Assalamu'alaikum warahmatullahi wabarakaatuh..
Samemanglah Uni Ifah jo apak2, Inyiak2, Uda2, UNi2 kasado alahe.. Ambo manggarih bawahi tanggapan Uni tentang puber kaduo ko..Kok nyo ambo ko eh..raso apaopun itu ka dalam hati awak ko kan datangnyo dari Nan Punyo Kuaso.. Nan Diateh.. Jadi apoko itu raso sakik, raso sanang, bahagia, sadiah (bukan Uni diah yo)raso suko, raso cinto kok iyo datang juo, barangkali ndak bisa awak tulak doh, tapi bisa awak manage jadi nan ndak talarang. Baa caronyo..barangkali bagi nan punyo anak, dikana baa anakko sampai ado..dari suka dukanyo bakatauan jo pasangan, sampai baralek lo...sampai hamil induak bareh.. sampai manggadangan..pokoknyo ingek jo suka dukanyo baduo... trus diingek bana anak awak nan ka sansaro jikok kito macam2, kan mode tu.. Pernah dosen ambo dulu bacarito, kalian nanti kalo bakeluarga jan sampai talonsong2 kecek liau..awak barumah tango pasti ado duri2nyo, katiko duri2 taraso sakik di badan awak, kana2 maso2 sulik baduo.. pasti ado maso2 sulik tu..antah ko kepeangkah, antah ko maso2 sadiah, antah ko maso2 bajauahan dikabek rindu...kanalah itu kutiko maso sakik manusuak dado..nah kalopun ndak awak pelok I bana, wakatu akan mamelok I no...mantun kecek liau..pak Rauf namo liau..salam hormat Pak.. Jadi bagi kito padusi ko Uni, tantu kesabaran bagi awak dipalabiah...kok ado laki awak suko jo nan lain, bialah dulu, mudah2an dek takana anak, atau takana maso sulik daulu..tantunyo babaliak surang hatinyo ka awak juo..mah awak mandeh anak2 nyo mah.... icak2 ndak tau se awak..kan inyo bakalan salting surang..kok untuang baraso basalah surang.. biasonyo tacaritoan juo ka awak tumah.. Tapi kalo mananggapi jo kasa kayaknyo bakalan lain jadinyo Uni..Waktu2 mode tu kan paralu bana dek inyo urang tampek manyanda..barangkali dek kejenuhan jo awak atau jo karajonyo..mulai maereng2 pancalaik an baliau ko...jadi kok wak sadioan lo hati untuak baliau manyanda kan paten mah uni.... Ambo nan matah ko barangkali mangecek baru nan sok2 pandailo jikok bahadok lo nan subananyo..mudah2an ditolong Allah untuak saba..diuruik dado surang...ya Allah sabaan denai maadoki cobaanMu..amin..Bia ndak tabangkalai lo awak manggadangan anak awak.. Kayaknyo kalo takana anak nan ka gadang nan kajadi urang isuak..luruih2 sen dalam barumah tango mah InsyaAllah..antah batue antah indak..mintak ditukuak dek Rang Gaek kami nan di lapau ko.. Wassalam Rina, 32, batam --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---