Batandiang lah lai rang lapau. Anjuangkanlah layang2 masiang2. Tapi sportif, jan pakai banang kaco. salam, suryadi
--- Pada Kam, 4/6/09, Ramadhanil pitopang <pitopang...@yahoo.com> menulis: Dari: Ramadhanil pitopang <pitopang...@yahoo.com> Topik: ANJUANGKANLAH LAYANG_LAYANG TU LAI: [...@ntau-net] Election of NEW Presiden Kepada: RantauNet@googlegroups.com Tanggal: Kamis, 4 Juni, 2009, 6:01 PM Assalamualikum Wr.Wb. Ndak lamo laiakan ado pertandingan layang-layang di nagari kito Indonesia, untuak mamiliah layang-layang nan ma nan ka MANANG, "Paliang tinggi jo Tagak Tali", nan bisa manyasuaikan jo angin kancang nan katibo sarato Kalau ndak salah hanyo 3 sajo layang-layang nan ka batandiang : 1. Nan Nomor Ciek, Warna karatehnyo MERAH, kalau dicaliak jo dipatuik, layang-layang iko tamasuak "FAT BOTTOM GIRL", Barek katandan (maminjam istilah dunsanak JEPE Manuruik analisis dunsanak JEPE, layang-layang tipe "FAT BOTTOM GIRL" iko, lenggoknyo sajo nan labiah, tapi susah "Tagak Tali" atau manjadi paliang tinggi. Alah panek urang dek MAHAROK supayo naik tinggi jo tanang, Kadang alah habih pulo pitih, tajua harato pusako dek inyo untuak pambali "banang, karateh, jo pancari batuang nan rancak" namun beliau Iko "Maenggak-enggak sae" karajoe di bawah. Antah bilo ka tinggi jo tanang. 2. Nan Kaduo, tipe layang-layangnyo "GADANG LUNGKANG", BINGKAI GADANG, lungkangnyo gadang pulo. Warna karatehnyo BIRU langik. Manuruik urang nan tahu, layang-layang tipe iko capek dapek angin, karano bingkainya gadang, tapi kakuranganyo harus dinaiakkan jo banang nomor 120, atau jo banang Tetoron karano tanagonyo kuek. Layang-layang bantuak iko barek juo untuak "tagak tali" jo tinggi, Apolai KALAU datang ANGIN KANCANG, susah urang nan manaikan dek inyo, karano Layang-layang iko paliang capek PUTUIH. Nan susah Alun tibo maso panilaian (di Ponten) dek juri lai, baliau iko alah putuih dibawok angin limbubu. 3. Nan nomor 3 Layang-layang Darek nan Sempurna, kok lungkang sadang, ukuran badan jo tandan sasuai, warnanyo KUNING, sarupo pulo jo warna bendera "LUHAK NAN TUO"/ Tanah datar di Minangkabau". Manuruik urang nan pamain layang-layang, tipe iko capek manyasuaikan diri jo angin. Apokah angin kancang atau limbubu, namuah pulo di LORO panjang, apabilo di egang dek nan manaikan "Namuah inyo Tagak Tali jo Tinggi. Jadi...Untuak dunsanak nan kamaanjuangkan layang-layang iko, PILIAHLAH NAN SASUAI JO DUNSANAK HATI, indak dipaso do. Tapi kok INGIN JO LAYANG NAN RANCAK, NAMUAH TINGGI JO TAGAK TALI, SARATO TAHAN JO ANGIN LIMBUBU" iyo layang-layang nomor 3 tadi. Tantunyo diharokan dalam pertandingan iko indak ado urang nan mantiko, misalnyo maegang "Tali Tarajuik" layang-layang urang ka suok jo ka kida supayo "EREK', baputa-puta layang urang dek inyo, atau maagiah SADAH supayo banang urang capek putuih. Wassalam, Ramadhanil Pitopang Lk-45 thn, samantaro di Dublin --- Pada Kam, 4/6/09, Jupardi <jupa...@anugrah-mgt.biz> menulis: Dari: Jupardi <jupa...@anugrah-mgt.biz> Topik: [...@ntau-net] Masih Seputar Layang-Layang Darek Kepada: RantauNet@googlegroups.com Tanggal: Kamis, 4 Juni, 2009, 4:03 PM Masih Seputar Layang-Layang Darek Assalamualaikum Wr Wb Dunsanak Panatan RN yang Mulia Khususnya buek Pak Ramadhanil Pitopang (RP) di Dublin Pak RP ambo lah baco carito dan ulasannyo samalam di rumah melalui akun email yahu ambo tantang babagi carito seputar layang darek, sebuah bentuk permainan tradisi di ranah kito nan bukan sajo digemari anak-anak remaja tapi juo urang mudo dan nan gaek-gaek sampai kini, malah iko lah manjadi gengsi antar kampuang dari nagari kito katiko ado lomba layang darek tarutama di 17 Agustusan atau musim alang-alang dikampuang biasonyo sahabih musim panen padi atau musim kamarau tibo. Molah kito tuntaskan bana caritonyo layang-layang darek ko dan tarimo kasih lah babagi dari Pak RP pengalamannyo dikampuang jo layang darek. Bagi ambo yo buliah dikatokan sakatek banyak tahu bana secaro detail tentang layang-layang darek ko, karano ambo ketek-ketek diantaro baradiak kakak paliang suko pulang kampuang apokah pulang kampuang ka Bako maupun pulang kampuang ka rumah mande ambo nan jarak kaduo kampuang ko badakean sajo. Dek badakean kampuang Ayah Bundo ambo ko nan bajarak sekitar 2 Km , takana lo carito urang gaek laki-laki ambo saisuak manjadi marapulai, katiko inyo dijapuik keluarga anak daro bararak ondeh yo tabik karingek papa ambo bajalan kaki pai karumah anak daro bararak, istilahnyo sabana balambah katiaknyo dek karingek ha,ha,,ha, tapi disinan lo “heboh”nyo baralek jaman saisuak nan sabana dirasokan bararak bajalan nan cukuik jauhko sambia diguguah talempong pacik. Bebeda mah jo jaman kini walau dikampuang juo urang bararak marapulai jo oto sedan nan rancak ba AC Dingin sabana sanang hati Marapulai kini mah dek kondisi bantuak iko, paliang kok bararak juo ambo paratikan tapi labuah ka rumah anak daro baru marapulai diturunkan dari Oto Sedan tu baru bararak agak 50 meter dampaknyo lai indak balambah bana jo karingek katiak Marapulai masih harum juo tabaun dek anak daro katiko basandiang ha..ha..ha, tapi nampaknyo kurang “heboh” yo sanak caro bararak mode ko, baa lai jaman lah serba instant bantuak nyo, nan jaman kini yo lah serba bergerak cepat dan serba praktis.Jadi lah iyo bana lo sanang Marapulai basuo anak daro dek indak jauh bana kini ba arak lai, kok jauh tantu lah habih dulu lo tanago Marapulai ko..ssstttt Back to layang-layang darek Dikampuang ambo punyo kakak (jalan bako) ambo maimbaunyo Uwan Piman (kini lah Almarhum) inyo yo santiang mambuek layang-layang darek, dari inyolah ambo baraja baa mambuek layang darek nan rancak keseimbangannyo, tapi nampaknyo ndak turun ilmu dari Uwan Piman ambo tu baa mambuek layang Darek nan rancak tatap sajo layang darek lakek tangan ambo kok lah salasai “bermasalah” mulai katiko ditabangkan singik alias barek sabalah tapaso diagiah “subang” disabalah suok atau kida layang-layang darek nan sadang tabang jo pambarek bia indak singik, lah kanai cimeeh dek kwan-kawan ambo “layang-layang darek waang anak gadih mah, basubang bagai. Ado juo layang darek buetan ambo ko kadang-kadang barek ka Tandan/Ikua, alah maenggak-enggak sajo dibawah, jaan kan ka tagak tali naik agak tinggi sajo payah dek barek ka ikua ko, iko samo jo “Fat Bottom Girls” ha..ha..ha bagarah ambo mah dek ingek sajo judul lagu Rock kenamaan Inggris