Assalamualaikum ww Nan ambo hormati Bpk Prof Lies Suryadi , Bpk Jupardi Jepe sarato dunsanak sapalanta Rantau Net .
Partamu ambo maucapkan banyak tarimo kasih ateh ulasan dan komentar Bapak2 tantang tulisan ambo manjawab partanyaan dunsanak Adyan St Rumah Panjang manganai parsaratan mandirikan rumah gadang . Itulah nan ambo tarimo dari leluhur ambo didesa sabalun manjujuang pusako 40 thn yl , mamak ambo Dt Bagindo Mulano , jangankan PT sikola SD pun baliau indak tamat, apolagi mambaco buku nan ditulih oleh ahli urang asing sarupo nan Prof Suryadi temukan di nagari Bulando tu . Ambo pun indak/alun mambaco buku tu , karano ambo buto bahaso asiang tu. Jadi ambo adolah salah seorang Pangulu nan minim pangatahuan kalau indak buliah dikatokan bodoh . Ambolah nan pantas digalakan oleh Siamang dirimbo, jan ado nan lain andaknyo, nan pasti Cacak didindiang satiok malam mancemooh kan ambo, ambo tarimo dengan ikhlas karano memang baitu kaadannyo. Umua sajo nan panjang, isi nyo kosong, semoga indak dialami oleh nan mudo2 dikemudian hari .. Amin . Sahubungan dengan itu ambo mengharapkan Bpk Prof Suryadi dkk bersedia mantarjemahkan buku2 Adat Minangkabau nan ditulih oleh urang Bulando tu, untuak dijadikan bahan palajaran atau referensi oleh para Pangulu pamangku Adat Minangka bau dikamudian hari . Dalam mantarjemahkan buku2 itu tolong disariang jan sampai tabaok nan indak bamanfaat, ado kamungkinan panulih asiang tu, menuliskan pandapek atau pernyataan salah dari tokoh-tokoh urang Minangkabau sandiri waktu malakukan panalitian lapangan . Misanyo, Rumah Gadang tu cuma elok untuak diliek, indak untuak ditampati, cuma tampek manimbo sansaro, oleh sabab itu RG tu harus diruntuahkan , dst Barangkek dari situ, ambo menghimbau agar para akademisi para pakar/ahli , para hartawan/dermawan, LKAAM, Yayasan Gebu Minang, LAKM, Group DAMI, Group RN Fundation, Yayasan Komunitas RN dan pihak2 lain yang peduli pada Adat Minangkabau, untuk basamo-samo membangun satu Lembaga Pendidikan Adat di Ranah Minang sebagai monumen budaya nan kakito warihkan untuk generasi barikuiknyo. Kito mampartahankan falfafah ABS-SBK , paralu diusaokan kasaimbangan pembinaan Adat dan Agamo Di bidang Agamo lah banyak lemdiknyo, kito lah punyo puluhan Profesor , Doktor bidang agamo, tapi dibidang Adat sarupo iko kaadaannyo . Para pemangku Adat indak mandapek bekal pangata huan nan samo sabalun diangkek jadi pangulu . Mudah2an indak akan dialami oleh generasi barikuik . Ikolah sabab tagalak Siamang dirimbo kato Prof Suryadi nan di nagari Bulando kiniko ,hal iko indak dapek dipungkiri . Sakitu dulu untuak kito renungkan basamo. Wassalam dari : Inyiak Lako, L - 74 . DEPOK. 8 Febr 2010 . Sent from my BlackBerry® powered by Sinyal Kuat INDOSAT -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
