Assalamu alaikum wr wb adidunsanak di Palanta
Iko saketek curito tantangan kupi darek kito jo Mak Duta Kok kurang tantu ado sanak nan lain nan ka manukuak Kok senteang tantu lai ka babilai. Sabalumnyo sanak nan lain ado pulo nan mamulai. Alhamdulillah kito ucapkan, sanang bana rasonyo, sanangnyo indak tabado. Momen di malam sabtu 13 November 2009 nan lalu Tapek pulo barisuaknyo usia pernikahan kami (Roni-Fatma) satu tahun (--tapek jumat 14 november 2008 yang lalu kami melangsungkan pernikahan) Sanang basuo jo Mak Duta sarato Uniang Nan datang pulang kampuang dari USA Sanang basuo di dunia nyato jo Uda/Uni dan Sanak di Palanta Kunun pulo jo dunsanak-dunsanak palanta RN nan lain di jagat ko. Kronologis di 44 Collecta Mega Mall: Sanak-sanak kito dari dunia maya RN nan di Batam Nan partamo tibo Uni Rina Permadi -nan karajo di PT. APS, Batam Centre-babaju Oranye (baitu dalam sms Uni Rina) Sudah tu datang pulo Kanda Seprinaldi basamo jo istri dan 3 urang putra baliau. Kanda Sep karajo di PT. Sumitomo Batam, Muka Kuning. Kamudian datang pulo Fajri nan karajo di PT Nippon Steel, Tanjung Uncang. Lalu kami manyusul basamo rang rumah (dinda Fatma) nan sadang 'sarek' 7 bulan (kecek dotor padusi anak didalam) Sudah tu datang pulo Kanda Rudi Antono Tan Menan nan bakantua di PLN Batam, Batam Centre Kamudian baru datang Mak Duta sarato Uniang jo Da Gusdi dengan rang rumah dan 2 anaknya. Terakhir datang Da Ilvi Rajo Sampono. Panjang curito kami di Palanta nyato ko Nan bajembatan sambuang ka Pelabuhan Ferry International Batam Centre Tapi ferry nan ditumpangi dek Mak Duta (--Webmaster) indak balabuah di pelabuhan ko do Melainkan di Pelabuhan Batu Ampar (Harbour Bay), dakek jo Nagoya Tibo di pelabuhan Batu Ampar, Mak Duta mancari 'telpon umum' Kecek rang pelabuhan indak ado di zaman kini telpon umum lai pak, baitu curito Mak Dutamardin Umar Pakai sajo HP ambo ko, sambuang rang Pelabuhan. Mangko ditelponlah no HP Syafroni dek Mak Duta. Sanang hati sakukito mandanga kaba kadatangan Mak Duta nan jauah dari nagari Riak nan Badabua. Mangko dilewakanlah kaba ka seantero sanak di palanta Sia nan berkesempatan utk basirobok, silahkan datang ka t4 acara nan dibuek. Makanan dipasan sarato minuman Curito lanjuik juo ditaruihkan... Tagalak, tasanyum bagadang hati Walaupun rusuah bacampua juo di dalam Sabab baa-baa dek mode itu Mukasuik Mak Duta lah mamasan tiket jauah-jauah bulan Ka pulang kampuang basanang hati Tapi sabalum sakedul kapulangan Bancano alam manimpo pulo di kampuang ranah tacinto Tapek bana di kabupaten kampuang baliau Yaitu di Gasan Toboh sakitarnyo. Tapi baa lah, kito didalam parentah dan takadia Allah Malang tak dapek ka ditulak, mujua tak dapek ka diraiah. Disambuang molah curito ko Hari batambah laruik juo Bamacam topik nan diotakan Bak aie mailia sahajo Sadang bacurito lamak Ni Rina mamohon izin utk pulang duluan. Mak Duta bacurito pangalaman baliau di rantau nan jauah di mato Baa perkumpulan urang awak di USA-MinangUSA Nan mandorong utk perkumpulan urang awak di USA utk bergerak Malah urang sumando kito nan non-Minang pulo-Pak Durojatun (sumando rang Payokumbuah) Ado sekitar 500 KK urang awak di USA. Curito ttg Masakan Padang Ado duo restoran Padang nan dibukak dek rang awak di USA Utk randang ataupun gulai basantan, karambianyo dibali di Amerika Latin Banyak nan lain nan dipaotakan Sampai-sampai sadang barabutan curito antaro Da Gusdi jo Mak Duta Tapi sayang urang dapua 44 Colecta lah maagiah isaraik kadai ka disaok. Mangko kami pun bapamitan. Da Gusdi baliak maantaan Mak Duta ka Hotel Bahari di Nagoya. Inti pasan Mak Duta ka kito nan mudo-mudo Lai diserap didalam hati masiang-masiang. "Sarancak-rancak di nagari urang Rancak juo nagari kito nan ka dibangun" (-red.) Ucapan Selamat disampaikan kapado Mak Duta Semoga beliau basamo Keluarga bisa basanang-sanang di ranah Bundo Semoga pulo parjalanan Baliak ka USA aman, selamat dan lancar handaknyo. Amin Baitu pulo kami/kito nan ditinggakan Semoga bisa pulo mancapai sukses dalam kehidupan. Amin. Info dari Mak Duta salanjuiknyo Perjalanan beliau akan ditaruihkan ka Jakarta pado hari Minggu Kok ka lai bisa pulo bakupi-darek jo dunsanak di Jadebotabek. Sakian sambah dari ambo Kok ado salah kato-kato jo kaliru kurenah Iyo ampun jo maaf dipamintak Tarimo kasih ateh wakatu nan ditakadiakan dek Allah Tarimo kasih bagi dunsanak nan alah maluangkan wakatunyo. Tarimo kasih untuak Mak Duta atas pertemuannyo, inspirasi dan sharing pengalamannyo Wassalam Mlnmrj, 30 thn 4 hari lai. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---