Mak Suryadi, awak cubo saketek mambari saketek sabateh pangatauan awak nan bapinggalan singkek bakain senteng baa mangko dikampuang namo amak labiah tasabui dari namo ayah. Baitu juo sabaliaknyo kok di rantau namo ayah labiah taimbau dari namo amak. 1. makonyo dikampuang namo amak labiah tasabuik aso dari sakian alasannyo adolah dalam kahidupan sahari-hari dalam bamasyarakaik peranan kaum ibu labiah nampak dari kaum laki-laki dek karano kaum bapak arinyo labiah banyak di sawah jo ladang atau mancari pitih kalua kampuang nan tantunyo sagalo aktifitas dikampuang labiah banyak didominasi dek kaum ibu cako nan juo disabakan dek dikampuang nan pai mancari pitih adolah ayah (tarutamo). Diantaro nan lain baa mangko alasan namo bapak kurang taimbau dek karano si anak akan maulang 2x satiok pertanyaan dari urang nan batanyo, nan paratamo inyo akan manyabuik namo ayah atau gala dari ayahnyo. Sudah tu timbua pulo ciek lai tanyo sia gala ayahnyo atau sia namo ayahnyo. Kok nyo sabuik langkok namo jo gala ayahnyo mako jawaban akan taraso barek dek kadang-kadang gala sang ayah cukuik panjang. Disampiang itu kadang-kadang gala ko banyak pulo nan samo bunyinyo diantaro gala nan ado. Jadi jawaban nan paliang tapek atau murah kutiko ditanyo awak anak sia mako nan paliang murah disabuik adolah namo amak nan jarang sanamo atau pabilo sanamo mako namo ketek (panggilan) labiah mudah dikenali sacaro capek dek urang nan batanyo. 2. baitu sabaliaknyo baa mangko namo ayah labiah taimbau di rantau dek memang kabanyakan kaum ibu labiah banyak di rumah sainggo interaksi dimasarakaik juo agak kurang sainggo namo ayah labiah dikenal dek masyarakaik sakitar.
Sakitu mak sabateh pangatauan nan awak punyo mudah-mudahan bisa pulo panukuak jo panambah dari curaian dunsanak nan lain. Wassalamu'alaikum ww Batuduang Ameh (42) Pakanbaru -----Original Message----- From: RantauNet@googlegroups.com [mailto:rantau...@googlegroups.com] On Behalf Of Lies Suryadi Sent: Tuesday, March 10, 2009 8:17 PM To: RantauNet@googlegroups.com Subject: [...@ntau-net] namo urang Minang Dunsanak di lapau sakalian. Namo urang Minang memang unik. Indak ado pola tertentu. Simak sajolah namo2 pengunjung lapau gadang ko. Mulai dari namo nan bakesan barat, sampai jawa jo nan sangaik Minang, ado. Mulai namo nan bernuansa Kristen sampai Islam dan agamo lain ado. Ado namo kawan ambo urang Minang: MUHAMMAD ISA GAUTAMA (langkok 3 agamo nyo masuak'an). Memang dalam tradisi pemberian namo di Minang indak ado kewajiban mancantumkan namo ayah di balakang namo anak. Juo indak ado kewajiban manambahkan namo suami di balakang namo istri setelah seorang perempuan manikah (bantuak nan biaso kito temukan di Eropa). Penambahan namo suku di balakang namo, juo indak suatu kewajiban. Soal gala, itu lain. Ketek disabuik banamo, gadang kan diimabu gala. Mungkin sajo iko refleksi dari sistem nasab ibu (matriarkat) nan dianut dek urang Minangkabau. Walau baitu, namo ibu pun tidak wajib dicantumkan di balakang namo seorang anak Minangkabau. Tapi cubolah liek di kampuang, kalau urang batanyo ka sorang anak: "Anak sia waang, Yuang?", inyo cenderung manyabuik namo ibunyo. "Ambo anak Syamsiar nan di Pulau Aia", "Ambo Anak One Tinun nan di Guguak". "Ondeh pantiak, lah gadang waang kini yeah? Kama salamoko waang marantau?". Jarang nyo sabuik namo ayahnyo. Kini, anak2 Minang nan tingga di rantau mungkin agak beda setek: kalau ditanyo anak sia, cenderung nyo sabuik namo abak e, lupo namo amak e. Tapi nan biaso ketek di kampuang, pasti namo amak e nan lakeh nyo sabuik. Takaik jo iko, saktek ambo batanyo ka Pak Saaf, apo mukasuiknyo tu Pak Saaf manulih di bawahn namo Pak Saaf dalam satiok postingan: "Saafroedin Bahar (L, masuk 72 th, Jakarta; Tanjuang, Soetan Madjolelo) "Basuku ka Ibu; banasab ka Bapak; basako ka Mamak". Barih paliang bawah tu nan menarik dek ambo: yaitu pernyataan Pak Saaf, "Basuku ka Ibu; banasab ka Bapak". Sabab nan ambo baco dari buku2 urang Minang "banasab ka ibu" atau makakaikan nasab ibu (matrilineal). Mudah2an dapek pencerahan pulo kito dari Pak Saaf, atau dari Buya HMA. Wassalam, Suryadi --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
