Mak Ngah, Iyo itu nampaknyo inti carito nan dibayangkan pak guru tu ka ambo. Makonyo nyo capek ambo lewakan di palanta. Jadi samo sakali bukan bermaksud menghakimi atau menjelek-jelekkan urang lain.
Wakatu manulih puisi tu, tabayang di ambo baliak 'peringatan' mak ngah ka 'seseorang': KOK LAH JADI PENDETA HEBAT BANA ANGKU KINI, JAN DI AJAK PULO ANAK KAMANAKAN ANGKU DI KAMPUANG, APO LAI ANAK KAMANAKAN NAN DI PINGGIRAN DANAU TU! Apo lai kejadiannyo di kampuang urang nan mak ngah peringatkan itu.... Itu pulolah sababnyo katiko mambaleh email Uda Zul Tan, ambo selipkan ciek kalimat : "Alhamdulillah lai ndak ado sikolah kristen doh Kanda....". Semoga itu TAKKAN PERNAH ADA.... Wassalam, Rita ------------------------ Pada 17 Februari 2010 23:28, sjamsir_sjarif <hamboc...@yahoo.com> menulis: > 1. Masalah apokoh Sumbayang harus pakai sajadah permadani bagambar-gambar > Kabah tu atau indak, ambo raso indak. Awak dapek sumbayang dima sajo asa > indak di ateh tampek barasiah tanpa najis. Ambo raso iko dapek diverifikasi > dek Suluah Bendang kito di Lapau. > > Di Musajik ambo di Santa Cruz, California, kami sembahyang di karpet polos > biaso sajo tapi barasiah. Tadinyo ado banyak sajadah, ambo sandiri mambawo > ciek untuak musajik dari Makah. Tapi babarapo tahun nan lalu, salah saurang > anggota jemaah manyimpan sajadah-sajadah tu untuak sumbayang jumaat. > Alasannyo hiasan-hasan sajadah tu mangganggu konsentrasi awak. Jadi kamai > sumbayang di karpet polos. Baitu juo musajik-musajik nan gadang-gadang di > SanFranciwsco Bay Area mampunyoi Karpet Polos untuak solat dan dibari > garih-garih saf. Indak samo jo kebanyakan musajik di Kampuang Awak nan > mamaralukan mambali sajadah-sajadah berhiasan berwarna warni untuak Musajik. > > 2. Kekhawatiran Murai Kukuban dengan Carito Pak Guru dengan aia mato > balinang tu, paralu dapek paratian. Ado kaba dibaliak barih. Ikopun manjadi > kakhawatiran MakNgah sajak babarapo wakatu nan lalu, labiah-labiah sajak > Gampo Pariaman dengan runtuahnyo nagari-nagari Tanjuang Sani Danau Maninjau > Bagian Selatan. > > Kakhawatiran, atau labiah kareh lai kecurigaan, MakNgah ko mungkin baalasan > mancaliak isu-isu efek sampiang kaagamoan nan tajadi waktu giatnyo > sumbangan-sumbangan gampo. > > Wakatu awak sibuak mambaritokan korban-korban gampo langkok dengan > gambar-gambar nan mengharukan hati, MakNgah forwardkan brito-barito dan > gambar-gambar tu ka kawan-kawan di Rantau Jauah. Tamasuak Pangajian San > Francisco. Istimewa barito-barito sadiah ko lakeh MakNgah kirim ka saurang > Uda nan barasa dari Tanjuang Sani nan lah lamo bana di Rantau Jauah ko. > > MakNgah kenal baliau pado Minggu partamu kadatangan di Rantau ko bulan > april 1966. MakNgah sangajo mancari baliau karano sabalun barangkek MakNgah > sempat ka Tanjuang Sani bamalam duo malam si sinan maota-ota jo dunsanak dan > famili baliau nanlah lamo baliau tinggakan. Kakak-kakak mereka nan rindu > minta MakNgah mancari baliau. Jadi dengan pertemuan ko lah MakNgah maangap > baliau sabagai Uda, Uang Awak nan paliang dakek sebagai tepatan dan tampek > baiyo batido. > > Sayangnyo, walaupun email-email MakNgah sabalun gampo lai baliau baleh, > tapi barito-barito langkok jo gambar-gambarnyo indak ado dapek komentar doh. > MakNgah babaiak sangko sajo kalau-kalau baliau indak mambaco email atau > alamatnyo alah barubah. Tapi kacurigaan muloi timbua,wakatu MakNgah tanyo ka > kawan sapangkek, saurang Uni dari Kampuang Awak juo nan lah samo-samo lamo > di rantau ko tanyato komunikasi email dengan alamat nan samo tu lai lasuah > antaro Uni jo Uda ko. MakNgah tanyo ka Uni ko, apokoh Uda awak, apokoh Uda > lai tahu dan takana Kamoang nan lah di Hoyak Gampo? Uni ko manjawab pasti > dan jujur. Lai, malah baliau aktif, sacaro diam-diam, mangarahkan > anggota-anggota baliau di Padang untuak manghubugi dan manyumbang > korban-korban gampo tu. MakNgah tacangak, tabulalak! Mungkin itulah sababnyo > Uda ko indak mambaleh email MakNgah...(Kami batigo saroman badunsanak, > MakNgah jo Uni ko samo-samo mamanggiakan Uda ka Baliau. Sadangkan Uni ko pun > mamanggiakan Uda ka Makngah , karano kami badakekan umua, Uni ko mudo > satahun.) Uda awak ko, lah lamo jadi Pandeta di Rantau ko. Dahulu mulo-mulo > sacaro incognito baliau "manggaleh babelok" Los Angeles, Jakarta, Padang, > Pakanbaru. Baliau punyo pangikuik-pangikuik di Padang. Sia tahu, nanti kok > tagak gareja di Maninjau ... > > Salam, > --MakNgah > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
