto Tuo Balai Gurah. Alah > bapulang ka rahmatullah ustad Nazir Nurdin dalam usia 82 tahun tadi malam > pukuah 2 pagi di RSI YARSI Bukit Tinggi. Almarhum alah dimakamkan di > pakuburan pasukuan di Talang di kampuang kami. Almarhum adolah saurang ulama > nan aktif badakwah ka pasakitaran Bukik Tinggi sampai akhir hayat baliau. > > Jikok ado di antaro dunsanak sa palanta nan mangenal baliau, tolonglah > dimaafkan saandaino ado khilaf jo salah baliau salamo pargaulan dalam hiduik > sahari-hari. > > Ambo sandiri talambek dapek kaba. Tadi pagi ado miskol dari putera baliau > katiko ambo masih di musajik, katiko ambo talipon baliak, salalu sibuak. > Baru sabantako ambo mangecek jo putera baliau. > > Wassalamu'alaikum > > Lembang Alam > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
