Assalammualaikum Wr Wb JEPE dan dunsanak sapalanta
JEPE
Bia barakaik ilmu dari JEPE uni taruihkan tulisan jepe nan njik uni gon dih.
Uni cubo mambaleh langsuang ka JEPE, gagal taruih. Beko bakecekkan pulo uni
sombong, mako tapaso lewaik jarum uni laluan.
Oh iyo jepe, kok kodak jan ditanyo ka uni he he he..
Bialah nan alah pernah basuo sen nan bakomentar, atau jepe nak batanyo
diam-diam, tanyoan ka miko, atau ka mak datuak marah bangso di palembang.
Suaro sen di uni nan gadang noh. Tapi kok panasaran, bongkalah blog si FADILLA
ZENNIFA, kok rajin malingkok i nan tasuruak, basuo tu mah.
Wass
Hanifah
--- On Wed, 1/7/09, Jupardi <jupa...@anugrah-mgt.biz> wrote:
From: Jupardi <jupa...@anugrah-mgt.biz>
Subject:
To: iffa...@yahoo.com
Date: Wednesday, January 7, 2009, 4:35 PM
Ass wr wb
Apo kaba Ni…mudah2an
sehat2 sajo di Bengkulu dalam mengabdi buat Pendidikan
Kini tantu sadang rami2nyo mah Kota Bengkulu jo Tabotnyo…takana
Jepe mah maso2 dibengkulu
tahun 1990 dan 1991..tu..yo sabana rami kalau lah ado
festival tabot ko disinan
Baa lai Ni..alun sempat juo ak Bengkulu tu..dek ndak ado proyek
kami di sinan, kok di Jambi lai
kok kasinan Jepe dengan senang hati ban amah Jepe baokan
balango untuak Uni..
tapi yon an baru..nan balango pusako lah rasan2lado pangek
tu..berang beko Mama Jepe di Padang he..he..he
Tapi intinyo Ni..pangek ko yo jo balango nan paliang lamak,
pasti lah ado urang manjua di balango
kok baru masih rasan-rasan tanah like..uni abuih sajo jaia
dulu.agaiah lado giliang aia ko, tu abuih sampai kariang..lah bakarak lado
giliang nan anguih ko dibalango baru uni cuci barasiah kan jo aia barasiah ndak
usah pakai sabun…jo sabuik sajo digisa..bia ilang rasan-rasan tanah like..lamo2
tantu jadi balango pusako sajo, salagi dijago jaan kanai lendo
kuciang…kaki,,,badabuak
jatuah tantu pacahnyo.
Nah bia masakan Uni pusako kuliner ko..dengan sentuhan yang
dalam mamasak jo balango ko
paraulu Uni buek dapua..kayu baka ..tunggu dibalakang
halaman rumah Uni….agak jauh sajo..manyambia3
bilo taragak mamasak jo tungku api, bisa dari kayu2 bekas
bahan bangunan, sabuik tampuruang atau palapah dan upia karambia nan kariang.
Masalah tunggu kayu baka ko Jepe pernah kanai berang dek Pak
Tuo dan mak Tuo Jepe di Pakan
katiko tu maabuih ubi kayu nan banyak..saparuik
gadang..nan tumbuah dihalaman rumah kakak istri nan agak lueh di Pakan ko..jadi
kami abuih jo kompor Gas..datang Pak Tuo ko
“Apo nan kalian abuih ko jo paruik gadang/dandang jo
kompor Gas”
tu inyo cigoknyo pariuk dandang ko,,nampak Ubi kayu ko”
Onde Ni..berang Pak Tuo kami
karajo nan indak2 kalian buek mah..Ubi sabanyak ko kalian
abuih jo Kompor Gas..lai tahu kalian indak imbang antaro Ubi tu jo Gas nan
kalian abihkan, halaman salueh tu..kayu palapah karambia baserak, ado
sabuik,,ambiak batu susun tigo..buek tungku dihalaman..nah abuih disinan”
Onde..iyo juo kecek Pak Tuo ko..Gas Abis..dek Ubi..sa
dandang nan dimasak ibaratnyo ndak imbang
Samanjak tu kami punyo tungku..kayu baka dibalakang rumah
bilo taragak mamasak samba nan agak banyak sarupo Randang Sakuali…basamo2
saudara..baitu juo abuih maabuih Ubi hasil ladang ka dibuek tumbang..jo karipik
ubi..satalah diabuih diiris tipih2 lalu dijamua
Itulah kisah tungku jo kayu baka ko Ni..apolai..kini gas lah
maha tantu awak bahimaik2
Kok ado acara..nan paralu mamasak aia sadandang panuah tantu
nan labiah hemat/seimbang jo tungku kayu baka dibandiangkan bahan baker gas..
Semoga bermanfaat Tips dan carito ko buek Uni
Ditunggu taruih..ciloeth Uni di Palanta..dengan kato2
basayok jo sindirinnyo ka urang2 nan diraso agak saketek “ongeh”
Wass-Jepe (Pku)…Iko email kantua Ni..di reply kasiko
ndak baa juo..Btw..Uni lah buek Facebook…kini sadang mode mah..Oh ya..Ibu
Evy Hifni nampaknya..sementara vakum dulu di Palanta..Uni sering kontak
Dia..salam aja ya kalau kontak sama beliau.
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: rantaunet-unsubscr...@googlegroups.com
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
