Assalaamu'alaikum wa rahmatullaahi wa barakaatuhu Alah lamo ambo manyimak sajo, nak iyo lo sato saketek, mudah-mudahan ado gunono.
Dalam urusan suami istri tatap ado pamisahan 'harato'. Ado kajalehan nan maa arato suami, nan maa arato istri, nan maa arato basamo. Arato basamo ko pun pado waktu-waktu tatantu musti dijalehan, sia sabanano nan punyo. Arato pambarian suami ka istri nan jolong-jolong bana adolah mahar. Mahar ko saratuih persen punyo istri. Saketek pakaro mahar, banyak urang manyangko bahaso mahar ko simbol sajo, dek karano itu banyak tadanga, laki-laki maagiahan mahar saparangkaik alat shalat. Ambo mandapek katarangan dari surang ustad nan bahaso mahar ko adolah jaminan untuak surang padusi. Bisa sajo tajadi, sasudah syah hubungan suami istri, nan laki-laki pai bajalan, batugeh ka tampek lain. Allah bahandak, singkek umua nan laki-laki, maningga awakno, samantaro si istri alah muloi hamil. Katiko anakno lahia, mako mahar cakolah ka jadi panupang hiduik di no mangasuah anak nan baru lahia, nan apakno indak ado lai. Jadi saharusno mahar tu barang nan punyo nilai handakno labiah dari sakadar seperangkat alat shalat. Sasudah manikah, tangguang jawab suami manafkahi istri sarato kaluarga. 'Pria menjadi pemimpin terahadap wanita, karena Allah telah memberikan kelebihan (kekuatan) kepada pria dari wanita dan karena pria bertanggung jawab menafkahkan hartanya (untuk rumah tangga).' (An Nissaa ayat 34). Ikolah aturan nan normal, nan laki-laki bausaho kalua, nan padusi mauruih rumah tanggo ka dalam. Dan masiang-masiang mareka batangguang jawab ateh urusan masiang-masiang. Suami nan batangguang jawab maagiahan kaparaluan hiduik padusi sarato anggota rumah tangga lainno. Di buek-anno rumah, dibalianno paralatan rumah tanggo. dibalianno parhiasan untuak istri. Apo-apo sajo nan dibalianno untuak istri dan diikrarkanno pambarian tu, mako jadilah nan sarupo itu hak milik si istri. Antah rumah, antah barang ameh, atau apo sajo. Lalu diingek Allah di ayat 20 surek An Nissaa juo sarupo iko; 'Dan jika kamu hendak mengganti isterimu dengan isteri yang baru, sedangkan kamu telah memberi kepada seorang di antara mereka harta yang banyak, janganlah kamu ambil kembali sedikit jua pun.....' Jadi nan maa nan alah diagiahan ka padusi awak, kudian takadia untuang tapaso bapisah, bacarai, mako apo-apo nan alah diagiahan jaan dimintak pulo baliak. Talarang nan sarupo itu. Mako nan laki-laki adolah di tipak nan maagiah. Tantu pandai-pandailah awak dalam maagiah. Indaklah bijaksana pulo namono kalau kasadoan isi dompet disarahkan bulek-bulek ka istri. Amplop gaji disarahan bulek-bulek. Sabab banyak juo kajadian, dek karano satu dan lain hal awak bacarai, samantaro sagalo harato alah disarahan ka binyi, tapaso awak nan kalua dari rumah jo kain saruang salai sajo lai. Jaan sampai tajadi nan sarupo itu. Lalu baa kalau tanyato, jo izin dari suami, istri bakarajo pulo. Sainggo mambuek rumah dipokok-i baduo, mambali oto dipokok-i baduo. Nan partamu, dijalehkan, diikrarkan di antaro awak baduo, baa duduakno kapamilikan barang-barang tu (rumah, oto dsb tu). Kalau alah dihibahkan ka istri, mako salasai etongan, bararati istri nan punyo. Kalau indak, kalau nan dibalitu punyo baduo, duduak-an pulo baa pambagianno. Bara bagian nan hak mutlak istri dan bara nan alun diagiahan ka istri. Aa.... iko iyo paralu saksi nan jaleh. Iko nan buliah di sabuik sabagai harato gono gini bak kecek urang di subarang, Katiko tajadi pacaraian, dibagilah aratoko sasuai jo kapamilikanno. Bara prosen nan punyo awak, bara prosen pulo nan punyo istri. Kok maninggaan warisan awak biko mako nan ka dibagi adolah nan masih tadaftar sabagai hak milik awak (laki-laki) sautuahno, itu nan ka dibagi dek ahli warih awak. Sakitu sajo dulu samantaro.... Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: "taufiqras...@gmail.com" <taufiqras...@gmail.com> To: rantaunet@googlegroups.com Sent: Tue, March 16, 2010 9:36:59 AM Subject: Re: [...@ntau-net] HARTA WARISAN--Cerai Kalau untuak warisan iko lah ado hukumnyo Baa manuruik Islam, kalau terjadi perpisahan suami-istri Kalau dulu suami-istri tingga di rumah gadang. Inyo kalua/ maninggakan rumah mambao bungkusan baju jo kain saruang sajo Kok kini lah ado nan punyo gaduang/ruko dll babarapo buah. Baa pulo mambaginyo manuruik Faraidh ??? Kalau UU no 1 th 1974 lah samo tau awak Tarimokasih untuak pencerahannyo Salam TR Sent from my BlackBerry® powered by Sinyal Kuat INDOSAT -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe