Karik an ambo Dewis nan baiak, Ambo satuju jo pandapek dan pernyataan Is soal nan partamo dan kaduo. Soal nan katigo, PT RPU itu sedikit banyaknyo jadi sangaik rumik katiko berpulangnyo adiak awak Yofi Andri dalam usia mudo wakatu upayo ko alun manga-manga. Khususnyo soal Minang Inc ... ambo mandukuang sajo waktu itu dan indak banyak ikuik sato. Tapi malah ambo barusaho dipinggirkan dari persoalan itu sampai juo fitnah diarahkan ka ambo. Samo tahu lah awak Is, dek kito dulu basamo-samo bagian dari berbagai macam kejadian nan tajadi waktu itu.
Tapi maaf Is ambo sangaik manyayangkan soal poin ka 4 dan 5. Kok jadi bacampuak aduak dinamika milis jo masalah mendirikan badan hukum pado poin Is nan ka ampek. Milis komunitas apopun nan ado salamonyo co iko lah. Urang datang dan pai, urang manulih dimilis komunitas indak bisa ditagah jiko inyo manggiriang topik ka minatnyo masiang-masiang, manulih sasuai pandapek isi kapalo tiok urang nan pasti babeda. Sampai mangekspresikan hal nan indak paralu untuak urang banyak nan ado dimilis ko pun acok tajadi. Topik nan penting dan paralu dengan mudah bisa tatimbun, dek topik nan indak penting. Cilakonyo suko jadi lupo, jumlah tulisan bisa manggiriang pada minat kearah mendominasi subjektifitas topik nan diminati sajo. Karena memang topik cito-cito sinergi mamajukan kampuang dan cito-cito elok lain ateh namo minangkabau tantu jaleh labiah barek dan panuah tangguang jawab. Bahkan ado juo nan bapandapek Palanta RantauNet kito ko hanya tampek basilaturahim sajo, tampek ma ota lamak atau tampek marintang-rintang hari bahkan manjadikan tampek cubo-cubo kapandaian. Antah ba a, Is pada poin ka ampek mancampua aduak persoalan dinamika milis, motivasi babeda urang nan ado di milis Palanta kito ko jo soal kamambuek badan hukum manjadi hal nan sejalan. Palanta RantauNet alah sangaik lamo sahinggo manjadi domain umum, indak surangpun bisa maraso paliang bakuaso disiko dek terlalu lamo dan terlalu banyaknyo urang datang dan pain an bajaso disiko. Jadi jiko di organisasikan persoalannyo bottom up, sedangkan jiko jaleh ado urang nan mandirikan dan paliang bajaso disiko persoalan jadi mudah karena bisa top-down. Lagian juo persoalan nan salamo ko ado, bukan persoalan mandirikan badan hukum nyo. Tapi pada persoalan tahap awal berjalannyo badan hukum nan pasti barek. Saat itu indak kabisa disambie-sambiekan, waktu nan banyak, mamaralukan sumber daya manusia dan modal yang serius. Tanpa itu nan katajadi, adolah tulak manulak dan saliang ansua ma ansua karajo sajo diantaro awak, dan pada banyak persoalan kami nan hanya 2 urang sajo aktif di Dapua suko atau tidak suko akhirnyo manjadi tumpuan persoalan-persoalan itu ditengah kemampuan waktu dan dana kami nan terbatas. Bitu juo soal nan kalimo, nan manuruik ambo sebuah kesimpulan nan salah: "ngari awak jo rantaunet, disitu urang profesor sadonyo". Mohon salanjuiknyo indak dipatajam taruih pandapek co iko. Sabagai urang nan salalu ado dibalakang dalam pasang naiak dan pasang suruiknyo Palanta RantauNet, ambo kecewa jiko pikiran nan sarupo iko, indak ado usaho untuak manjalehkan dari urang-urang dari Palanta RantauNet nan mandirikan Cimbuak. Kami nan di Dapua Palanta RantauNet salamo ko maraso sangaik badunsanak dakek jo Cimbuak. Cimbuak dimulai dari silaturahim di Palanta Rantaunet ko juo, mambuek website untuak Kampuang Sungai Pua mulonyo dan menjelma manjadi website Minangkabau, corong informasi Minangkabau searahnyo. Sedangkan Palanta RantauNet tampek manghimpun komunitas dengan silaturahmi dan tampek ma ota dengan mailing list. Dan salamo ko bisa saliang mangisi sajo dengan banyaknyo content dari Palanta RantauNet ado diwebsite Cimbuak. Cimbuak juo ma hubungi urang-urang nan diparalukan di Cimbuak lewat Palanta RantauNet dan kegiatan-kegiatan Cimbuak banyak published melalui Palanta RantauNet. Tapi tanyato Cimbuak maraso indak ado paralunyo badunsanak jo Palanta RantauNet. Dan memang itu sah-sah sajo. Dek maraso badunsanak itu lah makonyo ambo pernah bapikiran dan mambuka wacana mamfusikan RantauNet jo Cimbuak, dalam satu badan hukum sajo khususnyo masalah sosial. Soal web dan milis tetap berjalan seperti keadannya sekarang dan bisa labiah saling mengisi lagi karena ciek payuang. Untuak cito-cito nan samo ateh namo sinergi dan kemajuan Ranah, indak paralu banyak-banyak Yayasan karena Cimbuak jaleh alah ado Yayasannyo. Yayasan Cimbuak nan alah ado dan Yayasan RantauNet nan ka upayokan dalam tahap awal jaleh batujuan samo utamonyo dalam karajo sosial. Kenyataan juo dana an digalang untuak masalah sosial nan takumpua di RantauNet dan Cimbuak banyak barasal dari urang-urang nan samo. Harusnyo akan labieh elok RantauNet dan Cimbuak dalam satu payung Yayasan untuak masalah sosial, walaupun tetap bajalan sendiri operasionalnyo. Cimbuak di website dan Palanta RantauNet dimilis dengan saliang mandukuang persoalan nan ado. Tapi nampaknyo kawan-kawan di Cimbuak labieh suko bajalan sendiri, walaupun jaleh karajo dan tujuan sosialnyo samo. Itu sajo klarifikasi ambo. Mohon maaf wacana nan pernah ambo sampaikan itu, manggaduah perjalanan Cimbuak jadinyo. Itu dek karano ambo pribadi sangaik berkeinginan juo mambuktikan bahwa si Minang masih bisa bakarajo samo indak sekedar samo-samo karajo. Tapi tanyato ambo jadi salah nampaknyo. Silahkan ditaruihkan keinginan kito basamo untuak mandirikan Yayasan RantauNet nan kito cito-cito kan. >MIKO Rang Dapua > -----Original Message----- > From: rantaunet@googlegroups.com [mailto:rantau...@googlegroups.com] On > Behalf Of Dewis Natra > Sent: Thursday, 21 January 2010 21:52 > To: rantaunet@googlegroups.com > Subject: Re: [...@ntau-net] Mari Mendirikan Yayasan Rantau Net > > Ass. Wr. Wb. > > Dunsanak palanta, cukuik lamo juo ndak manyapo dipalanta, tapi basilau > lai rutin juo, cuma 2 minggu akhirko ndak ta cigap palantako. > Dicubo manyilau ciek2 sadang hangek topik, yayasan rantaunet, Wil Wiz, > orgen tunggal. > Dek tajuluak pulo baliak draft yayasan 6 tahun lalu oleh mak Dt Marah > Bangso, kabatulan tacantum pulo namo ambo sabagai pangurus, kabatulan > ambo jadi sekretaris wakatu itu. > > Dek Mak Duta alah manjuluak juo kama se nan namo tatulih indak basuaro, > dicubolah manulih saketek, > > Partamo tantu kato maaf nan dipintakan, sabagai urang nan alah diagiah > umanaik indak bisa manjalankannyo. Ambo cubo uraikan saketek kondisi > nan mambuek indak jalan. > > Partomo, > Kito minta wakatu itu untuak jadi ketua yayasan ajo Buyuang, padahal > saat diminta jadi ketua, ajo buyuang sudah ndak aktif dirantaunet lai, > dengan harapan setelah ajo buyuang jadi ketua, baliau bisa aktif > baliak, dan hal iko banyak saketeknyo agak mandek karano diskusi > palanta ndak sampai ka baliau dan awak bergerak di online sadang > pertamuan offline jarang. > > Kaduo, > Rang mudo nan capek kaki ringan tangan, mulai ciek2 patah arang, jo > bermacam macam alasan, ado nan kanai sipak kudo, ado nan alah jenuh, > kondisi palanta kadang ndak kondusif, sabanyak nan satuju nan sumangaik > sakitu pulo banyak nan tukang tubo. Hendri, Iraf, Hendra Messa, ambo > sandiri, baitu juo Nofen nan alah disabuikkan di emailnyo, Nofend ka > manonton se kiniko. > > Katigo, > TRUST palantako sabana lah hilang dimato urang banyak, banyak nan alah > digagas dulu dan alah hampia bajalan, bahkan investasi alah ado nan > takumpua. gagasan ndak jalan tapi ndak ado pertanggung jawabanyo, mulai > dari RPU, Minc Inc, dll. > Kalaupun keuangan sudah habis untuak operasional, tatap ado pertanggung > jawabanyo. Tapi hal itu ndak muncul. > Ambo mulai di RN sajak tahun 2000 an, dan aktif mambantu rang dapua > mangumpuakan sarok2 palanta. > Muncul wakatu itu gagasan brilian untuak mambangun kampuang, koperasi > investasi, terdaftar lah Minang Incoparated (Min Inc), terdaftar tapaik > di 100 thn bung Hatta kalau ndak salah. bahkan manuruik pak Mac > Barijambek salaku ketua Min Inc, marupokan hal yg pertamo koperasi > investasiko di Indonesia kalau jalan bisa jadi percontohan. > Selaku anak mudo wakatu itu diminta untuak mambuek bisnis plan dari > Minc Inc iko, wakatu itu 9 urang nan di nakoda i oleh Mak Ismal > kebetulan lburan musim dingin di Indonesia, basitungkin mambuek bisnis > plan labiah 3 bulan di Rumah dunsanak Mak Ismal di Puncak, hampia > satiok week end alah tibo di puncak, kalau diraso masih kurang, > sapulang karajo basambuang pulo di pasa minggu sampai pukua 12 malam. > Pujian, cacian, makian, tuduhan dan sampai teror dihadapi oleh anak > mudo nan tagabuang di team 9 wakatu itu.(ambo, Iraf, Hendri, Ronal > Putra, Hendra Messa, Ronald Chandra, Mak Darul, Mak Ismal). > Dari siko mulai lah patah arang surang2. > > Ka ampek, > Salamo ambo duduak di palantako, kondisi nan ambo amati. > 1. Palanta ndak jauah beda jo carito rapek mancik dari group balerong. > Katiko mancik ma adokan rapek, ba caronyo katiko kuciang tibo awak > dapek kode sahinggo bisa lari, babagai usulan masuak, hampia tiok > mancik basuaro, didapek kato bulek, dilatakkan giriang2 di lihia > mancik. batokokok palu. > Katiko di lanjuik rundiang, sia nan ka malatakkan giriang2 ka lihia > kuciang, sado mancik haniang. > 2. Ado pandapek dari urang nan mangamati RN juo, Rantaunet marupokan > tampaik urang basaluang, babaleh pantun, pasambahan, sahinggo dek > asyikno ndak taraso dapua tapanggang. > 3. Katiko ado usulan datang nan agak tageh, ndak banyak bana nan > baminaik mambahas,karano sabagian ba anggapan "iko kaset lamo diputa > ulang" sabab dari dulu alah sambuah ide tapi yo tingga ditingkek ide > sajo. Carito sinergi minang dari dulu alah muncul, tapi iyo lenyap > dikulun wakatuse. dan sabagian sipaik manunggu, sato manumpang klo lah > jalan biduaktu. > > Kalimo > Dalam perjalanan ambo di rantaunet, batamu jo urang sakampuang da Erwin > Mochtar, kami mancubo babuek sasuatu untuak kampuang Sungai Pua, > babantuak website database www.cimbuak.net, cuma dalam perjalanan > tanggapan urang lua Sungai Pua labiah gadang, kami rubahlah iko manjadi > website Minangkabau tampa marubah namo. > Pujian, cemohon ndak saketek pulo nan kami tarimo, dalam perjalanan, > prihatin jo kondisi pendidikan dikampuang, lahialah yayasan palanta > cimbuak nan konsen mancari dana beasiswa dan honor guru mangaji > dikampuang. > Usul uda miko untuak digabuang yayasan palanta cimbuak jo rantaunet > pernah ambo lontarkan kapangurus, tanggapan pengurus dan sabagian > member nan hadir wakatu itu "ngari awak jo rantaunet, disitu urang > profesor sadonyo, ndak tadayuang dek awak biduakko beko, bialah awak > dayuang perahu ketekko sakuaik tanago dan samampu kito", samantaro > konsen kito ka beasiswa dan honor guru mangaji dikampuang, sadangkan di > RN banyak ide brilian, itu tanggapan nan jadi kato bulek da, kato > bulek, kato nan disepakati. > > Itu saketek tanggapan ambo, mudah2an sanak paham jo kondisi ba'a kok > ndak jalan yayasan palantako, banyak nan patah arang, trust nan alah > hilang, ide brilian kebanyakan co kaset puta ulang, dulu alah muncul > kini muncul juo baliak namun tingga ditingkek ide sajo, rapek mancik > dll. > > Mudah2an transfusi darah baru nan disemprotkan ajo duta da riri, bisa > mambaliakkan iko sadonyo dan yayasan RN bisa bangkik untuak jalan. > Kalau AD ART masih relevant taruihkan sajo, nan pangurus tantu rancak > dibantuak baliak. > > Terakhir ambo minta maaf, kok ado nan talantuang, nan tasingguang ambo > minta maaf. Dukungan untuak jalan dari ambo tatap ado. mudah2an infus > baru dari ajo duta, da riri dan sanak lain mambari nuansa baru. > > Wasalam, > Dewis Natra (Is) 40an > > > > Pada 20 Januari 2010 23:51, <muly...@pusri.co.id> menulis: > > Waalaikumsalam,wr,wb. > > > an. > > > > Apo nan diuraikan panjang leba dek Uda CD Rajo Sampono seperti > dibawah > > ko jo apo nan Ajo Duta herankan... baa mangko dunsanak2 nan namonyo > > tacantum di dokumen bertanggal 06-06-2004 tu indak namuah mancogok > dan > > ikuik membahas masalah ko ? .... samo jo apo nan ambo rasokan > kini..., > > apolah sabab dan gerangan nyo ? Apo mungkin sadang sibuak bana, > > sahinggo indak sempat mambaco apo nan manjadi pembahasan kito dalam > > beberapo hari terakhir ko? .... Subananyo ambo pun talambek dalam > > maresponnyo dek karano ambo pun baru sembuh dan pulih matonyo dari > operasi katarak. > > > > > Ambo himbau sakali lai bagi nan peduli jo Rantaunet ko tarutamo nan > > menjadi pemrakarsa atau pendahulu nan ikuik mambuek draft AD > Rantaunet > > ko > > 6 tahun nan silam tu untuak ikuik samo2 membidani Yayasan RantauNet > ko. > > > > Apokah Rantaunet ko hanyo akan kito jadikan tampek malempar wacana, > > ide dan debat kusir sajo?, atau tampek kito bernostalgia, beretorika > > dan bertutur tulis sajo? tanpa ado implimentasi nan bermanfaat bagi > > nagari dan kampuang kito.... Semoga saluang sajo nan ka manyampaikan. > > > > Untuak itu.... ambo mintak maaf kok dek ka naiak tadi ado nan talendo > > dan katurun kiniko ado nan talantuang...itu bukan ambo sangajo...ka > > Tuhan sajo ambo mintak ampun. > > > > Wassalam, > > HM Dt.MB (53-) > > Kuli Pabirik Pupuak Urea Pusri Palembang > > > >> Ass wr wb > > > > -- > http://www.cimbuak.net > Kampuang nan jauah dimato dakek dijari > > http://urangminang.wordpress.com > http://palantaminang.wordpress.com -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
