Lagu Lamo "Awak Indak Ajan" By : Jepe Katiko tadi sore ambo mancaliak2 poto manari jo kawan2 ABG (terbaca Alah Baransua Gaek) dalam rangka "sato-sato" ikuik maramikan HUT Emas SMA 1 Landbow Bukik Tinggi pikiran ambo malayang ka lagu lamo nan dibaokan duo urang alumninyo katiko acara sabalun main Kim mahoyak pangguang hiburan jo organ tungga
Yo sabana menghibur sambia makan nasi kapau jo bungkuih daun dihalaman sakolah lagu ko didendangkan dek duo wanita dengan gaya kocak sarato lagu ko diarensmen dek tukang organ jo sentuhan irama rokenrol Yo penasaran ambo tadi sore, apo lah judul lagu lamo nan pernah dipopulerkan Elly Kasim ko (penciptanyo ambo ndak tahu sia yo ?) Lansuang ambo masuak kalapau saiber batanyo ka panghulu gadang lapau maya ko "Mak Datuak Gugel" kato kunci nan diagiah pren fb ambo katiko manulih status lagu ko "Awak Indak Ajan" Onde yo santiang Datuak Gugel ko di page pertamo sajo lah basuo dan lagu ko barado di blog seseorang, ndak do lai lansuang ambo kopi paste lirik lagu ko, nan lagu ko yo bacarito urang gaek nan gata dan bamato tajam pantang tacaliak inyo anak gadih, lansuang ingin inyo kadijadikannyo bini Nan gaek bamato tajam ko (mungkin ndak matonyo sajo nan tajam, nan lain masih tajam juo. He he he maksud ambo pisau dapua gaek ko masih tajam gitu lo) nampaknyo gaek kayo balindak kalau istilah gaul kini "gaek tajir" itu dibuktikan inyo punyo oto sedan nan mangkilek-kilek jo rumah gadang batingkek-tingkek lah dipastikan lo fulus gaek ko bakambuik-kambuik pulo Tapi nan gadih nan ditaksir jo gaek bamato tajam ko, iyo indak ajan do (ajan samo jo nio) indak lintuah hatinyo dek sagalo arato gaek Ago go nan masih baselero ingin punyo bini mudo juo itu mungkin jaman dulu, kok jaman kini jaan disabuik banyak gaek gata nan tajir baselero tajam mampabinian anak gadih urang, nan si gadih nan pantiang yo oto sedan mangkilek, rumah gadang batingkek jo pitih banyak gaek nan basinjato pisau dapua nan tajam ko :) Aha kondisi rill dikehidupan sosial kini kan lah sudah lo dijawek dek lirik lagu Iwan Falls nan bajudul "Ancur" dalam album "in calloboration with" dicaritokan seorang duda baranak tigo mambaok kabur anak gadih pacar urang, nan duda ko tajir jo gigi amehnyo nan ting ting ting, he he he ampia tiok pagi ka kantua ambo puta lagu nan banomor sapuluah dalam album IF tu Yo taragak bana ambo ingin mancari kaset lagu lamo Elly Kasim ko nan ado lagunyo bajudul "awak indak ajan" sia lah pencipta lagu ko yo, bagi ambo kok mambaco lirik lagu ko penciptanyo kreatif dengan penyusunan kata-kata dan lirik nan kuek dan taraso pas jo kondisi kehidupan dijaman tu, kalau nan punyo oto sedan mangkilek katiko tu bana bana sebuah indikator urang nan kayo secara materi, apolai gaek nan baselero tajam nan punyo tantu iko bana sanjato andalannyo marayu-rayu gadih perawan untuak dijandikan bininyo nan nomor sekian, tapi iyo lo mah gadih ko lai indak ajan atau tagiua jo selero gaek nan tajam tu, mungkin cintonyo lah tapauik jo pemuda kampuang saumuanyo nan sederhana tapi inyo yakin bisa membahagia gadih ko lahia dan bathin dari pado gaek tajir nan bamato tajam ko hanyo mengandalkan aratonyo sajo jo nafsunyo. Jaman kini baa lah yo nan serba bergerak cepat dan materi yo sangaik paralu bana indak cinto sajo nampaknyo Mungkin kecek gadih kini "Nde awak ajan bana mah jo gaek nan tajir baselero tajam tu" Baitu pulo banyak urang nan gaek mapan jo kayo diusianyo, ndak do lai salero buruak ko mulai tajam taragak babini batambuah lo dek lai ado arato untuak manyilaukan anak gadih, lah banyak contoh gaek bamato tajam nan tajir babini batambuah jo nan mudo Simaklah dek sanak lirik lagu jadul ko..sip sip..mantap, senyum2 keteklah kito mambaconyo apolai kok sanak puta lo lagu ko, ndak saba ambo ingin mancari kaset Elly Kasim nan ado lagu ko atau sanak2 pambaco ado ndak di youtube lagu ko tolong infokan ka ambo linknyo *** AWAK INDAK AJAN Manampak nan tacilak Incek matonyo nan tabulalak Pantang nampak nan licin Jakun-jakunnyo batarak tacin Tapi awak tak ajan Jo urang gaek salero tajam Nyo basimpanan Anaknyo bakaceceran Awak tak ajan Awak tak ajan Bia pitih nyo banyak Bialah inyo kayo balindak Rumah gaduang batingkek Oto sedannyo bakilek-kilek Tapi awak tak ajan Jo urang gaek salero tajam Iyo awak tak suko Iyo awak tak suko A guno kayo Kok hati di rajo seso Awak tak suko Awak [...] Pekanbaru, 18 Desember 2009 Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe
