Assalamu'alaikum Warahmatullahi Wabarakaatuh, Dunsanak urang di lapau nan budiman,
Dari banyak postingan barita akibaik dari gampo di kampuang awak, bisa ambo caliak saketek perbedaan dari Uda ambo nan sorang ko. Bak kecek Mamak Indra Catri Dt MP bahaso nan dikana urang di daerah Hulu Banda ko ado babarapo urang salah cieknyo Uda Jepe. Mungkin iko mah mungkin factor paingeknyo Da Jepe ko di tiok2 kesempatan nan ado, ambo yakin liau ko nyo hibur dunsanak awak nan sadang susah tu jo garah-garah segarnyo. Sahinggo susah urang untuak lupo. Nyampang kok agak duo bulan Da Jepe disinan mungkin dipiliah urang lo jadi Wali nagari sinan hehe. Cando Mamak St Lembang kapatang jikok diliek dari poto2 liau maantakan sumbangan nampak di muko liau ikuik laruik sadiah dek rumah urang banyak runtuah, nampak rauik muko liau katu bapoto di muko reruntuhan. Tapi itu ndak basobok di ambo katu Da Jepe bapoto di muko runtuahan pasa di Hulu Banda. Duo barih gigi pepsodent liau ko masih nampak jaleh walaupun kamera agak jauah. Ambo yakin urang nan sadang sadiah2 disinan capek bangkik indak laruik2 basadiah cando carito ambo nan tadaulu tentang Si Abang rambuik panjang nan indak namuah mananti2 bantuan tenda dari ateh, tapi lakeh2 bangkik mambongka2 runtuahan rumahnyo mamulai mambuek rumah2 petak samantaro untuak bataduah keluarganyo padohal gampo baru balalu. Namun indahnyo mode Mak Lembang tun, banyak pulo urang rantau nan talintuah hatinyo untuak turuik pulo marasoan padiahnyo hati, sambuahnyo tampek bataduah urang nan indak adoh lai (runtuah), kama badan kamangadu. Apopun itu dan bagaimanopun itu wahai saudara, dunsanak, Bapak Mandeh sadonyo, saketek apopun dan baapun wujudnyo, Hanyo Allah SWT nan Maha Tahu. Ado balehan nan balipek-lipek untuak keikhlashan tanago, wakatu, harato, cinta, hiburan palipur lara. Sakali laih Allah nan Maha Mengetahui. Barakallahu lakum.......... Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
