Assalamu'alaikum Wr.Wb.
apakhabar Rina. Uni mau tanya apa naik ferry dari Batam ke PULAU BALAKANG
PADANG , berapa lama perjalanannya Uni agak tertarik ,siapa tau Uni ke Batam ,
atau boleh singgah ketempat Rina gak ? he....he.....he..
Wassalam
Dewi Mutiara.
--- On Fri, 6/19/09, rinapermadi <rinaperm...@gmail.com> wrote:
From: rinapermadi <rinaperm...@gmail.com>
Subject: [...@ntau-net] PULAU BALAKANG PADANG
To: RantauNet@googlegroups.com
Date: Friday, June 19, 2009, 4:47 AM
Assalamu’alaikum
Warahmatullahi Wabarakaatuh,
Sakadar panyajuak di halaman
hati nan kapanehan..
PULAU BELAKANG PADANG
Batam adolah kota tujuan
rantau terpopuler selain Jakarta di maso ambo masih sakolah. Banyak kawan-kawan
sapangkek nan kainginan nak ka marantau ka pulau nan kaciak ko. Dek sangaik
dakek ka S’pore makonyo Batam buliah dikecekan dapek kasibaran partamo
dari S’pore salain daerah lainnyo.
Ado pulau nan tadakek jo S’pore
namonyo pulau Balakang Padang, antah apo hubungannyo jo padang ambo ndak tau
pastinyo. Saroman jo rantau-rantau lainnyo, pulau Belakang Padang ko juo banyak
dunsanak kiito nan marantau dari pancaliak an ambo salamo di balakang padang.
Kebanyakan
dari dunsanak ambo ko adolah Cik Uniang jo Ajo. Sekitar 100 meter dari dermaga
pancung (perahu bermotor) ada sebuah pasar rakyat. Disitulah para Ajo dan Cik
Uniang manggaleh berbagai kebutuhan hiduik tarutamo di bidang makanan jo
minuman. Di muko pasa nan kebanyakan diisi jo Si Padang dan Si Cino sarato
sebagian ketek SI Malayu, ado Pujasera nan manjua babagai makanan mulai dari
aia ka aia sampai sate, soto, martabak, bakso dan lainnyo.
Kalau kito lapehkan pandangan
dari Pulau ko di cuaca nan cerah, maka akan jaleh nampak S’Pore jo
saganok gemerlap kota Singo tu akan nampak jaleh dari Pulau ko.. Kalo malam hari
lampu-lampu taxi yang berkeliaran di kota singa itu nampak jaleh. Baputa-puta
maantakan panumpang, dan konon kabarnyo juo banyak nan SI Padang juo hehe.
Warga Singapore nan alah Apek2 (Aki2 jo Nini2) di hari khusus banyak nan
melakukan perjalanan ziarah ka Pulau ko karano banyak nenek moyang mereka
berasal dari Balakang Padang ko.
Khusus di tujuh belas
agustusan Balakang Padang jadi lautan manusia, pesta rakyaik badarai di mulai.
Mulai dari lomba joget, lomba qasidah, lomba karaoke dan ado yang istimewa
yaitu lomba dayung. Salain itu ado pulo Pasar Malam. Ndak Pasar Malam namonyo
kalo ndak ado Urang manggaleh. Mulai dari panitik sampai ka galeh gulo2
bahadiah cando lempar gelang dll sejenisnyo. Tingga di kito manyikapi hal iko
ko sajo. Di bagian Pujasera sadonyo meja jo kurisi nan disadiokan panuah.
Sabana bana pesta rakyat. Ambo baru manyaksikan disitu nan namonyo pesta
rakyat. Kasadonyo rakyat badarai para nalayan dan ABK pancuang. Sadonyo manyatu
untuak mancari kesenangan dan kebahagiaan sekali dalam setahun. Malupokan lauik
meraka nan alah susah untuak mandapekkan tangkapan ikan karano limbah.
