Assalamualaikum W.W, ...postingan Ungku Saf ko mangana-an ambo jo pengalaman ambo basuo jo "roh" Almarhum Ayah ambo. Nan sa ingek ambo 2 kali ambo basuo jo baliau. Sangenek tantang almarhum, Ayah ambo dijapuik Allah SWT (tahun 91) di lauik pagai/ sipora wakatu manjalan-an tugas baliau jadi mantari disinan, sampai kini kami ziarah kalauik karano jenazah baliau ndak basuo.
Nan partamo, istirahat pulang sikola (ambo di SMAK padang, Juanda) sudah sumbayang dzuhur ado nan Assalamualaikum di pintu kamar kos ambo, ambo jawek dan ambo buka pintu, ruponyo Ayah ambo dimuko pintu, ambo takajuik biasonyo kami basuo kalau ndak di hotel atau di taman bacaan di pasar raya (baliau manalepon dulu ka sikola/ tampek kos ambo sabalun taruih ka piaman dari pagai). Kami bacarito tantang kondisi kami nan bajauahan, Amak jo adiak2 ambo wakatu tu masih di kajai, kampuang dalam. Lamo kami bacarito, dek baliau ka lansuang ka piaman ambo titip salam ka Amak jo adiak2 ambo. Dek karano ado lagi pelajaran siang, ambo baliak ka sikola, sampai di kelas ambo dipanggia dek guru ka kantau karano ado tamu, ruponyo kawan Ayah ambo. Baliau manyampaian kapatang sore Ayah ambo alah mandahuli kito, di guluang ombak saat tugasnyo. Alah dicubo mancari sampai siang ko alun ado perkembangan. Sadonyo masih berharap baliau masih bisa ditemukan. Disinan ambo tatagun, baru siang ka barangkek sikola tadi ambo basuo baliau dan ambo iyo agak taguncang wakatu tu dan ambo pingsan. Nan kaduo, hari partamo ambo karajo di Jambi, tungkal ulu (tangah taun 93). Ambo ndak tau apokah iko ambo sadar atau mimpi, habih sumbayang Maghrib, ambo mangalai2 sekalian manunggu kawan datang ka pai makan malam. Ado nan manokok pintu Assalamualaikum, ambo jawek dan buka pintu, Ayah ambo jo "sunguik" khas nyo dimuko pintu, ambo iyo takajuik dan Ayah ambo mangecek-an inyo jo kawannyo datang dan manunggu di pasa (memang banyak urang awak dipasa tu). Banyak nan kami carito-an. . Antah bara lamo kami bacarito Ayah ambo nampaknyo tasasak ka pai karano ditunggu kawannyo, dan InsyaAllah kito basuo bisuak. Ndak barapo lamo, ado nan manokok pintu Assalamualaikum, kawan ambo rupunyo. Nyo kecek lah lamo iyo manokok2 pintu dan disangkonyo ambo ka musajik (Isya) atau alah barangkek duluan. Tantang iko baru ambo sadar bahwa Ayah ambo nan basobok tadi alah almarhum. Ambo juo ndak tau apokah tadi ambo mimpi atau sadar basuo baliau? Itu nan dapek ambo carito-an dipalanta ko satantang kisah basuo jo "roh". Wassalam, Erizon (35+, KOTO, Kajai Piaman), JKT -- Please do not print this email unless you really need to. “Think Green“. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---