Assalamu'alaikum Warahmatullahi Wabarakaatuh,
Untuak nan manyenangi seni kuliner tarutamo nan dari ranah awak, iko ambo langkok i Kodak-kodak prosesi pembuatan kuliner nan alah pernah ambo lapeh di ukatu nan lapau. Silahkan dicigok di : http://www.facebook.com/rina.permadi?ref=profile#/album.php?aid=2034187 <http://www.facebook.com/rina.permadi?ref=profile#/album.php?aid=2034187&id= 1335685314> &id=1335685314 Hanyo sajo dek pakai kamera HP jadi ndak baitu tajam kodaknyo. Salam Kuliner... Rina, 33, batam From: rinapermadi [mailto:rinaperm...@gmail.com] Sent: Friday, December 04, 2009 4:59 PM To: 'rantaunet@googlegroups.com' Subject: Manujuah bulan jo 'AYAM PATAH LADO MUDO' Assalamu'alaikum Warahmatullahi Wabarakaatuh, Urang Lapau nan ambo hormati, Ado sebuah menu nan biaso di buek di kampuang ambo di Bukiktinggi tapeknyo di daerah Tilatang Kamang. Jiko ado minantu nan sadang manganduang 7 bulan. Dek mintuonyo akan dibaokkan singgang ayam nan biasonyo ayam jantan kampuang nan sadang elok gadangnyo. Si mintuo mambaok ayam ko ka rumah minantunyo nan biasonyo masih barado di seputaran rumah bisannyo atau mmg sarumah. Ambo indak bitu tau mengenai adat manujuah bulan ko tapi nan ambo ingek bana ukatu sato jo syukuran manujuah bulan ko adolah masakan nan dimasak dari bahan singgang ayam nan diantaan mintuo ko ka rumah minantunyo ko. Lah sampai di rumah minantu ko si ayam nan dibaok jo talam nan disungkuik jo sungkuik daun karambia baanyam ko. Lansuang di baok ka dapua. Tibo di dapua lansuang di potong2 trus diabuih jo aia matah nan banyak. Sambia manunggu manggalagak, digiliang lado hijau fresh satangah kilo jo bawang putiah 3 uleh plus bawang merah 5 uleh. Lansuang dicampuan jo rabuihan ayam tadi. Sambia di kacauan di masuakkan daun limau puruik 3 lembar jo parehan aia limau Sunday duo buah. Terakhir diagiah pangka sarai jo langkueh nan ditokok. Lah manggalagak-galagak sup ayam ko, lansuang disanduak di cawan nan agak gadang, trus dihidangan jo samba2 nan lainnyo. Makan basamo-samo jo mintuo nan tibo cako tu. Dari adaik manujuah bulan ko, nampak bana simbiosis mutualismanyo. Bisa makan lamak basamo2 kanyang paruik pun hati sanang. Sayangnyo, acara ko biasonyo hanyo untuak urang padusi sajo.. Wassalam Rina, batam
-- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe