BAPIKIALAH TANANG-TANANG Ranah Minang nan tasayang Nagari nan indah permai di pandang Bak gadih rancak nan jolong gadang Banyak nan basalero nak maminang Adat budaya nan mangakang Ndak mudah untuak rang lua datang Datang manjadi panghuni rumah gadang Nan bisa maurak aturan rumah gadang Ooooiiiii urang gadang di Ranah Minang Tagaklah di puncak Singgalang Bukaklah mato gadang-gadang Bapikialah tanang-tanang Ranuangkanlan parlakuan urang Baa mangko awak nan dipinang urang Lai indak ka tagurajai urang Minang Sasudah ditarimo pinangan urang Oooooiiii urang gadang di Ranah Minang Dulu katiko ado nan jadi rang Gadang di rantau urang Alah tagadai sabagian Ranah Minang Alah lamak tempe dari randang Oooooiiii urang gadang di Ranah Minang Panjago pusako nenek moyang Usahlah silau jo bayangan kurisi ameh bagoyang Pikiakanlah nasib rang Minang dimaso datang Rakyaik badarai, hiduik badagang Banyak nan susah dirantau urang Kalah basaiang jo padagang gadang Indak ado pulo tampek batenggang Ooooiiii rang gadang Ranah Minang Dangalah kaba dari rantau urang Banyak batuka tampek sumbayang Dek cadiakno urang nan datang Bengkulu, 9 Juni 2009 Hanifah Damanhuri
--~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---