Assalamualaikum Sanak Yanto Jambak, Mambaco gurindam Sanak, tagalak2 surang ambo. Ambo iyo salut jo kemampuan literer Minangkabau Sanak. Banyak kato2 dalam gurindam di bawah sabananyo lah arkais, jarang dikatahui lai dek urang Minang kini (tamasuak mungkin sanak2 nan duduak di lapau ko). Karya2 Sanak ko tantu baguno untuak duo hal: 1) melestarikan kosakata2 Minangkabau nan lah arkais; 2) menambah khazanah sastra Minangkabau. Ambo sarankan Sanak Yanto mangumpuakan sagalo tulisan ko. Sia tahu nanti bisa dijadikan buku. Pilah-pilah manuruik judul dan tema. Kalau lah cukuik kiro2 ciek buku, beko ambo basadio maedit bahasonyo (sabab ambo liek kadang2 penulisan awalan jo kata depan masih acok salah). Kok penerbit tantu bisa kito cari. Urang Minang banyak nan kayo balindak. Untuak mambali oto pitih banyak, maso untuak manamabah body of knowledge mengenai kebudayaan Minangkabau indak ado pitih. Taruihlah bakarya, Sanak Yanto Jambak. Ambo tunggu postingan gurinda Sanak barikuiknyo. Wassalam, Suryadi
--- Pada Jum, 22/5/09, yanto jambak <yantojam...@gmail.com> menulis: Dari: yanto jambak <yantojam...@gmail.com> Topik: Re: Bls: [...@ntau-net] Re: GURINDAM PUSAKO Kepada: "RantauNet" <RantauNet@googlegroups.com> Tanggal: Jumat, 22 Mei, 2009, 7:47 PM Ass.Ambo tatariak sakali apo yang disampaikan babarapo dunsanak kito, tentang pemakaian bahaso kito dipalanta yang kadang kadang rasonyo agak jangga tadanga ditalingo tarutamo dengan bahaso bahaso yang lah dicontohkan..namun dibaliak itu tantunyo kito juo harus menyadari begitu banyaknyo ragam bahasa kito yang menganduang pengertian nan samo..dikesempatanko ambo mancubo menyampaikan bahaso bahaso nantun dalam bentuk gurindam. yg ambo bari judul Samo bapikia (Palanta IV) salam dan tarimo kasih ateh sagalo tanggapan dan sanjungan dari dunsanak tantunyo. SAMO BAPIKIA ( palanta IV ) Jikok diagak jo dipikia Satiok insan di dunia Mungkin lah untuang jo takadia Watak jo sifat ganjia ganjia Ado CADIAK ado nan PANDIA Ado BIJAK ado nan GALIA Walau jaraknyo bagitu ampia Bak cando ampiang jo karambia Nan CADIAK pandai main ayia Tau dima nan lincia Walau ka bara gadang banjia Nan badan capek dipinggia Mambuek umpan di ujuang kayia*1 Kadang kadang jo buah sampia Buah anau buah tandikia Takicuah juo ikan mujayia Akanyo labiah dari kancia Tau jo bunyi uwia uwia Tau bana nan bunyi badia Pandai ma ilak jo manyingkia Trik santiang taktik nyo mahia Indak ameh bungka nyo kilia*2 Abih dindiang ganti jo tadia Layia lapuak ganti jo tabia Kok nan BIJAK ikaranyo mulia Mangaji batin jo lahia Tau di sah dengan batia Sabalun awa mangana akhia Mambagi sasuai mahukum adia Tau di sumpah dengan satia Jaleh jo urek ka takilia Tau dima nan kalimusia Ibarat puyuah indak bajangkia Tau jo tampek ka batinggia Jaleh pilatiang ka malapia Tau bana samak nan ganjia Walau ka bara kuca kacia Lari ka mudiak lari ka hilia Tatapnyo tabang tabang ampia Ingek jo talua ka ta icia Sa ukua sadah jo gambia Disinan siriah manyirah bibia Babeda salendang jo talisia Nan ma kamanjarek lihia Kok PANDIA acok tasialia Tagaliciak tagalincia Badan gadang jalan gabia Bantuak anak alun balia*7 Samo sajo tadah jo cipia*8 Indak babeda teko jo cangkia Kadang lah jaleh itu karayia Masihnyo rameh nyo amia amia Kok condoang indaknyo tumpia Lah jaleh tagak nyo jungkia Main tungok main tuwia*9 Dima indak ka tasungia Banyak karajo nan mubazia Kakok banyak ndak ado hasia Dek kurang jalan kincia kincia Umpamo bendi ndak ba kusia Karajo sibuk monda mandia*10 Bak cando kureta lansia Ka mudiak kosoang ka baruah nihia*11 Indak bapanumpang jo pasisia Samo sajo sasak jo samia*3 Indak babeda bisua jo kutia Indak balain gombak jo kuncia Samo sajo karambia jo bungkia*4 Kok disabuikkan nan GALIA Laku bak cando kuciang ayia Muluik busuak muncuang anyia Parangai bak gatah cayia Bajanji biaso mungkia Dilua pakek didalam ma ilia Dilua licin didalam ba ulia*5 Tingkah sasek laku jaia*6 Ba hutang jarang mambayia Pitih banyak tapi kikia Ma agiah pantang mamintak tagia Parangai bak cando kuwia Nan jauah nyo pa ampia Lah dakek nyo gutia gutia Lah dapek nyo pipia pipia Urang talengah masuak kampia *: 1=kail 2=asah 3=tampek manjamua 4=santo 5.= ulir 6=jail 7=balig 8=piriang 9=towel 10=mondar mandir 11=nihil 12=sifat Lidah tajam muncuang nyinyia Gilo cimeeh jo mancibia Mabuak mangieh jo manjijia Suko manyingguang jo manggisie Harato banyak mangaku fakia Mangaji santiang lupo zikia Mungkin kah iko nan urang kapia ? Nan jaleh tantu bukan galadia Tulisan nangko kok manyindia Masuakkan sajo dalam buntia Banamkan dalam pasia Indak usah di cukia cukia Jan pulo ambo dibuek mangigia Apo lai sampai ta usia Ambo nan bukan busuak pi ia*12 Hanyo bahaso nan ambo ukia, 21052009 yantojam...@gmail.com Gurindampusako.blogspot Berselancar lebih cepat. Internet Explorer 8 yang dioptimalkan untuk Yahoo! otomatis membuka 2 halaman favorit Anda setiap kali Anda membuka browser. Dapatkan IE8 di sini! http://downloads.yahoo.com/id/internetexplorer --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---