Queen, Jadi bamacam-macam masalah nan ambo hadoi jo layang-layang darek lakek tangan ambo ko jauh dari perfect, tapi bagi ambo lah naik bisa malenggang lenggok diudaro lah sanang hati, kok ikuik lomba yo alun lai, ambo hanya bisa menikmati dan maagiah apresiasi layang-layang darek nan batua-batua dibuek jo kehalusan hati dan jiwa dengan seni yang halus. Nah Uwan Piman ambo ko banalah nan mambuek layang-layang darek dengan hati dan jiwa seni yang halus dan tinggi, mulai dari pemilihan batuang nan tuo lalu dibalahnyo dibarasiahkan buku bagian dalam sasudah tu dikabeknyo batuang nan dibalahko dirandamnyo ka luluak dalam tobek atau boncah bagabuang jo batuang nan dibalah untuak mambuek dindiang nan dijalin lalu disemen namonyo Sasak Bugi. Sakiro lah cukuik lamo dirandam di angkeknyo batuang nan lah dibalah ko disampiang inyo mambuek sasak bugi untuak dindiang rumah dikampuang, inyo manyambia mambuek layang-layang darek ko, bilah bambu nan lah dirandam tadi dikariang anginkan dulu, lah dapek kariang nan pas mulailah inyo marauik bilah bambu ko untuak bingkai layang darek-darek, duo horizontal, ciek vertical tambah cieklai untuak tandan bilah horizontal nan pendek tampek ikua layang-layang darek dirakekan. Uwn Piman ambo ko marauik bambu ko yo dengan tingkat presisi yang mumpuni, yo taraso bana ambo caliak galatiak tangannyo nan berseni, Ado cieklah nan tingga jenis layang darek namonyo layang-layang darek patah siku, iko bingkai horizontalnyo bagian ujuang sakiro jarak 20 Cm (tagantuang gadang layang-layang) dibengkokan bingkainyo, caro mambengkokannyo, bingkai tu dipapah satantang nan ka dibengkokan ko diagiak minyak manih lalu diangekan diateh cimporong lampu togok tantu nan sadang manyalo, jadi katiko bingkai ko dikangkang kan yo ndak bulek oval bantuaknyo tapi dibagian ujuang basagi mode trapezium. Kok pulang ambo dari kampuang, lah mambaok oleh-oleh dari Uwan ambo ko layang-layang darek nan ketek tantu sasuai lo jo ukuran badan ambo nan ketek masih SD sakiro kelas 4, dari kampuang bako ambo Koto Tangah naik bendi taruih ka Saruaso masuak Bukik Gombak masuak ka terminal Sangka Lamo, naik oto APD ka Padang. Bisuak dilapangan bola Aia Tawa (kini muko rektorat UNP) tampek fovori ambo bamain layang-layang jadul jo anak-anak kampuang aia tawa jo kawan samo sikolah ambo, lah naik lo layang darek lakek tangan Uwan Piman ambo, yo lah malenggang lenggok tinggi lo diangkasa lai indak “Layang Darek Anak Gadih jo Layang Darek Fat Bottom Girls” kategorinyo…yo sanang hati dan bahagia katiko dulu manikmati maso anak-anak. Wass-Jepe Pku, 4/06/09 Lanjuiklah Pak RP dan Dunsanak Palanta kok ado juo nan taraso seputar Layang-Layang Darek ko, bisa juo ado hal-hal “magis’ atau legenda seputar layang-layang ko ndak di ranah kito, carito nan ba genre “Konon Katanya” Nikmati chatting lebih sering di blog dan situs web Gunakan Wizard Pembuat Pingbox Onlin --~--~---------~--~----~------------~-------~--~----~ .. Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/Ran Cepat, Bebas Iklan, Kapasitas Tanpa Batas - Dengan Yahoo! Mail Anda bisa mendapatkan semuanya. http://id.mail.yahoo.com --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---