Midnight Sun, Matohari Tangah Malam. Aa lo lah carito MakNgah ko haa? Matohari Tangah Malam? Barasian MakNgah? Nan iyo-iyo se lah ota ko baa nyo?
Iyo, iko ota nan iyo-iyo, indak MakNgah barasian mancaliak matohari tangah malam doh. Kini tanggal 21 Juni 2009. Satiok tahun tanggal 21 Juni ko matohari lah sampai ka lingkaran garis balik nan paliang Utara, garis kutub atau Polar Circle, 66.66 Lintang Utara. Hari ko lah hari nan paliang panjang di daerah Polar Circle tu. Baitu panjangnyo siang hari di Polar Circle tu, matohari indak tabanam-tabanam doh, tatap babega di langik 24 jam. Baputa-puta di Langih maarah jarum jam, Muloi "tabik" di utara, dan "tabanam" di Utara juo, tapi indak tabik-tabik dan indak tabanam tabanam tatap matohari di langik walaupun lah "tangah malam". Baitulah kekayaan Allah Subhanahuata'ala. Hari ko, tanggal 21 Juni ko, namonyo Summer Solstice. Hari ko lah puncak perayaan di bumi belahan utara tu urang marayokan Midsummer Night. MakNgah lah sampai malintehi Polar Circle tu di Sweden, taruih ka Utara ka Narvik di pantai Norway dan manyubarang lauik ka Kepulauan Lofoten di Barat Norwegia. Di Kota Svolvaer di Lofoten Island tu MakNgah manikmati siang panjang. Wakatu tu alah laruik bulan Juli, indak tanggal 21 Juni lai. Namun, matohari masih panjang siangnyo. Cuma MakNgah indak mancalaik matohari masih dilangik tangah malam tu. Wakatu di Solvaer tu, makangah pai kalua hotel mandaki ka bukik randah di bulakangnyo ingin mancaliak matoari tangah malam tu. Dek indak tanggal 21 Juni lai, nan samo iyolah suasana matoari "tabik" samo sajo jo matohari "tabanam", saroman sajo paraksiang jo lapeh mugarik, tapi maohari tabik dan tabanam di utara, lah saroman se sanjo jo pagi hari.. Di sinan lah MakNgah mangagumi, mandoa kapado Allah, manganangkan pantun Urang Awak, parasaian Rang Musafir, sambia mandendang ikua pantun: Mabuak dek untuang jo parasian Patang den sangko pagi hari ... Takana di ambo Angku Dotor Suheimi urang pajalan jauah juo. ambo raso banyak pulo Rang Lapau nan suko bajalan jauah. Kok bilo-bilo taleso rancak ambo sarankan untuak mancaliak matohari tangah malam tu. Kok lai sampai niat nanti, jelajahlah Skandinavia tarutama Sweden dan Norway, taruihlah ka Utara ka ujung utara Norwegia, Kota Nordkaap. Salam, --MakNgah Sjamsir Sjarif Di Tapai Riak nan Badabua Santa Kuruih, Kalifornia http://www.santacruzsentinel.com/localnews/ci_12030675 --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---