KEMBAR HOBBI. Ku amati kisah yang tua, banyak kesamaan padanya. Bak si kembar
yang di pisah oleh lorong waktu. Kembar lain ibu juga memiliki ikatan batin
yang kuat. Suatu hari bak sikembar sejati merdka melakukan perjalanan bersama.
Nah ini jadinya. Jepe jepe, jepe kembaram pak emi? Kok lawaknya sama ? He he
he. Salam. Hanifah
Jupardi wrote:
> KISAH SI
> MONEN (4)
>
> “KAMU
> MONEN..YA”
>
>
> Katiko tibo giliran
> arisan di rumah mande si Monen, nan ibuk-ibuk disekitar komplek parumahan
> Mande
> si Monen lah bakumpua di rumah si Monen, sabalun mancabuik nomor arisan nan
> paliang heboh, nan paliang ditunggu ibu-ibu nan bakumpua ko, biasolah ibu-ibu
> ko saliang bisiak-mambisiak atau istilah terkininyo “ngerumpi”.
>
> Bu Linda : Ehh..Buk Amaik
> ( iko ibu si Amaik nan minum kopi baracun si
> Monen..ha..ha..ha) baa lo tu kalakuan si Monen anak Ibu Upiak Kamek (Mande si
> Monen yo kamek lo mah diantaro Ibu-ibu nan arisan tu,,ha,,ha,,ha..asal deh) ,
> tiok ambo basuo jo si Monen ambo dikecekannyo “Leni Marlina Ya
> Ibuk”…inyo paso bana ambo mangaku “Leni Marlina”, ndak
> ta etong lai..itu ka itu sajo tanyonyo satiok basuo, tantu bosan ambo
> deknyo dek ambo sagan jo Mandenyo nan “Ketua Kelompok Arisan Ibu-Ibu
> Manis” (catatan : KAI2M, namo
> komunitas Ibu-Ibu dikomplek rumah si Monen) , ambo iyokan sajo lai
> “Monen nan gagah, iyo bana ambo Leni Marlina…baa tu”..ondeee
> !!! tahu ndak Buk Amaik malonjak ditampeknyo sambia galak ka ambo tu mangecek
> “Kok nggak Mirip”..ndak do lai kanai bana ambo dek nyo.
>
> Bu Amaik : Oiii yai..yai
> !!! lah samo lo nasib awak mah ambo lah kanai lo dek si Monen tanyo sarupo tu
> “Buk..Buk Ibuk Leni Marlina ya”, yo sarupo carito Bu Linda tu
> lah
>
> Samakin heboh ibu-ibu nan
> sadang arisan ko, dimulai carito Bu Linda jo Buk Amaik marembet ka Ibu-Ibu nan
> tagabuang dalam “Kelompok Arisan Ibu-Ibu Manis” lah ampia samo
> sajo carito Ibu-Ibu nan sadang bakumpua di rumah si Monen. Ibu Monen ndak
> lamak
> ati lo dek bisiak-bisiak “ngerumpi” konco-konconyo, tapi
> bisiak-bisiak ibu-ibu ko biasolah, dikecek kan babisiak tapi tadanga
> sayuik-sayuik sampai di talingo Ibu si Monen nan sadang maatur menu Arisan jo
> pembantunyo di suduik ruang tamu
>
> Ibu Monen : Ibu-ibu
> …aha..nampaknyo yo lah heboh bana yo, mancaritokan kalakuan anak ambo si
> Monen..itu alun manga-manga lai tu, ambo sajo Mandenyo ndak tahituang
> kali lai ambo inyo pagarahkan bantuak itu
>
> Ibu Linda : He..he..he
> tadanga kami marumpi dek Ibu Monen yo…malu kami, yo sarupo itulah
> kiro-kiro si Monen mampaulah kami Bu Monen, jadi baa caritonyo sampai ndak
> taituang kali Ibuk dipagarahkan anak surang tu…pasti seru dong Buk
> Monen..
>
> Ibu Monen : co iko mah
> ibu-ibu, lai tiok basuo ambo jo anak tu di rumah dima sajo ndak bosan-bosannyo
> batanyo “Mama Leni Marlina ya”, lah ambo jawek Oii Monen iko mande
> waang mah..alah tu dipasokan juo Mama Mangaku Leni Marlina,
>
> Bu Amaik : tu baa
> akhirnyo Bu Monen
>
> Ibu Monen : Basuo liak
> batanyo lo “Mama Widiawati ya”…sadang di dapua awak manyamba
> (makasuiknyo mamasak) masuak lo tanyo penuh paksaannyo “ Mama Yenny
> Rachman yo” pokoknyo lai sadoalahe artis nan top saumua awak inyo baok ka
> diri ambo. saruman nan ibu-ibu caritokan dari pado panjang carito jo anak ambo
> tu, iko goreng bada jo patai sadang tajarang dari pado anguih maladeni si
> Monen
> nan batanyo sarupo tu..ambo jawek sajo lai “Iyo mama Leni Marlina, Mama
> Widiawati, Mama Yeny Rachman, Mama Yatti Octavia..baa tu Monen anak ku
> Sayang”…lah dapek jawek bantuak itu nan kandaknyo bana sambia
> manyemba paragede jaguang nan lah masak di dapua inyo mangecek ka ambo
> “KOK NGGAK MIRIP YA”.
>
> Bu Eti :
> Ha..ha..ha..ruponyo lai indak kami sajo nan kanai dek anak Ibu tu, jo
> mande-mandenyo dibaitukan dek si Monen yo
>
> Ibu Monen : Co itu lo
> kurena anak ambo tu Ibu-Ibu, ndak ambo sajo nan kanai , Papanyo inyo baitukan
> lo..”Papa Sophan Sophian Ya” ….”Papa Roy Marten
> Ya”…”Papa Ratno Timur Ya”..macam-macam namo aktor nan
> disabuiknyo, tapi kini lah dapek dek ambo “ubeknyo” bia anak ambo
> tu indak batanyo bantuak itu ka itu sajo.
>
> Ibu Yuli : Baa ubeknyo tu
> Bu Monen, ambo kok basuo jo si Monen di kadai komplek rumah awak ko katiko
> babalanjo barang harian inyo sadang badomino jo kawan-kawannyo, namuah bana
> hatinyo baranti sabanta mahampe batu domino tu untuak mananyo ka ambo sarupo
> tu.
>
> Ibu Monen : Bantuak iko
> ubeknyo tu Ibu-Ibu (Ibu si Monen nan kamek
> ko bacarito sambia marapikan lips stick dibibianyo nan lah agak maleba
> kabawah bibianyo, set..set..set tigo kali lepoh lipstick dari dompet
> ketek nan bacamin tu lah manyirah merekah bibia Ibu Monen, tu inyo lap jo tisu
> lipstick nan kalua garih bibia paliang bawahnyo..iyo kamek bin manih ibu Si
> Monen ko..maklum Ibu Ketua KAI2M..he..he..he) jadi ibu-ibu sabalun
> anak ambo tu batanyo bantuak itu ambo duluan lai “Kamu Monen
> Ya”..lalu inyo manjawek “Iko kan
> anak mama mah..Monen..kok lupo mama jo Monen”, diulang agak duo tigo kali
> tanyo tu “Kamu Monen Ya”..sampai inyo mangecek “Ndee..iyo
> bana Ma iko anak Mama nan paliang Mama sayang…Monen bana ambo Ma”,
> lah mambana bantuak itu, lalu ambo mangecek bantuak iko sambia manatap serius
> ka inyo “KOK NGGAK MIRIP MONEN Ya”…samanjak tu si Monen
> ndak ado batanyo “artis-artis” tu lai ka ambo
>
> Ibu-Ibu nan tagabuang
> dalam KAI2M sadang ba arisan di rumah Ibu Monen, kekeh galak-galak mandanga
> carito ketuanyo, Bu Linda, Bu Amaik, Ibu Eti, Bu Yuli dan Ibu-Ibu lain lah
> maangguak-angguak mandanga carito Bu Monen baa caro mailak dari tanyo si Monen
> nan “artis-artis” tu,
>
> Ibu Monen : Ibu-Ibu kito
> lupokan lah dulu tantang kalakuan anak ambo tu, ambo raso ibu-ibu kok basuo jo
> anak ambo tu bilo-bilo, duluan sajo batanyo ka inyo “Kamu Monen
> Ya” kini mulai lah acara Arisan awak ko, silahkan Ibu Linda manyampaikan
> laporan keuangan KAI2M jo kegiatan-kegitan social nan kito pabuek bulan nan
> lalu
>
> Katiko Bu Linda maambiak
> posisi duduak nan agak manih sambia mamacik map nan barisi laporan keuangan
> dan
> kegiatan social KAI2M, katiko Bu Linda ka mamakai kaco mato baco nan ketek
> rancak sasuai lo jo wajahnyo nan bulek talua tu, tibo-tibo datang si
> Monen ka ruang tamu, tanpa di Komando ibu-ibu nan sadang arisan ko
> mangecek sarentak
>
> Ibu-Ibu Arisan : Kamu
> Monen Ya..Kamu Monen Ya
>
> Monen : Ondee Ibu-Ibu …kok
> lah lupo jo Monen…Iyo Ibu-Ibu AMBO MONEN BANA mah anak Mama Upiak
>
> Ibu-ibu arisan sarentak
> mangecek : KOK NGGAK MIRIP
>
> Monen ndak dapek
> kecek lai,baliak kanan lansuang kabur sambia mangecek malengah tangguang
> galak sengeang “ Pissss…Ibu-ibu…...Yes..Yes… !!! KAI2M…
>
>
> Salam-Jepe/Pku,
> 29 Maret 2009
>
> Catatan : Ini versi
> turunan (karangan saya) setelah Pak Emi bercerita si Monen dengan “Rano
> Karno” nah tentunya saya setelah Pak Emi bercerita perlu juga menyumbang
> lanjutannya, begitu juga dengan teman yang lainnya di mobil, saling
> sambung menyambung menambahkan..dan itu semakin heboh baik dengan gelak tawa
> yang lepas didalam mobil maupun ketika beristirahat mengopi di lapau,
> berdiri di jalanan melihat pemandangan ranah minang nan elok.
>
>
>
>
>
>
>
>
>
>
>
>
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: rantaunet-unsubscr...@googlegroups.com
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
