Kalau bukan urang cadiak candokio ndak mungkin bisa membuat untaian kata seperti ini Al-Qur'anpun dirangkai dg huruf akhir tiap kata dan kalimat dg bunyi yg sama. Maka saya senang dg sesungging senyum dibibir tiap kali mambaco tulisan Yanto. Dan tulisan itu tak saya biarkan berlalu saya simpan dalam blog.
Sarupo kami nan tuo-tuo acok palupo Ketika dipintu lupo ka masuak atau ka kalua Ketika di tangga, mau naik atau mau turun Ketika dimeja makan, sudah makan atau belum Ketika memegang pil,tadi sdh makan obat atau belum Kok kulit lah mulai kandua Uban batabua Gigi lah gugua Lah dakek ka kubua Salam dan do'a K Suheimi Powered by Telkomsel BlackBerry® -----Original Message----- From: yanto jambak <yantojam...@gmail.com> Date: Thu, 4 Jun 2009 05:55:48 To: RantauNet<RantauNet@googlegroups.com> Subject: [...@ntau-net] MALANG JO MUJUA (carito Palanta VI) Ass..dunsanak palanta..semoga kasadonyo panjang umua banyak rasaki amiiiin.... sarupo biaso, dalam mingguko ambo antakan tulisan renungan diri ka ganti intermezo dalam keseriusan bapikia sia nan kajadi presiden jo nan kajadi wakianyo, mudah mudahan tulisan amboko saketekbanyaknyo dapek mangurangi baban pikiran dunsanak nan sadang serius bana membahas sia nan kajadi pemimpin awak utk 5 th kamuko.........! MALANG JO MUJUA Antah malang antah ko mujua Sakik jo sanang nan bacampua Dicaliak urang tajijieh liyua Dipandang badan tajijieh ingua Kalau dipandang pado umua Bak cando pinang sirah ikua Tuo alun mudo talanjua Bak durian sadang mancimpua*1 Walau hari lah kapeh luhua Tabuah asa lah badabua Wakatu mugarik lah ta ulua Nan sumangek masih tabudua Urang dirumah lah asyik tidua Lalok lamak di kasua Nan awak masih di kantua Takantuak lalok mangantua Tiok sabanta kanai tagua Ka di lawan inyo mandua Tapaso ma utua utua *2 Bak cando kabau kanai atua Urang lah asyik minum teh talua Sambia ba koa main catua Awak masih gilo jo kapua Mabuak mahituang jo ma ukua Ibarat di sawah sadang mancangkua Baa tanah nak nyo gambua Dima ayie ka panyimbua Sabalun bijo di tabua Kadang dicubo batanam kundua Nan tumbuah kalikih gandua *3 Tapaliharo kabau badua Dapek pulo pajantan mandua Antah dek kurang pupuak di tunggua Kurang siram kurang simbua Alun babungo daunlah layua Alun babuah putiaklah gugua Lah tandeh tangan malatua Kalua paluah ka pinggua Tapak sakik tumiklah bisua Dek salah lompek salah ambua Kok dikaji asa jo usua Dek ulah dulu hiduik takabua Gadang ogo jo galapua Indak basyukur banyak kufua Main hantam main pukua Kapalo urang basangko tambua Tiok hari hiduik bagajua *4 Lah tandeh gadih knai alua Kini lah abih hari di dapua Tasuruang kayu alun bajamua Tiok di hambuih tiok pudua Kanai asok mato lah kabua Nasi ditanak lah jadi bubua Latiah jo litak lah babaua Panek jo layuah nan bacampua Pikiran kusuik mangalantua Abu tungku tasangko kasua Unggun dadak nan ta ambua Lah tandeh kaki malapua Bajalan onjaklah pinjua Bak cando abih sunat rasua Bantuak alang alang unyua Mabuak manggeleang jo manakua Pandangan lah mulo sabua Indak lai pandai basiua Lidah lah acok tajulua Lah mabuak batuak jo kuhua Siang malam badan lah bangua *5 Asam kandih tasangko galugua Sipadeh tasangko cakua Kulik jariang tasangku balua *6 Rawan basangko sanuang lamua Tapai basangko ubi gacua *7 Gomok tasangko cindua Basangko susu ayie kapua Akhianyo babusa liyua Di urang karambia nan bapangua Di awak tampuruang nan bakukua Lah abih kulik mangalukua Batang dadok nan baluncua Lah taraso badan uzua Garik jog anta lah acok timbua Mangecek muluiklah suntua Bak cando anak bilua Badan umpamo ayam sayua Indak lai ta injak bandua Bulu kusuik basimpulua Lah banyak cotok nan maua *8 Indak mungkin pagang ta taua *9 Bilolah hutang ka ta ansua Bara nan dapek lah takubua Tiok di agak tiok kabua Bak tabiang ditingga aua Tibo hujan badan taluncua Bak kudo hilang jambua Cando gaek hilang sanggua Indak ka sampai niat jo kaua *10 Pai ka bali pantai sanua Mancaliak bule bajamua Bantuak karo ndak baikua Antah kok hinggo taluak bayua Mancaliak ombak badabua Sampai piaman pantai sanua Mancaliak katuang batalua Atau ka maninjau jo bayua Lewat lawang jo matua Atau ka bukik jabua Lewat lewat pitalah jo simabua Panek manyulam man jalujua Tiok di jaik tiok cupuak Sulik ma uleh jo mambuhua Bakasan juo tiok simpua Dulu bak cando ayie mancua Kini satitiak haram mangucua Kok lai bana nan tasumbua Lah bak panah hilang busua.. * 1=Ranum 2=manggut 3=kalikih jantan 4=begajul 5=pilek 6=dendeng lambok 7=bonyok 8=maur 9=tebus 10=kaul 15062007, YJ.Majo Basa. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