Memang di 17 agustusanlah
kampuang Belakang Padang habis-habisan marayokan. Dari sagalo usia jo sagalo
golongan tumpah ruah di malam tujuah balehan tu. Pernah ambo iseng batanyo ka
Cik Uniang nan manggaleh sate piaman di garobak ketek di tapi Pujasera. Bara
bajua bali malam ko Niang? Labiah 3 juta ambo bajua bali kato Cik Uniang
ko. Syukur Alhamdulillah katonyo. Rasaki sakali sataun, tambahlaih duo malam
laih kato Uniang tu. Sangat mudah mambedakan penduduak tempatan jo penduduk
pulau-pulau ketek di seputaran Belakang Padang, dari corak dan warna baju
meraka nan cerah dan kebanyakan berwarna pink pekat dengan bahan sil (licin)
samo bahannyo jo baju koko melayu berwarna cerah. Dari pulau Kasu, Buluh jo
Sambu
(terkenal sbg Pertamina Sambu).
Padahal Pulau ko nan daratannyo
hanyo salaweh tungkuih lapek (hiperbola haha). Malahan yang labiah laweh adolah
daerah nan kalo sadang pasang akan taganang aia lauik tapi kalolah suruik akan
tingga lumpur sajo. Sahinggonyo iko dinamokan daerah laut. Jalan dibuek dari
kayu-kayu papan nan disabuik palantar. Spesific dari Belakang padang adolah
becak, ndak hanyo di Jakarta, di sikopun banyak becak nan mangkal. Satalah
malewati
pelantar dari pelabuhan akan ado gapuro Pulau Belakang Padang, sabalah suok
tampek mangkal becak dan sabalah kida tampek mangkal ojek. Jan harok nak
kabasuo Oto, raso-rasonyo lah acok ambo tampuah pulau ko dari ujuang ka
pangkanyo lai indak adoh basobok Oto agak ciek juo doh. Sahinggo Pulau ko
taraso tanang.
Lah ambo kuliliangi pulau ko
nan banyak tumbuah adolah batang mangga. Dari banyak macam mangga ko ado nan
istimewa. Bantuaknyo cando mangga Australia, gadangnyo saukuran 1 kg sabuah.
Keistimewaan
mangga ko adolah indak lambuik cando mangga yang lainnyo kutiko alah masak
manguniang. Nan mangga ko tatap kareh badaruak. Tabayang lamaknyo tuuu…
SIlahkan cari ka Balakang Padang hehe.. Di tiok rumah ampia sadonyo punyo
pokok mangga. Barangkali mangga kolah nan cocok hiduik di tanah pulau nan
babatu-batu ko. Ampia samo jo di Batam, nan namuah tumbuah juo mangga,
rambutan, cempedak hutan. Kalo musim cempedak hutan ko, masuak ka dalam pasa
Balakang Padang banyak nan manjuakannyo. Baun cempedak hutan ko indak
tangguang-tangguang, mangalahan baun durian ataupun kuini. Ndak ka bisa bagai
maandokan cempedak ko doh, bagi induak-induak nan suko paandok makanan hehe…
pasti akan tasuo juo dek cangok-cangok hehehe…
Cempedak hutan nan istimewa
adolah cempedak nan bintil2 kuliknyo laweh-laweh, ditapuak bunino ampuak,
bantuak bunyi manmpuak paruik urang kembung nan masuak angin. Isinyo orange
dengan bijo nan tapisah-pisah satu samo lainnyo. Jikok masak cempedak samparono
mako kalo di turiah kuliknyo trus tingga dienjoan selaiih tampuaknyo. Maka isi
cempedak nan malakek di hati nan di tangah akan tapisah dari serat-serat nan
ndak manjadi buah nan putiah babilah-bilah. Tabayang dunsanak jo buah si
cantiak nan alah dikubak tingga isinyo sajo, cando itulah mamakan cempedak ko
nan di pacik tampuaknyo tinggi-tinggi lansuang masuak muluik incek-incek
cempedak nan bulek-bulek padek manih dan harun mamabuakkan..
Konon kabanyo Belakang padang
ko labiah daulu berkembang dari pulau Batam, cuman karano kepentingan industry
Nasional
pulau ko jadi ketinggalan jauah dari pulau Batam nan semakin berkembang jadi
kota industry. Tinggalah Balakang Padang nan tatap jo tradisi kemelayuannyo…
Jo lampu kelap kelip di tiok rumah yang selalu dihiduikkan ditiok Hari Rayo
teratamo Hari Rayo Haji…
Talabiah takurang banyak maaf
Iko cuma sekedar pencaliakan
mato ambo nan alun banyak pangalaman
Wassalam’
Rina, 32, batam
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
