Waalaikum salam rangkayo Rina, baitu pulo dunsanak sa palanta.
Tarimo kasih atas masukan Rangkayo. Insya Allah ka diikuti. He....he...he.....
Hal nan disarankan dek Rangkayo sabananyo lah manjadi kabiasaan nan harus
ditampuah. Nan gorengan atau nan santan bukan hanya dikurangi tapi bana-bana
lah punyo jadwal nan ketat di diri kami. Sampai-sampai dek ketatnyo kalua pulo
dari rekomendasi. Batang tubuah nan barek 80 kg langsuang dalam sabulan lah 63
kg. Minyak nan indak dipakai-pakai tanyato mangureh lamak tubuah. Kini lah agak
mangarati, barek baansua-ansua naiak tapi tatap bastandart. Kini, buliah
dikecekan alah kalua dari mamakan makanan komunitas awak. Alhamdulillah. Tapi,
kadang-kadang taingek akan KULINER AWAK tu. Baa supayo nan kasehatan tajago
tapi NAN MAKANAN KOMUNITAS tacicipi juo, walau hanyo sakedar bantuaknyo sajo.
Misalnyo ado ndak nan banamo PERAGEDE JAGUANG BAKA, atau PARAGEDE JAGUANG
PANGGANG, tapi mamiliki sakian kcal atau RANDANG DAGIANG RANDAH KALORI nan
indak mamakai santan tapi mamanuhi kriteria urang-urang ex-CICU. Nah,
kuliner-kuliner saparti iko nan diparalukan. Walau,
ujan ameh dinagari urang, ujan batu di nagari awak (nah iko kasalahan
perumpamaan sehingga duo kali tajadi galodoh, mudah-mudahan indak tajadi lai)
awak tatap mangana nagari awak. Bilo ado kuliner-kuliner bantuak iko tolong
katangahkan di palantako yo.
Sabagai contoh, diri kami sabananyo urang nan sanang naiak turun gunuang. Tapi,
co kecek dotor...sasudah di treadmill....tu...tu...jalan dipalambek (indak lari
doh).....8 km/jam. Indak direkomendasi lari doh. Waw .................baa
supayo bisa mancaka-caka gunuang baliak. Balari diantaro urang-urang nan indak
talok balari.....Tapi, ...rekomendasi lagi...rekomendasi lagi......
Memang, walau ado rekomendasi, tapi baa caro memodivikasi agar kagiatan tu
tatap dibalakukan jo ...MAMAKAI standar kasehatan nan patuik dijago.
Sakali lai, tarimo kasih atas sagalo saran-sarannyo.
Wassalam,
Tan Lembang (L,52+)
Lembang, Bandung
--- On Thu, 4/23/09, rinapermadi <rinaperm...@gmail.com> wrote:
From: rinapermadi <rinaperm...@gmail.com>
Subject: [...@ntau-net] Re: PERGEDEL JAGUNG
To: RantauNet@googlegroups.com
Date: Thursday, April 23, 2009, 1:54 AM
Assalamu’alaikum warahmatullahi wabarakaatuh,
Pak Budiman nan budiman,
Mudah2an pernah di ICCU bisa penambah iman dan kekuatan dalam
takut kepada Allah SWT amin..
Satantangan favorite Apak jo paragede ko..memanglah..yoo..sabana
manghunjam bana kekuatan kuliner ka urang awak ko..
Fitrahnyo kuliner awak untuak awak makan jadi mamakan awak.
Ambo acok mancaliak hal sarupo ko, sudah tau tensi tinggi, malah
tampak sate kambiang lalu, bakicok juo..lansuang taduduak katiko tu juo..sobok
lo liak jo ICCU.
Bukannyo ambo nak manakuik2 I Apak, cuman ambo yo acok banyak
mamparingek I tante, abang, papa atau siapunlah keluarga atau shahabat ambo
untuk balancing dalam management kuliner ko.
Ambo bukan ahli pak, tapi ukatu sakolah dulu, ambo suko mahafalkan
kadar protein, lemak, vitamin apo sajo dari suatu bahan makanan seperti buah,
sayua ataupun hewan.
Guru biology ambo ukatu tu mengalami hal yang samo jo apak
alami, jadi liau acok bana mandorong kami untuak tau kadar2 itu.
Walaupun abang ambo seorang dokter, tapi masih juo acok tak
terkendali dalam manyanduak tambuah jo samba nan banyak..
Acok ambo pagarahan kalo lah bakumpua2 makan rami2…masih
manambuah juo jo mamasuak an potongan pao ayam ka piriangnyo, ambo kecek; biko
ayam ko mancotok jantuang abang bekoh..hehehe.. malu2 nyo atak an baliak ayam
tu..memang agak rumik untuak nan lah talanjur ka ICCU..kok didiet2kan
bana..badan lamah..bisa randah lo tensi..kok didata2kan sajo..tibo2 lah naiak
lo tensi, apolai kalo ado nan mangganja di hati sahinggo naiak tensi
labiah dari efek sate kambiang.
Saran ambo pak, kok bisa makanan nan apak makan, bisa apak
pelajari kadar2 dari suatu bahan, jadi apak sadar kalo iko baa dan itu baa lo.
Nan ambo cuboan ka papa ambo adalah tatap dipalapeh liau nak
kamakan apopun nan liau suko, tapi satalah itu kito balance kan jo juice timun
atau saladari. Bisa juo timun untuak lalapan sajo, kalo bisa ditiok sasudah
makan.
Namun untuak makanan nan basantan tarutamo santan pakek jo nan
bagoreang bakalincoan jo lado ambo kurangi, namun buliah sakali2
Jadi liau ndak talampau frustasi jo kondisi nan sagalo di
agak2 an tu.
Kalau bisa apak ganti2lah nasi jo kantang, bukankah kantang lumayan
lamak juo dari nasi..Agak duo incek nan gadang2 tun kan kanyang juo paruik.
Mulailah baraja caro urang cino untuak balance makanannyo,
contohnyo mrk suko makan vegetarian, steam ikan yg minim bumbunyo dll..sambuah
nan bisa diparajai dari mereka. Tantunyo kito ambiak nan paralu2 dikito se
hehehe jan beko kapandaian judi atau mabuak nyo iyo lo hancau kabirau ko haha.
Salamaik basahabat jo makanan sehat pak
Talabiah takurang banyak maaf
Wassalam
Rina, 32, batam
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain harap mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
