Assalaamu'alaikum wa rahmatullahi wa barakaatuhu Ambopun rasono alah panah pulo bacarito. Sakali wakatu ambo shalat isya surang di mushala. Biasono kami shalat batigo - barampek urang di mushala tu. Nan katiko itu alah dinantian agak lamo indak kunjuang ado kawan tibo. Mako shalatlah ambo surang, sasudah qamat surang. Shalat jo bacaan dikarehan (shalat isya). Sadang mambaco fatihah, di antaro duo ayat, tadanga bunyi jari dipalapik-an urang satantangan pungguang ambo, cukuik kareh. Ambo tatagun sabanta. Sabab indak ado tadanga bunyi pintu tabukak sabalun itu sadangkan bunyi jari balapik itu haqqul yakin sabab kareh bunyino. Ambo taruihan shalat, jo bulu kuduak agak maramang. Sasudah salam ambo caliak indak ado sia-sia doh.
Ambo caritoan ka surang kawan. Kecekno ka ambo, itu alun bara lai tu. Ado kawan ambo shalat surang sarupo angku tu pulo, katiko sasudah mambaco waladhdhaaaalliiiin... ado nan manyauik amiin di balakang jo suaro parau. Sasudah salasai dicaliak indak ado urang pulo do. Sia du? Ambo bakyakinan nan bahaso nan sato shalat jo ambo tu adolah jin. Jin Islam nan mangarajoan pulo shalat sabab awakno iyo diparentah Allah untuak itu. Mukaluak haluih nan ado barinteraksi jo manampak-an diri ka manusia, maagiah tando, manolong manusia kalau bukan jin adolah malaikat. Itu nan ado di dalam pamahaman Islam. Malaikat panah manolong parang urang-urang bariman malawan kaum kafir. Acok carito sarupo iko tadanga. Di Ghaza katiko parang babarapo bulan nan lapeh ado carito tentara Israel lari lintang pukang jo tank nan dikanadaraino sabab ado tantara babaju putiah indak talok dipiluru.. Wallahu a'lam. Carito nan samo kalua dari medan pertempuran di Afghanistan. Dari musajik Al Fatah Ambon katiko tajadi konflik disinan. Jin ado di Quran nan jadi pasukan nabi Sulaiman. Sadangkan jin ko ado nan bakawan pulo jo urang-urang nan ingka kapado Allah. Manjadi kaki tangan, manjadi khadam kapado urang nan amuah bakolaborsi jo jin ko. Urang nan amuah baganti jo jin nan ingka digiriang jin untuak sato manjadi igka. (Baco surek Jin, surek ka 72 al Quran). Jin ko lah nan acok mampadayo manusia jo bamacam-macam kanampak-an, nan manyababkan hati samantaro manusia ragu-ragu. Itulah nan awak sabuik jo istilah 'hantu'. Kadang-kadang awakno manyaru / manyamar sarupo urang nan alah mati bagai, mako manyangko pulolah manusia bahaso ado ruh urang mati baliak baurusan jo urang hiduik. Padohal ruh urang mati tu indak baurusan lai jo urang hiduik, sabab awakno barado di alam nan lain disisi Allah SWT nan dimensino indak samo jo alam awak nan hiduik ko. Wassalamu'alaikum -- Muhammad Dafiq Saib St. Lembang Alam Suku : Koto, Nagari asal: Koto Tuo - Balai Gurah - Bukit Tinggi 58 th / Jatibening - Bekasi 2009/5/15 sjamsir_sjarif <hamboc...@yahoo.com> > > Assalamualaikuam warahmatullahi wabarakatuh, > Angku Saaf sarato Rang Lapau nan Basamo, > > Sabananyo alah ambo caritokan dalam manjawab tanyo nan samo wakatu Rina > dari Batam mananyokan masalah "Urang Bunian". Iyo alun panah ambo pribadi > basuo lai jo atau manampak nan gaib-gaib tu. Ula gadang lah basuo, badak lah > basuo, acek lah banyak nan mamantak batih, Inyiak dakek jo awak, kok basuo > lai baliau mainda. Karo jan disabuik lai. Puluhan karo datang main-main di > ateh kayu rimbo di ateh dangau kami tiok hari kalau lah wakatu luhua. > Pokoknyo kami mungkin lah dianggap kanti dek para margasatwa tu. > > > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---