Andiko , Pak Masrur dan Sanak sadonyo pencinta kuliner Ranah Minang tacinto
Lapeh jumat sadang lamak manyuok randang jo samba lado matah ba asam kapeh dipagotok juo patai matah jo kuliknyo, o yai yai mungkin dek sa bathin juo mah Andiko, baa kecek sutan jo bayangan sajo mati wak di tikamnnyo Dek ndak rila si Jepe kanai ogoh saleronyo. Jo palai bada dari batam, masuak satungkuih palai suaso dilatakan ka tangah meja Batanyo lah ambo ka "condeleza rice" tu Ha dari ma ko palai Iko dari pakiriman amak satungkuih buek Uda..jaan banyak tanyo lai kadibuka atau disimpan Mambana.uda buka Asap diak Daun nan kariang masiak suduiknyo lah warna hitam co baro balapih duo, daun bagian dalam lah manguniang baambun sato tabuka mahawp sakali harum padeh rasan2 kunyik ko Palai yo ndak bakarambia do, lado jo sagalo bumbu digiliang haluih co badak bayi, bapulun2 manyatu mambungkuih saikua ikan suaso. Saleba dua jari labiah saketek Ikan suaso ketek indak gadangpun alun, sarupo anak gadih nan ka jolong gadang "mati karancakan" yo kamek , kok ibaraik anak bujang suaso duo jari ko sadang tagiah bana "onjak-onjak rancak dilabuah manalen" ha ha ha asal deh gw baa kecek dendang sutan ukuran duo cari nan dapeknyo babilang tahun iduik di lauik tabayang dek ambo tantu ikan cando iko iduik mancari makan alami sajo dilauik padanan rasonyo nan dapek tantu manih sajo raso dagiang ikan ko (Sanak sadonyo disikolah seni dendang Sutan Mancayo nan ambo nikmati tu, katiko sutan ko mancaritokan ikan gulai urang lintau di tuturkan dek Sutan Mancayo "iduik batahun disungai" iko secaro kiasan kito harusmambaconyo ikan bantuak iko nan iduik dialam tantu rasonyo manih, babeda jo ikan taranak nan di sungkahi makan dan dipompa gadang badannyo tigo bulan siap di konsumsi ) Bantuak palai suaso mintuo ko yo buruaknyo kok raso jaan disabuik nan ambo jo samba2 buruak ranah minang ko kok pangsan ambo dek rasonyo ambo rila, paliang beko diangkek urang disandakan ka dindiang pungguang diunjuaan kaki ditampa pipi duo kali kiri kanan par..par..par lansuang sadar, nan ambo takuikan adolah manginyam samba2 buruak ko "mamanjek-manjek dindiang" ambo deknyo, abih ubek baitu kecek bagarah urang mudo ha ha ha Yo padiah kalau kanai samba2 buruak urang tuo kampuang awak kok lah "mamanjek dindiang".dikecekan sadar indak, dikecekan gilo dibawok ka gaduik lai jauh pulo rasonyo Bajadi jadi batimbo2 suok ko masuak kamuluik, batingkah kulek badendang dacak lidah di dalam muluik sanak, batambah badendang lidah ko katiko pagotok patai matah lumek jo padeh lado palai suaso mintuo dikupia juo dagiang suaso..ondeee yo pangsan ambo dek rasoe Kalaulah ambo disuruah mamiliah Makan palai suaso mintuo ko atau basalaman jo Jurgen Klinsman Ndak talok ambo mamiliah walau kalewang lakek dilihia harus dipiliah ciek diantaro duo Mako ambo piliah. Tatap makan palai suaso mintuo ko lapeh jumat tadi sambia basalaman jo Jurgen Klinsman Kaduo2 ekplosif dan energik fan oportunis Palai sabana meledak2 rasonyo oprtunis bana maogoh salero buruak si Jepe, samantaro Jurgen Klinsman nan banamo ketek Klinsi striker pujaan ambo dimaso jayanyo, eksplosif meledak2, energik, cadiak dan oportunis di muko gawang, selebrasi golnyo yo menggairahkan bana sapadeh palai suaso nan ambo makan, Ndak do lai Palai bada nan di batam versus palai suaso mintuo di pekanbaru Iko partai klasik bana nan balago Antaro tim Panser jerman versus Tim Orange Balando di Final piala Dunia tahun 74. Dan lago semi Final Piala Eropa tahun 1988 samo2 manang jo skor nan samo 2-1... Alah dulu beko awak ulang liak Ambo tunggu dendang palai bada Sutan Mancayo dari Batam Pak Masrur awak batigo siang tadi yo la samo makan jo samba lado "buruak" tigo mode gaya, lagak dan ragamnyo..mudah2an awak lai samo2 pangsan deknyo alias kakanyangan sangkiah paruik makan tadi siang ha ha ha Kini barubah salam ambo lai indak "life on a plate" Tapi salam "Dendang Kuliner" Wass-Jepe Diulang posting lai, tadi ado poto ndak masuak mungkin barek bana Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe