Assalamualaikum ww. Nyiak Sunguik dan angku Arman nan ambo hormati. Mandanga carito lasykar padusi Nyiak Sunguik jo angku Arman tu takana pulo diambo saketek , tantang kagiatan urang padusi di Baso manjalang proklamasi dan sasudah itu. Ambo acok bana kanai bangih dikakak karano ambo acok macilok makanan nan sudah dibuek , ambo dikabek dikuruang di asrama Lasymi tampaek urang laki-laki rami-rami tu . Kabatulan rumah urang gaek ambo tampat bakumpua-kumpua urang gadih-gadih sangkatan jo kakak ambo , yaitu dibawah Baringian Anam di muko sikola SD jalan kamusajik Baso di suduik pasa Baso tu bana, mungkin lai ka tabayang di Nyiak Sunguik
Kagiatan urang gadih-gadih di Baso lah mulai sajak Japang kalah , mulo-mulo parkumpulan baraja mamasak jo ibu ambo, kamudian baraja majaik , tarakhir adolah kagiatan Palang merah , namo parsatuan nyo Lasykar Muslimat anggotanya kiro-kiro 30 urang,ampie tiok hari ado kagiatan tampak diambo . Disabalah rumah urang gaek ambo tampat bakumpua Laskar Muslimin ( Lasymi ) anggotanyo urang laki-laki labiah banyak karano dari lua Baso ado nan bagabuang , misanyo dari Sumarasok, Kampeh, Sungai Janiah , Kotobaru Salo. Sasudah proklamasi satiok bulan ado nan dikirim ka Padang/Lubuak Alung untuk ikut gerilya malawan tantara Bulando , sampai agresi nan kaduo tahun 1948. Babarapo kali nan pulang dari Padang tu dalam kadaan luko-luko kanai tembak antaro lain mak Wahid, mak Karini , Muh. Zen, Djamaan dan banyak nan lain langsuang dibao kakampuang masing-masiang . Di Padang Tarok waktu itu lah tasusun dalam bantuak satuan tantara sarupo kini yaitu Batalyo Panah Baracun dipimpin mak Dt. Bandaro Itam . Dirumah urang gaek ambo hasie masakan Muslimat tu dibarikan ka Lasymi sarupo dapua umum satiok habin babarih dan balari . Ambo acok disuruah-suruah . Cuma ambo indak tahu hubungan antaro Lasykar Muslimat di Baso kalua , anggotanyo nan takamuko waktu itu antaro lain ; Jahiyar , Djaorah , Nurhayati,Kartini , Itu nan takannyo Nyiak Sunguik Wassalamdari ; Inyiak Lako . --- Pada Kam, 14/5/09, sjamsir_sjarif <hamboc...@yahoo.com> menulis: Dari: sjamsir_sjarif <hamboc...@yahoo.com> Topik: Bls: [...@ntau-net] Re: Paninggahan, Nagari Wajib Berpakaian Muslim Kepada: rantaunet@googlegroups.com Tanggal: Kamis, 14 Mei, 2009, 5:09 PM Kenangan ambo manganai "Padusi Basarawa" ko malayang ka Kampuang waktu 1945-46 waktu semangat perjuangan menegakkan Kemerdekaan iyo bana sadang tabudua di Kampuang Awak. Tampak-tampak tabayang di ambo uni-uni ambo babarih jo semangat tabudua latihan-latihan. Salah satu anggotanyo di Biaro Ampek Angkek wakatu tu Uni Sjarifah kamanakan ayah ambo sandiri. Sasudah kedaulatan kami terpisah. Baliau pindah-pindah ka Aceh dan sudah tu tingga di Jakarta. Puluhan tahun sasudah itu, ambo basuo dan banostalgia kenangan kampuang wakatu ketek, tasabuik diambo "Puteri Kesatria". Baliau takajuik, eh lai takana di Sjamsir Puteri Kesatria mah yo. Iyo, kecek ambo, baa ka indak, "Puteri Kesatria, Padusi Baszarawa!" Baliau tagalak dan kami bacarito maslah Kampuang wakatu ketek-ketek. Indak tahu ambo satantangan Puteri Melati. Nan takana jaleh di Kampuang cuma Barisan Puteri Kesatria tu. Kamudian di Kampuang-kampuang lain ado namo-namo kesatuan nan babeda-beda, tapi alun tampak di ambo urang manulihnyo atau mandanga carito-carito dari Kampuang lain. Carito angku Arman Bahar manganai kenangan Bu Juz Azwar *) dan Ibunda AngkuArman Bahar tu mambuek kito maanjurkan ka Rang Lapau kok ado carito-carito maso perjuangan itu dikatangahkan saketek-saketek. Sakadar nanlah angku cogokkan di lapau kini ko, rancaknanti disambuang dengan carito paibadi pribadi ibu. Itupun manggili banak ambo pulo untuak marecall (mengenang kembali) maso-maso itu. Salamo ko dalam postiang nan baserak-serak di Rantaunet labiah banyak manganai Maso PRRI karano masonyo labiah relatif dakek dan perjalanan-perjalanan nan ambo lakukan wakatu itu mambukakkan mato ambo ka liku-liku Kampuang Halaman nan ambo hayati salamo 1958-61 tu. Sakadar mancari-cari Peran Wanita dalam Perjuangan tamoak pulo ado Puteri Kesatria di Malaya. Artikel di bawahko mahubuang-hubuangkan peran wanita di Malaya dan Indonesia, istimewa Sumatera Barat. http://unesdoc.unesco.org/images/0005/000567/056791EB.pdf Salam, --MakNgah *) Postiang ambo di Lapau saketek manganai Bu Jus dapek pulo ditalusua dan ado pulo tasimpan di Cimbuak. Kok angku Arman ingin mancaliak ado gambar kami tahun 1985 silakan hubuangi ambo di Jalua Paribadi. --- In rantau...@yahoogroups.com, arman bahar <armanba...@...> wrote: > > Assalamualaikum ww > > > > Kalau Lasykar Putri Melati dima basisnyo mak, mungkin mamak bisa berbagi > informasi? > > > > Istri Azwar Anas tamasuak ibu ambo wakatu gadih2 saisuak anggota Lasykar > Melati, manuruik beliau tugas no sajak Lubuak Aluang hinggo sekitaran > Bukiktenggi ko > > > > Beberapo tahun lalu waktu kami sadang barado di Panorama Benteng > Bukiktinggi, ambo dengan takjub mandanga beliau ber-nostalgia, "di-siko-lah > dulu kami sajak dari Balakang Balok sampai ka Benteng ko latihan tantara > > > > Latihan merayap keatas dari bawah jurang samping benteng taruih menuruni > sisi jurang lain-nya bahkan dengan ber-guling2 bagai dan harus sampai > didasar jurang lain-nya dalam aba2 hitungan, kok indak sigap tantu kanai > hariak dek kumandan latihan, itulah kaji nan biaso dan tetap penuh semangat > juang, merdeka atau mati > > > > Manuruik beliau, pernah pulo jadi intel daerah Sicincin, jadi perawat palang > merah Padang Panjang pun pernah, bahkan tugas dapur umum juga > dilakoni termasuk menyamar sebagai penggalas sayua dan minyak manih > sekalian belanja keperluan dapur umum di pasar kiktinggi > > > > wasalam > > abp > > > Pada tanggal 14/05/09, sjamsir_sjarif <hamboc...@...> menulis: > > > > > > Dahulu tahun 1945 mulo Revolusi, kakak-kakak ambo di Biaro Ampek Angkek > > bagabuang dalam barisan perjuangan kemerdekaan nan banamo Puteri Kesatria. > > Umumnyo anak-anak gadih kampuang ko dari Sikola Agamo. Untuak latihan mereka > > babarih-barih, mareka pakai Sarawa. Kami nan ketek-ketek bagurindam: > > > > Puteri Kesatria > > Urang Padusi basarawa ... > > > > --MakNgah > > > > --- In rantau...@yahoogroups.com, Reni Sisri Yanti <resy_2000@> wrote: > > > > > > dikampuang kami, gurun sungai tarab,dr duo bulan yang lalu satiok pai > > baralek induak2 jo anak gadih dilarang pakai sarawa panjang, jadi harus baju > > kuruang samo rok panjang atau kain.... > > > > > > renny,ancol > > > > > > --- On Thu, 5/14/09, zul amri <amry1948@> wrote: Menambah banyak teman sangatlah mudah dan cepat. Undang teman dari Hotmail, Gmail ke Yahoo! Messenger sekarang! http://id.messenger.yahoo.com/invite/ --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
