Waalaikumsalam w.w. Rina, Datuak, jo para sanak sapalanta, Sasudah mambaco pangalaman Rina jo Datuak, ambo mulailah mancaritokan pangalaman ambo wakatu ketek saisuak. Wakatu tu umua ambo sakitar 11 tahun, tahun 1948. Masih sikola di Sekolah Rakyat, SD caro kini. Tugas ambo sahari-hari, pagi sampai siang, sikola, sudah tu mangaji sampai kiro-kiro pukua 16:00 di surau ketek di balakang Thawalib Padang Panjang. Baliak mangaji langsuang pulang mambantu Mak ambo manyiapkan lamang sipuluik untuk ambo antaan ka lapau dini hari bisuaknyo. Pado hari nan ambo curitokan ko, katiko giliran ambo alah salasai mangaji, ambo jo kawan-kawan pai ka balakang surau itu mamanjek paraweh, jambu bol caro kini, nan sangaik ambo sukoi wakatu ketek. Batang paraweh itu tumbuah di pakuburan. Ambo paliang suko mamanjek, indak takuik bagai doh. Batang paraweh nan ambo panjek sore itu agak tinggi, tapi buahnya gadang-gadang dan alah masak. Ambo ingin bana maambiaknyo. Kawan nan ambo ajak alah dapek nan dikandakinyo dan maajak ambo baliak capek-capek, tapi paraweh nan ambo nio alun dapek lai. Ambo taruih sajo mamanjek, sadang hari alah baransua sanjo juo. Sasudah dapek paraweh nan ambo nio, maluncualah ambo turun. Persis katiko ambo manjajak tanah, langsuang ambo maraso diimpik urang, barek taraso dek ambo. Tapi nan maimpik ambo indak ado bantuaknyo doh. Ambo cubo tagak, tabantiang ambo baliak ka tanah. Kawan nan ambo ajak alah cigin pai dulu. Baitulah tiok ambo tagak, tabantiang baliak karano taraso ado nan maimpik ambo. Ambo masih sadar, masih bisa bajalan,, masih bisa mancaliak, tapi indak bisa mangecek lai. Tibo di rumah, saparati biaso ambo bausaho mandakek ka Mak ambo, tapi ambo masih indak bisa mangecek, dan indak bisa manggarikkan tangan. Badan ambo masih taraso barek dek diimpik antah sia, indak ado bantuaknyo doh. Tantu sajo Mak ambo heran, karano ambo indak mambantu baliau sarupo biaso.Langsuang Mak ambo maimbau Anduang ambo, Siti Fathimah, sambia mangatokan: "Mak, baa si Saf ko ha?". Anduang ambo Siti Fathimah sasudah mancaliak ambo langsuang mangecekkan bahaso ambo 'tasapo'. Anduang ambo tu lalu maambiak bareh sipuluik dan mangunyahnyo jo kunyik. Sasudah tu, ambo disuruah batilanjang gegek, dibao ka pintu muko, lalu disambua dek baliau. Sasudah disambua Anduang ambo tu badan ambo langsuang taraso ringan, mato mangantuak, dan takalok sampai pagi kalatiahan. Apo kolah nan maimpik ambo tu? Roh? Setan? atau hantu? Antahlah. Walau indak ado babantuak, tapi nan jaleh ambo diimpiknyo, bakalukuran ambo sampai di rumah, dan indak bisa mangecek. Apo katarangannyo tu Buya Mas'oed?
Wassalam, Saafroedin Bahar (L, masuk 72 th, Jakarta) --- On Fri, 5/15/09, Datuak Arifz <arif_...@yahoo.com> wrote: From: Datuak Arifz <arif_...@yahoo.com> Subject: [...@ntau-net] Re: Fw: OOT: Sia nan panah sacaro pribadi basuo jo roh, hantu, atau setan ? To: "RantauNet" <RantauNet@googlegroups.com> Date: Friday, May 15, 2009, 8:28 AM Waalaikum salam Pak Saaf dan sanak di palanta, ....nah mungkin tabukak puro pangalaman iduik nan lamo...biasonyo kito dapek carito dan pangalaman wakatu maota sambia manuggui mayik tabujua tangah rumah , ota di lapau....dan di rantau... Banyak carito tantang rang bunian, antu dan panjadian nan ambo danga dari urang disekitar ambo sajak kaciak di kampuang (kko=kaparak kaladang oke) sampai tapasah di beberapa rantau...ruponyo namo dan model/type penampakan nyo sasuai jo daerah dan kebiasaan di tampek nyo badomisili.... dikampuang ambo..panampuang ujuang...ado parik panjang nan bamulo dari banda simpang canduang sampai lurah panampuang panjangnyo kiro kiro 2.5 km dalamnyo antaro 5m-20m , lebanyo 5m-20m....sapanjang tapi dan dalam parik dari mudiak sampai ka ilia banyak dimanfaatkan rangkampuang untuak sumber aia sumur, tapian tampek mandi, manyasah, tabek, sumber kayu api...nan saisuak karano urang alun bi basumua surang di rumah....katiko subuah lah banyak nan antri.....biasonyo..panganten baru...agak jagai pai ka parik ko...karano mungkin 'malu' basuo jo rang kampuang....ari kalam picik lah pai ka parik....nah wakatu itu lah acok basuo jo panjadian...bisa baujud..Nyiak Balang, Nyiak Kumbang (arimau itam kumbang), atau urang aluih sadang mandi...tangaran suaro aia..batimbo timbo... ambo panah juo basarobok jo panjadian nyiak balang di tapi parik ko... kalau musim paujan rinai acok galabece manari basiayun di tangah ladang dan jalan kampuang langang..apo lai ujan rinai katu mugarik tibo......dulu di muko sempe simpang canduang nan paninggalan bulando tu ambo basuo jo antu katidiaang manggolek golek...kaja mangaja....tangah kalam picik... dulu di parumahan kampuang ado batang durian gadang disamping surau..mako urang manyabuik surau bawah durian dan di muko pusaro pandam pakuburan kaum sikumbang.....dari dalam rumah acok kami paratian...urang bajalan dari mudiak kailia pas dimuko rumah...acok tagareak gareak katapi banda....atau balari kancang pas di dakek pusaro....eeee yai yai....ambo paratian taruih ..kironyo ado antu galambai barayun ayun seakan akan basikaja di batang durian....mungkin iko nan mambuek urang lari mancuru. katiko maunyian parak lado di dangau..inyiak acok mambao nasi sasayak,garam sasudu...biasonyo balatak an di tapi parak....ado kalonyo dimakan binatang, mancik atau anjiang...tapi kalau indak dimakan dan ado 'tando' lain mako kadan picayo ado cindaku nan sadang tibo...cindaku bajalan tagak...bantuak urang dalam ujud arimau...dan biaso tasuo juo wakatu ...malam pai manyuluah baluik kasawah....acok di'bari' duo tigo ikua diumban kan ka inyo... ....kadang tiok taragak 'basuo' ado sanak kami dari tapian batang kampar nan lah pai. acok 'manyilau'....sasuai pasan uwo..bilo ado nan manggauik dindiang dimalam kalam picik angin baribuik tanang....rancak di barian nasi sasayak....kadang lai nyo 'datang' juo bilo kami lah dikampuang... didaerah jatiluhur purwakarta ado panah ambo tasuo jurik dalam babagai rupo, mungkin banyak urang siko nan minta ka inyo... dipedalaman kalimantan banyak juo ambo danga carito tantang antu dan kesaktian urang dayak...alhamdulillah sampai kini lun tasuo diambo....semoga di jauhkan Allah ta'ala. wakatu pai sikola baraja mambuek oto prah (Steyr Truck,.. M.A.N Truck) di kota Steyr, Austria , banyak juo carito tantang hantu hantu nan acok di tangkap kamera warga setempat...umumnyo di kastil kastil dan gareja lamo..nan dibawah tanahnyo ado pinjaro... baitu pulo katiko ambo pai sikola mambuek oto cigak baruak Renault di pinggiran ka kota Caen diperbatasan France with Germany ...di siko banyak kuburan tantara nan wafat katiko parang dunia 1 dan 2...ado musium dan diorama...dalam kandang musium masih banyak tangkurak..tulang dan karangko manusia baserak serak...katiko turis tibo...di puta pilem tantang parang dunia, penyerbuan German, pertahanan sekutu....dari carito pandatang..acok batamu hantu hantu nan mati tasapik...kanai seso...marauang-rauang..etc... ....kalau di paris ambo dapek carito banyak...tantang hantu dari penyiksaan sabalum renaisance....untuang indak tasuo ..antu dalam jalan bawah tanah bakelok kelok di bawah kota paris.....nan ambo garik an jiko ado ado galabece basiayun di manaro eifel...untuak nan tasuo hanyo salon di ateh menara ko..:) ....nah di singapura jo KL ado juo ambo danga carito antu ko, mungkin kini sakitu dulu....nah ota tantang silek arimau panutuik kaji di laman surau.. dan palasik kuduang...agak nyo menarik juo...kito tunggu dari sanak nan lainyo.. wassallam, Datuak Arifz, 38, baliakpapan. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---