Pagi partamo di Batam, subuah mandaki, lambek-lambek mamerahkan kaki
langik. Sakatiko badan tajago katiko bahu diguncang seseorang. Oh
yo...ambo bajanji menemani urang rumah jalan pagi kuliliang kompleks.
Kato dokter, jalan pagi itu baik untuak mempermudah proses melahirkan.
Mulailah jalan pagi dari mungko rumah, taruih manadaki ka ateh bukik. Di
tapi jalan ka ateh, batamu sejenis tanaman yang di kampuang ambo di
sabuik "Daun Cincau". Daun cincau ko acok kami ambiak kutiko maso
ketek-ketek. Daun ko dirameh dan aianyo diandokkan. Beko kalau alah
mambaku, cincau hijau ko dimakan jo gulo saka tabu. Yo sabana dingin
khasiatnyo.
Setelah salasai jalan pagi, masuak agenda kaduo, pai ka rumah sakik.
Mungkin mode iko juo ritual yang dijalani dek ayah ambo dulu kutiko
mandeh manganduang ambo. Angku Dotor mamareso jo alat nan bisa
menampilkan bayangan jabang bayi di monitor, raso tabayang alam
kegelapan yang memulai kehidupan yang pado akhirnyo akan diakhiri juo jo
alam kegelapan. Mungkin dapek jadi perumpamaan untuak manjalani
kehidupan. Kutiko tombol suaro di alat tu di gadangan, tadangalah datak
jantuang si jabang bayi, menggema di ruangan angku dotor. Teknologi
kalau digali dan dimanfaatkan secara positif, akan banyak membantu
manusia. Tapi kalau digunakan sebaliknyo, Facebook sajo alah mulai
menimbulkan masalah.
Setelah manyinggahan urang rumah ka kantua, kaki malangkah pulang, nan
takana, dirumah sadang manunggu goreng teri balah lado mudo, bacampua jo
tempe dan rimbang, raso ndak saba ka manyantuangnyo.
Salam
Andiko Sutan Mancayo
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
