Assalamaualaikum warahmaullahi wabarakatuhu, MakNgah baru baliak dari Musajik SBIA http://sbia.info/site/ di San Jose sato marayokan Maulid Nabi. San Jose ko jaraknyo kiro-kiro sajarak Maninjau jo Bukittinggi (40 miles) dari Musajik MakNgah di Santa Cruz. Jalannyo Hy-17 babelok-belok babahayo pulang baliak, namun MakNgah lai salamat pulang pai, 45 minik salincam, agak kisok manuruik standard.
Di San Jose ado lo MCA http://www.mcabayarea.org/ musajik nan langkok jo sikolanyo sampai-sampai SMA dan pangunjuangnyo labiah banyak dan beragam daerah asa. MakNgah acok mangikuti acara kaduonyo. Tapi nan samalam ko ado duo acara nan batumbuak wakatu samo. MCA maadokan dinner untuak Fundraising Sekolah Granada, SBIA maadokan acara Maulid Nabi. Pikia-pikia kama ka pai eh, MakNgah putuihkan pai ka SBIA. Baa mangko mantun? Di MCA dinnernyo mambaia, sudah tu awak manyumbang pulo ala kadarnyo. Urang manyumbang basorak saroman urang malelang kue. Di SBIA dinnernyo perai, Makngah alah tahu gulai karinyo lamak. Badasarkan kaji awak di Lapau nan hangek kini ABS-SBK -- Adat Basandi Syarak Syarak Basandi Kitabullah, bagi Makngah interpretasinyo hampia samo jo kaji lamo Urang Awak, nan MakNgah pedekkan IBMB -- Iduik Baraka Mati Bariman. Jadi, badasarkan IBMB ko pai lah MakNgah ka SBIA. Pado mambaia, eloklah perai. Kok indak pahalo nan ka dapek, saindak-indaknyo salero lapeh juo... :) Sasudah dinner, makanan lamak, kami sumbayang Mugarik. Sabalun sumbayang mugarik ado saurang mambaco-baco "Assalamuialaika ya Habibullah" baulang-ulang jo variasi ungkapan-ungkapan lain. Nan ciek ko lai takana, karano acok diulang-ulangnyo. Salasai sumbayang mugarik pembicara mambari kaji satu jam. Panjang caritonyo. Salasai maagiah kaji, Isya pun tibo, sumbayang jamaah jo Imam Musajik. Salasai sumbayang Isya sabagian urang muloi tagak, saroman mambuek lingkaran agak marapek ka mihrab. Sabagian urang lah muloi pulang. Imam musajik indak tampak dalam kelompok ko doh. Urang banyak nan tingga tu tagak basamo, MakNgah duduak basanda ka dindiang untuak maobservasi acara. Sudah tu saurang induak kelompoknyo manyanyi-nyanyi, antah salawat antah apo, tapi tadanganyo babantuak pantun atau syair dalam bahaso Urdhu. Sababian nan lain nan tagak tu, manyimak manggarik-garikan bibia saroman lai sato pulo, tapi suaronyo indak tadanga amek. Sudah tu batuka tukang nyanyinyo, batigo kasadonyo. [Observasi ko maingekkan parangai Makngah katu mangaji di surau sisuak. Kok mato alah takantuak, anak-anak masih mangaji, awak manggarik-garikan bibia pulo pura-pura maapa kaji, tapi kaji indak luruih lai, dek mato lah takantuak, duduakpun alah maakuak-akuak. :)] Sudah salasai manyanyi baco-bacoan tu, mareka basalam-salaman, satangah ado nan bapaguik-paguik saroman urang middleeast pulo. MakNgah indak sato doh. Lupo MakNgah tadi, balain jo MCA, SBIA ko jamaahnyo banyak urang India. MakNgah masih duduak basanda, tacongang-congang juo. Datang kawan lamo mandakeki MakNgah. MakNgah batanyo, Bahaso aa tu nan dinyanyikan? Keceknyo, Urdhu, Campua Arab, Campua Inggirih. Sudah tu MakNgah dibimbiangnyo tagak. Urang lah bapisah salamat jalan. MakNgah pulang ka Santa Kuruih, 55 minik sampai di rumah. Tibo di rumah dibuek postiang laporan ko. Itulah sakadar pancaliakan MakNgah dalam bapartisipasi Maulid tahun ko. Salam, MakNgah Sjamsir Sjarif di Tapi Riak nan Badabua http://www.santacruzsentinel.com/localnews/ci_12030675 --- In rantau...@yahoogroups.com, Ryan Firdaus <ryanfirdau...@...> wrote: > > assalamualaikum wr.wb > > sanak Al Haqir, Ahmad ridha, Taufiqurrasyid, Ahmad Iqbal, dan lain2 yg di > rahmati Allah...setelah ambo baco keseluruhan koment mengenai sambutan > Maulidurrasul ko...sampai yg terakhir amo baco dari sanak Ahmad Ridha yg di > tulis jam 10:35:08 WMsia... > > kesimpulan ambo, selain masaalah ko furu'iyah..sabanta lai nyo jadi polemik > nan ndak ado kesudahan..wal hal puluhan tahun nan lalu lah kalua buku taba2 > nan mengandungi polemik antaro Ulam wakil kaum Mudo Vs Ulama kaum Tuo...jan > mubazirkan tanago jo pitih untuak ma ulangi polemik ko...ndak kan ado gai > penghujungnyo..picayo lah sanak2 sekalian... > > sabanta tadi Mak Ngah lah manyindia dari subarang lauik...tapi ulamak mudo > kito ndak taraso, cumo sanak Alhaqir nan agak capek tanggap... > > sudah-sudah lah tuuuu.....atau mananti Rang Dapua ma agiah lampu kuniang?????? > > sesungguhnya setinggi manapun ilmu yang kita miliki tidak sedikitpun mewakili > ilmu yang sebenarnya telah diberikan oleh Allah Ta'ala kepada hamba2 yang di > Cintainya...jangan pula nanti karena sesuatu amalan yang belum tentu di > terima atau di tolah oleh Allah, mengurangi rasa hormat kita kepada para > Ulama terdahulu yang jauh lebih soleh,lebih alim dan lebih zuhud dari pada > kita, yang hanya membaca ratusan kitab kuning, berbanding mereka yang hafal > ribuan bahkan puluh ribuan hadis...... > > wallahua'lam > ryan 42 ipoh > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe