Assalamualaikum, wr.wb Sangat setuju dengan pendapat Ibu dewi dan membuat kita terperangah dibuatnya betapa tingginya tutur lisan dalam khazanah budaya minangkabau itu...
Saya secara pribadi turut mengacungkan jempol buat Sanak Yanto Jambak yang baru datang di milist ini. Gurindam ini dapat mengungkapkan perasaan dan hubungan bathin seorang kemenakan kepada Mamaknya. Hubungan bathin yang terkadang melebihi ayah kandungnya... Barangkali menjadi perenungan kita - apakah masih ada pria minang saat ini yang menjalankan peran seperti yang diungkap dalam gurindam ini, seperti yang dilakukan oleh para Mamak mamak kami dahulu.... "Mamak bukanlah urang kayo Cadiak indak pandaipun bukan Hanyo sabagai tandonyo cinto Apo nan ado nan mamak barikan Ini sebuah kenangan indah dari Mamak - mamak kami dahulu. Semoga Allah SWT menempatkan beliau disisiNya sesuai dengan amal kebaikannya yang tetap menjadi kenangan bagi kami para kemenakan... Wassalam, Evy Nizhamul bt Djamaludin (Tangerang, suku Tanjung, asal : Kota Padang) http://hyvny.wordpress.com http://bundokanduang.wordpress.com --- On Sun, 4/26/09, Dewi Mutiara <iara_a2...@yahoo.com> wrote: From: Dewi Mutiara <iara_a2...@yahoo.com> Subject: [...@ntau-net] Re: Gurindam Pusako To: RantauNet@googlegroups.com Date: Sunday, April 26, 2009, 8:55 AM Ass.Wr.Wb. Salam kenal sdr Yanto Jambak. buat saya yang tidak bisa membuat Gurimdam Minang, apalagi yg sebagus itu wah...wah sepertinya saya msh hrs belajar banyak bahasa minang apalagi dengan penuturan yg cukup halus dari mamak kakamanakan. Kita tunggu sambungannya. Wassalam Dewi Mutiara. suku Sikumbang --- On Sun, 4/26/09, yanto jambak <yantojam...@gmail.com> wrote: From: yanto jambak <yantojam...@gmail.com> Subject: [...@ntau-net] Gurindam Pusako To: "RantauNet" <RantauNet@googlegroups.com> Date: Sunday, April 26, 2009, 7:08 AM Ass,sanak palanta salam kenal dari ambo yanto jambak alias yan majoba. Dek partamo kali naiak mohon maaf sabalunnyo kok ado salah, sumbang jo gawa. Salanjuiknyo,dek cinto dan kasiah ka seni budaya minang izinkan ambo disiko sato sakaki untuak ikut malestarikan salah satu seni budaya minang nan kito kenal dengan namo GURINDAM. Mudah2an dunsanak sadonyo bisa manarimonyo, dan namuah mambari masukan demi labiah baiaknyo ambo kamuko.Wss PASAN MAMAK I Nan kanduang kamanakan mamak Buah hati ayah jo bundo Dek kamanakan cubolah simak Dangakan mamak bacurito Kok indak salah mamak mahituang Di agak agak sampai kini Takalo kamanakan ka dibaduang Mamak maliek partamo sakali Ditanggal samo bulan nan samo Sakian tahun maso dulu Dihituang sampai kiniko Indak taraso wakatu balalu Dihari baiak bulan nan baiakko Tanggal kalahiran kamanakan Mamak tulih gurindam ka ganti kado Pitih tak mungkin mamak kirimkan Mamak bukanlah urang kayo Cadiak indak pandaipun bukan Hanyo sabagai tandonyo cinto Apo nan ado nan mamak barikan Sapanjang sara’ nan mangato Di adapt ka mamak pakaikan Kok senteang bilai di bundo Kok kurang ayah ka mancukuikkan Diri mamak kok dipandangi Bukan maratok manyasa untuang Banang sahalai umpamo tali Putuih kamanakan nan ka manyambuang Walaupun mamak tanaman joloang Didalam suku tanaman tuo Tapi umpamo karambie condoang Ka parak urang jatuah buahnyo Lah kariang tanah manggadangkan Lah latieh manyiram