Pak JP Sakali lai tarimo kasih banyak atas tawarannyo. Nyampang ko lai lakeh galeh tajua, dilipek lapiak untuak ka pulang, tantu salakehnyo ambo mambel pak JP. Jiko durian nan di baco, iyo sabana banyak di Pakanbaru. Tabayang gulimang dagiangnyo di katan, raso ka ndak tasapo mintuo lalu. Apo lai ditutuik jo kopi satangah. Tapi sajak mabuak durian di tapi danau Maninjau sapuluah tahun lalu, iyo alah bana-bana suruik cepuik mamakan durian ko. Iyo sabana marasai mabuak durian, raso aleng lantai tampek tagak, langik dipandang raso baputa, nio dimuntahkan inyo ndak nio. Akhirnyo angin danau se nan manyalasaikan, ditingkah jo gumaman kawan sairiang, "lai ka salamaik paja ko"...he..he.... Karano lupo minum ayia dari nabunyo. Iyo agak takuik makan durian sajak itu.
Kini, takana teh talua nan agak kamek, talua itiak kocok mambuih dimuluik galeh, disiram jo tetesan asam kapeh, pailang anyia, ka baa pulo rasonyo. Salam Andiko Sutan Mancayo jupardi...@yahoo.com wrote: > Sanak Andiko > > Onde yo mantap bana nyo yoh, iko sabana hidangan nan super barek di meja > ampera tu..ndak do lai..ambo istilahkan dalam kamus kuliner los lambuang ambo > bantuak iko sanak makan jo bule tu > > C4 alias Cepak Cepong Cantuang Cantang... > > Okelah kok yo taragak pai makan ikan patin atau bauang asam padeh kok lah > batutuik galeh sanak tu telpon sajo ambo > > Sudah makan tu bapupuah lo ndak durian katan di jalan sudirman nan tiok hari > ado taruih walau ndak musim durian tapi tetap ado durian di kota pku ko > pokoknyo ado sajo datang durian dari daerah lain, apolai kini sadang puncak > musim durian..ndak do lai sagarobak tundo durian masuak ka kota ko > > Salam-Jepe > Sent from my BlackBerry® smartphone from Sinyal Bagus XL, Nyambung > Teruuusss...! > > -----Original Message----- > From: andikoGmail <andi.ko...@gmail.com> > Date: Fri, 18 Dec 2009 22:14:01 > To: <RantauNet@googlegroups.com> > Subject: [...@ntau-net] Ampera Jl. Sudirman Pakanbaru > > Hari partamo di Pakan, dibuka jo kesan nan mandalam karena talepon dari > pak JP. Namun sayang, galeh alun basaok, baru satangah hari takambang, > sahinggo alun jadi batamu jo baliau. Tapi tarimo kasih, pak JP yang alah > menunjukkan tingkat perhatian yang tinggi kapado ambo sebagai tamu yang > alun batamu sacaro fisik. > > Hari partamo di Pakanbaru, ditutuik jo manatap sanjo rayo, agak mendung > dari balkon tingkek duo kantua ko. Sakatiko azan mugarik mangumandang, > malinteh raso rindu ka kampuang halaman, hati bergetar, raso ka > malangkah ka surau kampuang, tapi badan jauh dirantau. Ciek duo urang > lalu ba mukena atau basaruang ka pai manunaikan sumbayang mugarik ka > musajik. > > Salasai mugarik ditunaikan, badarun oto mambao ka jalan Sudirman. Sasui > jo kandak hati, oto baranti tapek di mungko remaja tex. Disubarang > jalan, alah rami urang bakacintuang makan malam. Ampera indak banamo ko, > sungguah rami dan banyak urang mananti tampek duduak kosong. Sakatiko, > pailah kami mancigok ka garobak etalasi, mode urang kalap mamasan samba, > mulai dari dendeng kariang nan ladonyo merah manyalo, sarato jo ikan > salai goreng, batambah jo gulai paruik baisi talua, langkok sarato jo > karupuak jariang siram. Nan kawan dari banua kangguru ko, sibuk pulo > mamintak jamba, mulai dari ikan lauik goreng, taruang goreng, sampai ka > sayua lobak gulai, indak lupo pulo kawan ko mamasan, samba lado. > > Sakatiko jamba tahidang, silang basilang tangan mangaca samba, batumpuak > ikan lauik goreng jo, baluik goreng, sato pulo karupuak jariang basiram > kuah di pirang sanak ko. Galak tansengeang se urang nan mancaliak, ado > pulo bule makan karupuak jariang. Jikok ambo, yo sabana lapeh bana > uweh-uweh, raso pulang karumah mandeh, batingkah dendeng kariang jo > gulai usus, manyarato taruang goreng, datang manutuik karupuak baguak jo > karupuak jariang. > > Makan ditutuik jo es teh manih, parabuangan dipasang jo asok dji sam > soe. Iyo sabana lapeh panek jo uweh-uweh hari ko. Opo lai, salero dianta > jo lagu-lagu, mulai dari lagu jadul mode bruri, sampai ka lagu sadiah > sekelas Zalmon. Iyo indak rugi kalua pitih utk seniman jalanan ko. > > Sakian dulu. > > Andiko Sutan Mancayo > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe
