Sanak Palanta
Dilapeh malam jo dendang salauang "Nasip Padi Salibu", dipandang-pandang
juo puncak jam gadang, barisuak baurak selo, diayun langkah, balajan
luruih ka kota Padang. Saluang maratok bak cando sambilu, hati sadidih
nyo lapah juo. Indak ka talok mancaliak ka bulakang barisuak, bialah
bendi badarun mampajauah jarak. Yoooooooo dalam galak tangih taisak,
kamalah badan ka batenggang. Kalau ado rasaki baliak, Katajajak juo
handaknyo koto rang Agam ko. Tatampuah juo jalan baliku di Sianok,
manapi tabiang ka Sungai Jariang, bakelok jalan ka Matua, manurun tibo
di Maninjau. Disinan jajak ditikam, jauah mandalam kadalam hati. Baitu
pulo manyimpang jalan ka Baso, datang manyambuik si Tabek Patah,
Salimpauang jo Mandahiliang, datang manyambuik Rao-Rao, disinan
mangkonyo Sungai Torok Salapan Batua, Bakapak nan Baradai, Ba katitiran
diujuang tunjuak. Kasinan angan basitumpu.
Salamaik tingga Koto Rang Agam,
Nak Rang Solok mak ma ambiak cangkeh, cangkeh di lereng pandakian
ari lah elok musim lah lapeh, pabilo sayang basampaikan
Baduo kami mandendangkan, Solok Bacangkeh ko lagunyo
Asa lai sayang basampaikan, lamo lambek den nanti juo.
Salam
Andiko Sutan Mancayo
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe