KISAH SI MONEN (6) Tukang Carito : Jepe
Condong mato ka nan rancak Condong salero ka nan lamak Baitu kecek urang awak, baitu pulo nan dirasokan dek si Monen, kok matonyo yo lah jaleh bana condong ka nan rancak, si Monen yo jatuah hati bana sajak partamo kali mancaliak anak gadih Pak Rano Karno (RK) nan rancak (Fallin Love at The First Sight). Gara-gara si Monen indak ba arloji, Pak RK indak satuju kalau si Monen bajodoh jo anaknyo, sabananyo si Monen ko kurang tanggap apo arati tersirat dibaliak nan tasurek alasan Pak RK ko "indak baarloji" dan inyopun gengsi lo batanyo ka Pak RK, "apolo hubungan indak baarloji , kok Pak RK indak marestui hubungan si Monen jo anak gadihnyo" Kecek "indak baarloji" ko yo dilulua bulek-bulek sajo dek si Monen apo aratinyo, dek mato condong ka nan rancak juo, kini si Monen lah pakai arloji nan malingka di tangan kidanyo. Arloji nan bamerek Mido "tabali malam" ko, dibalinyo jo panggaleh babelok di Pakan Rabaa Kampuang Tangah. Samanjak si Monen baarloji yo agak miriang bahu kidanyo senek untuak mampalagakan ka Pak RK kalau inyo lah baarloji. Kecek urang awak nan ciek lai "condong salero ka nan lamak" nampaknyo yo agak dibelokan dek si Monen, baginyo kok dapek nan salero sudah lah lamak perai lo itu kandak hatinyo.Salasai si Monen mambali jam dari jauh inyo pandang ka lapau si Gadih Pak RK jo kawan-kawan paburunyo sadang lamak maota di tangah hari manjalang luhua. "Ka makan lamak mah Pak Rk jo kawan-kawan PBB nyo, satolah waden makan perai ciek lu" kecek si Monen dalam hati sambia mairik langkah ka lapau si Gadih. Nampaknyo si Monen bia ndak ketahuan bana "balangnyo" ingin makan lamak jo perai manjalang ka lapau si Gadih inyo semba lidi panggaleh sate, tibo dilapau si Gadih nan Pak RK jo kawan-kawan PBB nyo sadang basiap-siap makan siang, dimeja lah tahidang nasi angek-angek jo samba-samba nan lamak-lamak sabuik sajo kalio dagiang, pangek ikan paweh, goreang ayam kampuang balado, uok pucuak ubi jo taruang, samba lado baasam sundai , tu talatak lo sapiriang abuih patai nan bakabek jo kajai. Sabana manjijia aia liua si Monen manjaliak samba nan lamak-lamak di lapau si Gadih ko. Si Monen lah duduak disubalah meja Pak RK sambiah mandasuih-dasuih maengkol giginyo jo lidi sate lah cando urang habih makan kanyang bana jo samba nan lamak-lamak, kadang-kadang inyo tutuik muluiknyo jo tangan kida, tangan suok bara la ka jadi lo manyukia-cukia gigi bantuak ado nan tasalek dagiang goreang ayam, tu muluik badacak-dacak stek sambia angin balasuih disalo gigi. Tangan kida si Monen nan baarloji Mido "tabali malam" dilayang-layangkanyo ka suduik mato Pak RK, katiko Pak RK jo kawan-kawannyo ka mancuci tangan untuak mulai makan siang, Pak RK mambasokan si Monen. Pak RK : Ha..Monen..mo lah makan awak...duduak lah kasiko basamo-samo, nan waang kan lah manjadi anggota PBB lo dikampuang ko Monen : Taruih lah Pak, ambo sudah makan bana Pak RK : Jaan ba baso lo Monen, Baso jauh dari kampuang awak ko Ondeee..kehabisan ide ambo haa..sanak..baa kalanjutannyo..Tolong Pak Haji Emi..kok lai bisa malanjuikannyo..bakaloborasi awak dulu di Kisah si Monen nomor 6, tunjuakan lah gaya Pak Emi maengkol gigi tu katiko kito makan nasi Kapau di Kapau jo Tunjang nan tatapak lamak tu Atau konco ambo si Ricky Miun..bisa malanjuikan..angku kan tukang carito juo Kisanak he..he..atau pasamoan sajolah lanjutannyo bantuak kito kolaborasi mambuek puisi tu....silahkan Uni Iffah, Rina, malanjuikannyo..bia ambo olah beko yo Ambo..blank bana kini ndak kosen ....dek disasakan kawan untuak hadir..acara perkumpulan alumni IPB Riau di Pekanbaru siang ko Ditunggu yo Kisanak sadonyo Wass-Jepe --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
