Assalamu'alaikum warahmatullahi wabarakaatuh, Manolah dunsanak palanta nan dimuliakan,
Ambo sebagai salah satu nan hadir di Silaturahim Rantaunet ka duo kalinyo di Batam dalam rangka manyambuik Bundo Nismah nan bakunjuang ka Batam. Walaupun sederhana acara kami ko dek hanyo ado duo urang sajo nan bakesempatan hadir di acara nan alah di rencanakan sabalunnyo. Tapi Alhamdulillah banyak hal bisa dilalui di sore hari pas week end tu. Sasuai janji nan dibuek kami sepakati untuak makan di Rumah Makan Mak Ateh nan dulunyo sangaik terkenal jo randangnyo bagi urang nan bakunjuang ka Batam, baiak itu wisatawan local atau mancanegara, tarutamo jo urang S'Pore nan biaso kami panggia Apek2 S'Pore and Aunthilah tanamo dek mereka RM Mak Ateh ko. Tapi pas kutiko acara makan jo Bundo sangaik disayangkan banyak samba nan alah habih dek jam makan siang baru sajo balalu. Untuak itu ambo minta maaf ka nan hadir ateh ketidaknyamanan ko. Dek peserta nan hadir indak banyak, syukur Alhamdulillah paratian jadi tafokus jo pembicaraan nan ado jadi taarah dan sadonyo bisa mandanga jaleh. Banyak bana carito pengalaman jo nasehat nan alah dibagikan Bundo ka kami di batam ko. Hanyo sajo indak bisa ambo bukakkan sadonyo doh. Satu hal nan Bundo tekankan ka kami, apopun itu dalam milis Rantaunet ko, taisuak tu Bundo jo beberapa kawan2 Bundo lainnyo, maniaikkan baso milis Rantaunet ko adolah milis nan bisa manjadi jembatan silaturahim bagi nan ikuik. Jadi sadonyo samo2 diniaikkan untuak Silaturahim. Nan kato Bundo didoakan dengan Silaturahim tu batambah berkah jo umua nan batambah di diri kito. Untuak mancapai silaturahim tu tantunyo basamo2 diusahokan dan dijago. Ado nan menarik dari sosok Bundo kito ko, indak babeda jo Mak Ngah di sabarang nagari Sutan Kalipah, lah sapanjang dirik an toko-toko elektronik di Nagoya Hill batam kami iriangan Bundo bajalan, lai indak kalatihan Bundo nampak no doh, sambia manunggu mini laptop nan dibali Bundo diinstall urang toko, takana lo dek Da Gusdi untuak mambao Bundo basobok jo pengurus Gonjong Limo (sebuah organisasi Minang) di Batam ko untuak basilaturahim juo. Alhamdulillah sampai di tampek tu ado langkok basobok samo Pak Katua jo Pak sekretaris Gonjong Limo basambuanglah baliak nasehat2 jo carito Bundo ka Apak2 ko dan tantunyo kamipun kasibaran juo..hehe. Lah ampia sanjo lah ditalepon lo Bundo dek nan urang nan mainstall laptop mini Bundo cako tu. Pamitlah kami dari Toko Davisco tampek pengurus Gonjong Limo tadi tu. Nan ambo manaruihan baliak ka rumah dek hari lah sanjo lo. Dek papanyo di rumah lah manalepon lo, indak bisa manjapuik dek anak ambo nan kaduo masih lalok sore tu. Sambia barangkulan jo Bundo lah raso Mama ambo sandiri se, ambo jo anak ambo pamit ka Bundo jo Da Gusdi nan setia mambimbiang Bundo sapanjang JJS and shopping Bundo sore tu di Batam. Indak babeda jo mandeh-mandeh kito nan lainnyo, di batam ko Bundo lah mambaok lo sakambuik hasia shopping Bundo, tantunyo jo tawar menawar nan lumayan a lot, jadi ingek Mama di pasa bawah saisuak maago ikan..hehehe..dijamin.. alot. hehehe... Ciek nan masih ambo ingek bana dari sosok Bundo adolah cinto Bundo dan hormat Bundo ka suami liau nan baru ko bapulang ka sisi Ilahi. Jo aia mato balinang masih tacaritoan baa kasiah sayang liau di detik2 terakhir jo Ayah Rumzy. Bayangkan kecek Bundo ; "50 tahun kami basamo baa kecek Bundo untuak bisa malupoan? Rasonyo indak bisa doh. Mangkonyo Bundo sanangkan hati jo bajalan-jalan ikuik aktivitas berbagai organisasi, indak bisa Bundo di rumah nan aia mato mailia juo. (Tabah yo Bundo.. inspirasi untuak nan mudo2 ko Bundo) Untuak photo-photonyo lai indak banyak nan bisa ambo pacaliakkan disiko sbb : http://www.facebook.com/rina.permadi?v=feed <http://www.facebook.com/rina.permadi?v=feed&story_fbid=212644101231#/rina.p ermadi?v=wall> &story_fbid=212644101231#/rina.permadi?v=wall Dek asyiknyo bacarito lah lupo se bakodak2.. hanyo iko se saketek nan lai lakeknyoh. Banyak maaf kok tagisia kanaiak, tasingguang ka turun Wassalam Rina, 33, batam Maaf disangajoan manggadangan huruf, dek barangkali Bundo nio mambaco lo, labiah mudah dek Bundo kalo hurufnyo godang-godang. J -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe
