Assalamualaikum ww
Mimpi ni yee ….
Lalok sakalok ba-rasian
Mato tanido mimpi tibo
Dibujuak indak namuah ilang
Dilengah indak kunjuang lupo
Namun bana takana juo
Apo bana-lah nan takana dek sanak Isna
Dilayangkan pandang nan jauah
Ditukiak-kan pandang nan hampia
Tabuang pandang ka nan lapang
Tatumbuak pandang ka Hindunesia
Tampaklah capres cawapres sadang kampanye
Capres tu lai manang itu bana kato mimpi
Mimpi pamenan lalok tantang Es Be Ye
Sabalun aja ba-pantang mati
Tapi kok tajadi juo tu mah cawapres lai ba-budi
Pipatah lamo ado mangato
Bagarih awak samo di-hati
Bakijok sajo kito di-mato
Cewang dilangik tando ka-paneh
Gabak di-hulu tando ka-hujan
Kilek baliuang lah ka-kaki
Kilek camin lah kamuko
Data-nyo lah balantai kulik
Taruihnyo lah ba-dindiang camin
Kini baitu sajo-lah nan ka-rancak
Pusako lamo ado mangatokan
Kato syara’ kato paraman
Kato hadis kato ba-dalia
Kato adaik kato ba-misa
Kok hadis apo-lah ka-dalia
Kok adaik apo-lah ka-misa
Dimisakan bak urang ba-buru
Rimbonyo kito satumpuak-kan
Rantainyo kito sarawah-kan
Muncak-nyo kito ciek-kan
Kok lah sasuai urang nan banyak
Lah cocok pulo kito baliak batimba
Kito pulangkan sajo ka-hariban surang2 tanggal sambilan tu
Baa gak ati, antah kok indak?
wasalam
abp-57
--- On Tue, 30/6/09, Isna Huriati <i...@pacific.net.id> wrote:
From: Isna Huriati <i...@pacific.net.id>
Subject: [...@ntau-net] Rasian
To: RantauNet@googlegroups.com
Date: Tuesday, 30 June, 2009, 2:49 AM
Dunsanak dipalanta sakalian.
Ruponyo ambo barasian siang bolong . Haritu sasudah makan siang ambo
duduak dikurisi manonton TV, warta berita TV Aljazeera sadang maliput
kaadaan di Iran. Kecek nan duduak dakek ambo indak lamo ambo
manontondoh alah talalok Mungkin dek kakanyangan atau dek nampak diambo
TV Aljazeera lah kurang netral dalam pemberitaan, baalokolah mangko
saromantun, jadi maleh ati mandangaan mungkin , sahinggo takalok. Ambo
mangecek tarago laloktu hinggo nan disabalah ambo tagalak, lalu
tajagolah ambo. Ruponyo ambo manyabuikan presiden SBY mati. Lah tajago
ambo cubo kana kana apo rasian ambo tadi, rasonyo SBY manang Pamilu tapi
inyo mati dek pesawatnyo disabotase hinggo tajatuah. Mungkin dek karano
ambo panah bapikia kalau Presiden mati kan wakia lansuang jadi Presiden,
ambo ndak nio Budiono jadi Presiden, yo kurang manganai, pikiran ambo.
Jadi itu sababnyo rasian ambo takahtu. Alun lamo subalauntu barasian lo
ambo, tapi lai malam rasonyo JK nan manang, nagari awakko heboh bantuak
Iran, mungkin dek ambo acok manonton jo mambaco berita manganai Iranko.
OO walah nama nan kaambo piliah, antau Golput sajo supayo ndak barasian
lai. sabab rasian ko mangganggu pulo.
Salam
Isna
Get your new Email address!
Grab the Email name you've always wanted before someone else does!
http://mail.promotions.yahoo.com/newdomains/aa/
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
