Assalamualaikum warahmtullahi wabarakatuhu, Maa Rang Lapau nan Basamo, Tulisan-tuisan Angku Yanto Jambak, nan biassonyo baliau sabuik gurindam, mangatangahkan pandangan tajam baliau ka dalam raso pareso Masyarakat Kampuang Halaman dan interaksi Masyarakat Rantau. Pandangan-pandangan dan suaro hati dalam gurindam jauah marasuak ka bawah ufuak manyigi raso hati sampai ka nan dalam-kalam, nan jarang takasanoi sapinteh lalu dek Rang Banyak.
Gurindam-gurindam baliau akan dapek manjadi suntikan bahan riset bagi peniliti dan penyetudi Minangkabau Social Behavior di maso datang. Interaksi Social Behavior antaro Kampuang jo Rantau tampaknyo mamaralukan rekayasa study nan jauah labiah mandalam supayo "Panyakik Masyarakat Minangkabau" nan tabayang saroman takatuang-katuang di awang-awang dapek diluruihkan atau kalau mungkin dapek diubeki, direkayasa, sahinggo Lingkaran Harapan dan Tuntutan tidak terus menerus menjadi Lingkaran Setan nan indak bakasudahan. Namun, penelitian dan penelaahan, perekayasaan Rethinking of Minangkabau Social Behavior ko akan maminta waktu dankesabaran untuak manyadarkan nan bahaso hiduik ideal jo realitas tu babeda indak bacampua aduak, bagalemak peak, sahiggo Masyarakat Kito indak sampai jatuah tahanyak dalam impian ... Mudah-mudahan tibo juo di satu saat nanti, Maso Budaya Takalok ko, dapek dikajuiki antaro lain-lain saroman jo isi gurindam sarato kaba tasirek sahinggo Masyarakat Minangkabau dapek tajago dari lamaknyo bayang impian, dapek hiduik sadar di alam realita ... Salam, --MakNgah Sjamsir Sjarif di Taopi Riak nan Badabua http://www.santacruzsentinel.com/localnews/ci_12030675 --- In rantau...@yahoogroups.com, yanto jambak <yantojam...@...> wrote: > > > JAN DI HAO > (Sr dr Kampuang V) > > Sajak kami mandapek kaba > Kanduang kapulang jo oto surang > Ayam jo itiek sato kapasa > Taluanyo sajo nan tingga di kandang > > Dek ulah sanangnyo hati > Barang nan indak kami adokan > Batuka galang jo timah pati > Untuang lai baju panjang langan > > Sapakan lamonyo ba hari rayo > Kami hiduik bak juragan > Pai ka pasa mambali maco > Jo oto juo dagang antakan > > Labiah bak raso batagak pangulu > Siang malam baralek gadang > Lupo jo susah nan dahulu > Takalo dagang ka mahilang > > Babagai bagai macam acara > Malam amal sambie bagurau > Panjek pinang pangguang gembira > Sampai basaluang dalam lapau > > Dalam acara lelang kue > Solo manyolo samo gadang > Bak cando loncek dalam embe > Malompek lompek pitih kalua > > Baitu juo acara saluang > Bakandak lagu mintak di pantuni > Pitih bak cando itiak ka jaguang > Sabalun di kajuik alun baranti > > Tangangak urang di lapau > Sakadai urang kanduang bayiekan > Kok cando iko sadonyo urang rantau > Rayo lah baa tiok bulan > > Dagang di puji di muliakan > Kecek badanga kasadonyo > Kok ado dibalakang mancibiekan > Itu tak labieh dek iri sajo > > Lah sapakan dagang di rumah > Mandeh baralek tiok hari > Tamporo rampak labuahlah lanyah > Kami tarimo jo sanang hati > > Lah tibo masonyo ka babaliek > Cutilah abih took nan tingga > Tasabuik dek dagang randang itiek > Taragak pulo jo palai bada > > Indak di ulang duo kali > Mandeh carikan salero dagang > Ampiang jo dadieh batangguli > Sampai jo tapai puluik balamang > > Apo di tabek lah mandeh bangkik > Di parak lah tingga tunggua sajo > Kok lai ka ubek ibarat sakik > Ka oleh oleh tibo di jawo > > Lah baliek dagang ka rantau > Babaliek langang taraso kampuang > Tibo rusuah lah tabik galau > Dicaliek padi lah abih di lumbuang > > Lai bana dagang baragieh > Pambali maco nan dagang sabuik > Usah di baco pambali sirieh > Pambali garam sajo indak cukuik > > Tapi dek dagang lai manyabuik > Takalo kabaliek malam sinayan > Ka dituka cek bank lah tutuik > Dari rantau sajo ka bakirimkan > > Mandanga janji dari muluik > Lupo jo hutang sabalik pinggang > Nanti kok tibo urang manuntuik > Dilipek duokan bayie hutang > > Tapi apo ka disabuik > Dek dagang janji bukan bahutang > Sajak palembang di tutuik kabuki > Surek sapucuak haram kok datang > > Tarakhir kaba nan kami tarimo > Kadai dagang disita Bank > Untuak pambayie carteran oto > Nan dagang lagakkan wakatu pulang > > Kok bana co itu nan tajadi > Lah bakicuah kami kironyo > Labieh rancak pulang jo padati > Cukuik jo rumpuik bayie seonyo > > Disangko jambatan panyubarang > Titian barakuak nan kami titih > Sampai hatinyo anak dagang > Kami bapujuak bapatangih.. > > Ateh ngarai, 11031994. > Y. Jambak > yantojam...@... > yantojambakblogspot.com --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