pagi patang Hutang pupuak alun talansaikan Buah lah dulu di ansua urang Nan labieh cameh dalam hati Tantu kamanakan lah tau juo Mamak indak baranak padusi Baranak jantan surang pulo Si upiak si buyuang sinan Nan gadang nan ketek iyo Kok etek ka ditanyokan Panghulu indak ba datuak tido Tapi samantangpun ba itu Bialah mamak jo untuangnyo Tigo bulan dikanduang ibu Suratanlah sudah jo garih nyo Indak doh mamak bimbang jo ragu Sakarek indak ba hati sumbiang Kok barek bana baban di pangku Nan kamanakan ka mamak bimbiang Mamak jambokan sapanjang tangan Mamak uluakan sapanjang tali Ba itu adat ma ajakan Walau lah banyak nan lupo kini Katukuak tambah dari mamak Indak malabihi dari ayah Dek kamanakan cubolah simak Mamak ka muloi basajarah Takalo maso dahulunyo Sabalun barabalun Alun baputiek jo babungo Alun babatang jo badaun Niat tasimpan dalam hati Dirunggo dado ayah jo bundo Taruko baru ka jadi Baru sajo mangaka bijo Ayah badoa pado nan Kuaso Mandeh bakandak pado Illahi Kok layie anak nan dicito Kapangganti badan diri Diwarih nan ka bajawek Dipusako nan ka batoloang Indak dibilang jarieh jo panek Lamo jomaso indak dihetoang Kok layie anak laki laki Umpamo ameh jo parmato Ibarat cincin di jari Ka panyonsoang tamu kok tibo Ka tungkek pamanih jalan Ka karih pamaga adat Panjago warih katurunan Ka pambela dunie akhirat Kok nyampang layie anak padusi Ibarat bungo di halaman Hiasan dalam nagari Sumarak anjuang paranginan Barakat doa jo pintak Masonyo Allah ka mambari Balaku juo kironyo pintak Sambilan bulan sapuluah hari Layielah anak parampuan Sahari layie sahari banamo Namo indak ka mamak sabuikkan Tapi baa manggadangkannyo Sajak muloi turun mandi Sampai pandai jalan surang Anak pamenan patang pagi Bak cando intan bakarang Dijujuang bagai makuto Hiasan dalam kampuang Ditanai bagai gumalo Ka jadi sumarak anjuang Di asuah sikola jo mangaji Di aja adat sopan santun Dari sahari ka sahari Sampai babilang tahun Dibalikan subang jo galang Dipakaikan ameh balampih Dari ketek dinanti gadang Sampai manjadi anak gadih Kok dipandang kapado umua Kinilah masuak tujuah baleh Dari dapua sumua jo kasua Kamanakan lah patuik tau jo kameh Kamanakan mamak gadih nan jombang Sumarak anjuang paranginan Limpapeh rumah nan gadang Baitu di Minang rang himbaukan Manuruik adat di Minangkabau Sara’ mangato adat mamakai Sajak tamat mangaji di surau Umua cukuik bilangan lah sampai Lah pandai batanak jo manggulai Lah tau jo padeh asin garam Lah kameh manyapu lantai Dari lua sampai ka dalam Umpamo tanaman dalam parak Batang gadang daunlah rimbun Buah lah mangka saparo masak Mangarang bungo bak antimun Siriehlah patuik naiak junjuang Hutang di mandeh ayah jo bundo Disiko carito mamak kuduang Isuak disambuang ka tukuaknyo Banyak contoh ka mamak sabuikkan Ka jadi suri gadih Minang Adat jo sara’ ma ajakan Minggu di muko ka mamak kambang. Sampaikan salam ka ayah jo bundo Doakan mamak talakik pulang Bakumpua kito di hari rayo Karik jo kabiah samo di jalang.. (bersambuang) 01032004 Yan Majo Basa Dunsanak saPalanta sakitu dulu Gurindam Pasan Mamak ko, lain wakatu disambuang baliak. Untuak labiah langkoknyo dunsanak bisa bukak blog ambo di www.gurindampusako.blogspot.com, sakian tarimokasih.Wss --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---