Dalam khazanah Sastra Minangkabau dulunyo, alah sangaik banyak juo masuak seni ber tebak-tebakan atau teka teki, Ajo suryadi pernah menyampaikan dalam sebuah atikel yang beliau alihbahasakan dari kumpulan takok taki minangkabau yang dikumpulkan oleh seorang peneliti Belanda yang bernama H.L. Van Hasselt pada akhir 1870-an.
H.L. Van Hasselt adalah ketua tim Central Sumatra Expedition yang menjelajahi bagian tengah pulau Sumatra - daerah Sumatra Selatan, Jambi, dan Minangkabau - pada tahun 1877-1879. Ekspedisi itu digagas dan disupervisori oleh Pieter Johannes Veth, seorang sarjana Belanda terkemuka tentang Hindia Belanda, yang sampai akhir hayatnya tidak pernah menginjakkan kakinya di bumi Indonesia. Dibawah ko adolah 56 takok taki tersebut, mungkin ado sanak nan bisa manjawek??? Heheheee... Tambahan untuak parintang2 patang. Salam Nofend. Takok taki tersebut : (dilarang maliek jawaban soal, kok ado nan dapek bocoran soal) 1. Sagadang-gadang batang, batang a nan gadang? 2. Sagadang-gadang kuman, kuman a nan gadang? 3. Satinggi-tinggi tulang, tulang a nan tinggi? 4. Sagadang-gadang ula, ula a nan gadang? 5. Anaknyo dipijak-pijak, induaknyo diuruik-uruik. 6. Induaknyo manilantang, anaknyo bagolek-golek. 7. Induaknyo manjala-jala, anaknyo baceceran di baliak. 8. Induaknyo duduak juo, anaknyo maharu-haru. 9. Ikuanyo bak ikua kambiang, jatuahnyo garuntang bayang. 10. Awaknyo gadang panjang, kain batumbok-tumbok. 11. Urang balimo badunsanak, tibo di gunuang babunuahan. 12. Tigo petak, tigo panjuru, tigo ikua kumbang di dalam. 13. Barumah lai, bapintu indak, cirik mancik banyak dalamnyo. 14. Bagolek-golek mancari nyao, dapek nyao badan tabuang. 15. Iduiklah inyo karano awak, iduik awak karano inyo. 16. Urang baduo badunsanak, ganti daulu-mandaului. 17. Manyalam ka lauik, bajalan ka pasia, tingga jajaknyo jadi kato-kato. 18. Ditungkuih bukan pakirim, ditanam bukan tinaman. 19. Badannyo bungkuak, makannyo sagalo ijau. 20. Ka pai maadok ka pulang, [ka] pulang maadok ka pai. 21. Lai ketek sagadang badia, lah gadang salaweh papan. 22. Babiliak lai, bapintu indak. 23. Basisiak bukannyo nago, bagonjong bukannyo rumah, bapayuang bukannyo rajo. 24. Ureknyo manikam tanah, batalua di awang-awang, manateh di tapak tangan. 25. Urang tuo babaju maniak. 26. Cabuik lubang, tingga tiang. 27. Malam manjadi rajo, siang manjadi budak. 28. Bapusek pado ikua, batalingo pado bibia. 29. Ketek manjadi kawan, gadang manjadi lawan. 30. Lantai ditembak, iduang nan kanai. 31. Urang tuo babaju basi. 32. Urang tuo mati bagantuang. 33. Kapak ampek, kaki anam, ikua cando mariam, kapalo buto manggeleng-geleng. 34. Nan dikaja indak baikua, nan mangaja indak bakaki, nan maliek indak bapakalo. 35. Sapanjang-panjang lidih, lidih a nan panjang? 36. Dibukak kain tasuo rumpuik, dibukak rumpuik tasuo dagiang, dibukak dagiang tasuo tulang, dibukak tulang tasuo banak; masuak basah kalua kariang. 37. Barampek manumbuak, baduo manapih, surang mahalau. 38. Ketek ra, gadang ba, mati bi. 39. Babalalai bukannyo gajah, mancakau bukan harimau, mandanguang bukan alang-alang. 40. Maasok bukannyo kabuik, mariak bukannyo ombak. 41. Batalua di ateh gunuang, manateh di ujuang kuku. 42. Mulonyo ketek, lah tuo nyo gadang, sampai umuanyo suruik ketek juo [baliak]. 43. Urang tuo batalingo sabalah. 44. Tasingguang rusuaknyo, tasirah kapalonyo. 45. Badabuak ka bawah, dicari ka ateh. 46. Isinyo di lua, kuliknyo di dalam, dibalah mako dikubak. 47. Bak namo bak gunonyo, diam di rumah sanamonyo. 48. Rusak si tuo indak manga, rusak si tangah indak manga, rusak si bungsu mako luluih. 49. Lupo tabao, takana tingga. 50. Pagi bakaki ampek, tangah naiak [hari] bakaki duo, patang [hari] bakaki tigo, mato ampek, gigi di lua. 51. Si kicak si kicam, rio-rio kandih, nan masak nan masam, nan mudo nan manih. 52. Ditimang bukannyo anak, dibuang bukannyo sarok. 53. Urang] kaliang mandi darah. 54. Dibukak sagadang alam, disaok sagadang kuku. 55. Ambiak duri bapaga duri, sarugo di dalam, narako di lua. 56. Induak indiang. --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
